Mateo 8:8 - Tosi Tapu

⁸ Na tali loa le setulio : Aliki, e leaise aoga ke ke ulu mai ki loku loto fale, kae ke pati mai fua se folafola, ti e mauli loa laku tagata fakasausau.

Mateo 8:8 Iomraidhean Croise

Senesi 32:10

Eteleno, e leaise kau gali mo kalasia fuli ala na ke tuku mai kiate au, mo lou agatonu katoa kiate au ko lau tagata fakasausau ; talie na kau fakalaka i le Solotane leinei mo loku tokotoko, ti ko leinei kua kau nofo mo ni nofolaga e lua i le aso nei.

Pesalemo 10:17

Ei Eteleno, logo ki fakaamu a latou e mamae ! E ke fakamakeke olatou loto ; e ke tokaga lou taliga kia latou,

Pesalemo 107:20

Na kakau loa e ia lana folafola o fakamauli latou, Na saofaki loa e ia latou i le popoko.

Pesalemo 33:9

Talie e pati a ia, ti e soko le nea ; E fakatotonu e ia, ti e tuku a ia.

Numelo 20:8

Ke ke too lou tokotoko, ti ke ke tanaki le fakatasi, e koe mo lou taina ko Alone. E kolua masau loa i olatou mua ki le utu leinei, ti e soli atu loa e ia ona vai ; e ke fakamapuna loa kia latou se vai mei le utu, ti e ke fakainu loa ki le vai le kakai mo manu.

Mateo 3:11

Ko au, e kau papitema koutou ki le vai o uiga mo le fakasemala, kae ko ia loa leia e olo mai kiate au e makeke ake iate au, ti e leaise kau gali ke kapa ki ona taka. Ko ia leia e papitema ia loa koutou ki le Laumalie Maokioki ti mo le afi.

Mateo 3:14

Kae na taofi loa a ia e Soane, o pati : Ko au leia e aoga ke ke papitemai, kae e ke au kiate au !

Mateo 8:3

Na falo loa e Sesu lona lima, o fafa kiate ia, o pati : E kau loto ki ai, ke ke mea. I le lakaga fai lena na mea loa a ia i lona kilia.

Mateo 8:7

Na pati loa Sesu kiate ia : E kau ano loa, ti e kau fakamauli loa a ia.

Mateo 8:9

Talie, ko au leinei e maua ke fakalogo ki oku pule, e kau pule ki ni tagata solia ; ti e kau pati ki se tasi : Ano !, ti e ano a ia ; ki leia ake : Au !, ti e au a ia ; ti ki laku tagata fakasausau : Fai le nea lena !, ti e fai e ia a ia.

Luka 15:19

e leaise koi kau gali ke fakaigoa a au ko lou vosa ; too au ofaipe se tasi o au tagata gaoi totogi.

Luka 15:21

Na pati loa le vosa kiate ia : Tamana, kua kau agasala ki le lagi ti mo koe, e leaise koi kau gali ke fakaigoa au ko lou vosa.

Luka 5:8

I le tio a Simone Petelo ki le nea lena, na tutuli loa a ia o punou ki le kele i mua o Sesu, o pati : Aliki, fakamamao atu iate au, talie ko au ko se tagata agasala,

Soane 1:27

kae lasi ake a ia iate au, ti e leaise kau gali fua i le tatala o nonoa o ona taka.