Mateo 9:18 - Tosi Tapu

¹⁸ Na lolotoga fakasa e ia kia latou a folafola ana, ko leinei, na kaku mai loa se pule, o tulolo i ona mua, o pati : Nao mate nei fua loku taine ; kae au a koe o teki kiate ia ou lima, ti e mauli loa a ia.

Mateo 9:18 Iomraidhean Croise

Lua tosi o Sau 5:11

Na ita loa Naamane ti na ano loa a ia, o pati : Ko leinei, na kau pati : E ulu mai loa a ia kiate au, e au totonu loa a ia, e kalaga loa a ia ki le suafa o le Eteleno, lona Atua, e fafa loa lona lima ki le potu leia e masaki, ti e fakamauli loa e ia au.

Mateo 14:33

Ko latou ala na nonofo i le vaka na au loa o su kia Sesu, o pati : Ko le Alo maoki a koe o le Atua.

Mateo 15:25

Kae na au loa le fafine o tulolo i ona mua, o pati : Aliki, fakamauli au !

Mateo 17:14

I lalatou kaku mai ki le kakai, na au loa se tagata o tutuli i mua o Sesu, o pati :

Mateo 20:20

Na fakafeofi ake loa le tinana o vosa o Sepeteo kia Sesu mo ona tamaliki, ti na tulolo a ia, o fai kia Sesu se kole.

Mateo 28:17

I lalatou tio kiate ia, na lotou atolasio loa kiate ia. Kae na lotolotolua loa ni iki.

Mateo 8:2

Ti ko leinei, na fakafeofi ake loa se tagata kilia o tulolo i ona mua, o pati : Aliki, kapau e ke loto ki ai, e mafai ke ke fakamea au.

Mateo 8:25

Na fakafeofi ake loa le kau tisipulo, o fafagu a ia, o pati : Aliki, saofaki tatou na tou mamate !

Mateo 9:17

E leaise tuku foki se vino foou ki ni utele afea, talie e masaesae loa a utele afea, ti e sali loa ki tafa le vino ti e maumau loa mo utele ; kae e tuku le vino foou ki ni utele foou, ti e tologa loa le vino mo utele.

Mateo 9:19

Na tuu ake loa Sesu ki aluga, ti na muli loa a ia iate ia mo ana tisipulo.

Mateo 9:24

na pati loa a ia kia latou : Kotou fakamamao kese atu ; talie e leaise mate le taine, kae e moe a ia. Ti na lotou gologolo loa kiate ia.

Luka 13:14

Kae na itaita loa le pule o le sinakoka i le fakamauli o le masaki e Sesu i le aso o le sapato, ti na pati loa a ia ki le kakai : E i ai a aso e ono ala ke gaoi ai ; kotou au i aso ana ke fakamauli koutou, kae aua na kotou au i le aso o le sapato.

Luka 18:18

Na vesili loa se tagata pule kia Sesu, o pati : Pule agamalie, kolea e tonu ke kau fai ke maua ai le mauli lee gato ?

Luka 7:2

Na maua e se setulio sana tagata fakasausau, leia na alofa lasi a ia ki ai. Ti na masaki le tagata fakasausau lena, o teiteiki ke mate.

Soane 11:25

Na pati loa Sesu kiate ia : Ko au ko le toe tuuake mo le mauli. Ko leia e tui kiate au e mauli loa a ia, tatau aifai pe mate a ia ;

Soane 11:32

I le kaku a Malia ki le ganea leia na nofo ai Sesu o tio kiate ia, na fakamapee loa a ia ki ona vae, o pati kiate ia : Aliki, kanapau na ke nofo i leinei, na leaise mate loku tuagaane.

Gaoi 13:15

I le oki o le lau o le tosi o le Lao mo le kau polofeta, na kakau loa e pule o le sinakoka ke pati kia laua : Fetaina, kapau e kolua maua ni akonaki ki le kakai, ke kolua masau.

Gaoi 28:8

Na moemoe le tamana o Pupiliusi talie na masaki a ia, ti na lasi ai lona fiva mo lona mamae manava. Na ulu loa Paulo ki lona fale o faikole mo teki ona lima kiate ia, o malie ai loa lona masaki.