Mateo 9:2 - Tosi Tapu

² Ti ko leinei, na aumai loa kiate ia se tagata palalisia leia na moe i se palepale. I lana tio ki lalatou tui, na pati loa Sesu ki le tagata palalisia : Ke ke loto makeke, ei laku fanau, kua fakamolemole au agasala.

Mateo 9:2 Iomraidhean Croise

Ekelesiasi 9:7

Koia, ano a koe i lou ala, kai lau pane i le fiafia, ti inu lau vino i le fimalie ; talie talu mei fualoa kua fakamaoki e le Atua au gaoi.

Esaia 44:22

E kau soloi au sala ofaipe se kokofu, Ti mo au agasala ofaipe se ao ; Toe liliu mai kiate au, Talie na kau totogi a koe.

Mateo 14:27

Kae na pati loa Sesu kia latou i le temi fai lena : Kotou fimalie, ko au, aua na kotou i !

Mateo 4:24

Na mafola loa lona logologona i le fenua katoa o Silia, ti na aumai loa kiate ia latou fuli ala na mamae i ni masaki ti mo mamae kesekese, mo ni kakai ala na nofo ai ni temonio, mo ni kakai ala na masaki tete, mo ni kakai palalisia, ti na fakamauli loa e ia latou.

Mateo 6:12

fakamolemole mai ki amatou agasala, ofaipe lamatou fakamolemole foki kia latou ala e agasala mai kia matou ;

Mateo 8:10

I lana logo ki lana masau, na ofolele Sesu, ti na pati loa a ia kia latou ala na muli iate ia : E kau pati maoki atu kia koutou, i Iselaele foki, e leikiaise kau maua se tui makeke feneeki.

Mateo 8:16

I le afiafi, na aumai loa kia Sesu ni tagata avagaia e toka api ai. Na kapu loa e ia a laumalie veli ki lana folafola, ti na fakamauli loa e ia le kau masaki fuli,

Mateo 9:22

Na mafuli loa Sesu, o pati, i lana tio kiate ia : Ke ke loto makeke, ei loku taine, kua fakamauli a koe e lau tui. Ti na mauli loa le fafine lena i le ola fai lena.

Mateo 9:5

Talie kolea e faigaofie ake, i le pati : Kua fakamolemole au agasala, mo le pati : Tuu ki aluga, o saele ?

Mateo 9:6

Kae o tupu ke kotou iloa e nofo le Vosa o le tagata i le malama nei mo le pule ki le fakamolemole o agasala, na pati loa a ia ki le tagata palalisia : Tuu ki aluga, o too lou palepale, ti ke ano ki lou kaiga.

Maleko 1:32

I le afiafi, i le galo o le laa, na aumai loa kia Sesu le kau masaki fuli ti mo le kau avagaia.

Maleko 10:49

Na tuu loa Sesu, o pati : Kotou kalagai a ia ke au. Ti na lotou kalagai loa le tagata kivi, o pati kiate ia : Ke ke loto makeke, tuu ki aluga, e kalaga mai a ia kiate koe.

Maleko 5:34

Kae na pati loa Sesu kiate ia : Ei loku taine, kua saofaki a koe e lau tui ; ano i le tokamalie, talie kua ke mauli i lou masaki.

Maleko 6:50

talie na lotou tio fuli kiate ia, ti na lotou i. I le lakaga fai lena na masau loa Sesu kia latou, o pati : Kotou fimalie, ko au, aua na kotou i !

Soane 16:33

Kua kau fakasa a nea ana kia koutou, o tupu ke kotou maua le tokamalie iate au. E kotou maua loa ni mamae i le malama nei ; kae kotou loto makeke, kua kau malo i le malama nei.

Soane 2:25

ti talie na leaise aoga ke fakasa ake e se tasi kiate ia se nea o uiga mo se tagata ; talie na iloa e ia le loto o le tagata.

Soane 21:5

Na pati loa Sesu kia latou : Fanau, pe leaise kotou maua se nea ke kai ? Na lotou tali loa kiate ia : Leai.

Gaoi 14:9

Na fakalogo a ia ki le masau a Paulo, leia na tio fakamaumau loa kiate ia, o iloa loa e ia kua maua e ia le tui ke mauli ai,

Gaoi 19:12

o kaku ai ki le fakalave o ni kie pe ko ni musuala kua lave ki lona tino ki le kau masaki, ti na mavae a masaki mo temonio meia latou.

Gaoi 23:11

I leia ake a po, na sa loa le Aliki kia Paulo, o pati : Ke ke loto makeke ; talie, ofaipe lau fakamaoki kiate au i Selusalemi, e tonu foki ke ke toe fakamaoki i Loma.

Loma 5:11

E leaise gato fua i ai, kae e tou fiafia foki i le Atua i lotatou Aliki ko Sesu-Kilisito, leia kua tou maua ai le fakatokatoka i le temi nei.

Sakopo 2:18

Kae e pati loa se tasi : Ko koe, e ke maua le tui ; ti ko au, e kau maua a gaoi. Fakasa mai kiate au lau tui sala gaoi, ti ko au, e kau fakasa atu loa kiate koe laku tui i aku gaoi.