Mateo 9:22 - Tosi Tapu

²² Na mafuli loa Sesu, o pati, i lana tio kiate ia : Ke ke loto makeke, ei loku taine, kua fakamauli a koe e lau tui. Ti na mauli loa le fafine lena i le ola fai lena.

Mateo 9:22 Iomraidhean Croise

Mateo 15:28

Ti na pati loa Sesu kiate ia : Fafine, e lasi ai lau tui, ke fai ki le nea leia e ke loto ki ai. Ti na mauli loa lona taine i le ola fai lena.

Mateo 17:18

Na valoki loa e Sesu le temonio, ti na mavae loa a ia iate ia, ti na mauli loa le toe i le ola lena.

Mateo 8:13

Ti na pati loa Sesu ki le setulio : Ano, ti ke fai kiate koe, ofaipe lau tui. Ti na mauli loa le tagata fakasausau i le ola totonu lena.

Mateo 9:2

Ti ko leinei, na aumai loa kiate ia se tagata palalisia leia na moe i se palepale. I lana tio ki lalatou tui, na pati loa Sesu ki le tagata palalisia : Ke ke loto makeke, ei laku fanau, kua fakamolemole au agasala.

Mateo 9:29

Ti na fafa loa Sesu ki ola mata, o pati : Ke fai kia koulua o mulimuli ki lakoulua tui.

Maleko 10:52

Ti na pati loa Sesu kiate ia : Ano, kua fakamauli a koe e lau tui.

Maleko 5:34

Kae na pati loa Sesu kiate ia : Ei loku taine, kua saofaki a koe e lau tui ; ano i le tokamalie, talie kua ke mauli i lou masaki.

Luka 17:19

Ti na pati loa Sesu kiate ia : Tuu ki aluga, ano ; kua fakamauli a koe e lau tui.

Luka 18:42

Ti na pati loa Sesu kiate ia : Tio, kua fakamauli a koe e lau tui.

Luka 7:50

Kae na pati loa Sesu ki le fafine : Kua fakamauli a koe e lau tui, ano i le tokamalie.

Luka 8:48

Na pati loa Sesu kiate ia : Ei loku taine, kua fakamauli a koe e lau tui ; ano i le tokamalie.

Soane 4:53

Na iloa loa e le tamana ko le ola fai lena na pati ai Sesu kiate ia : Kua mauli lou vosa. Ti na tui loa a ia, a ia mo lona fale katoa.

Gaoi 14:9

Na fakalogo a ia ki le masau a Paulo, leia na tio fakamaumau loa kiate ia, o iloa loa e ia kua maua e ia le tui ke mauli ai,

Gaoi 16:18

Ti na fai loa e ia le nea lena i le lolotoga o ni aso mauke ai. I lona kaekae, na mafuli ake loa Paulo o pati ki le temonio : E kau fakatotonu atu kiate koe, i le suafa o Sesu-Kilisito, mavae meiate ia. Ti na mavae aifai le laumalie.

Epelo 4:2

Talie kua fakasa le logo malie lena kia tatou ofaipe latou ; kae na leaise aoga kia latou le folafola leia na lotou logo ki ai, talie na leaise maua se tui ia latou ala na logo ki ai.