Mateo 8:6 - Tosi Tapu

⁶ o kolekole kiate ia, o pati : Aliki, ko laku tagata fakasausau e moe i fale, e palalisia ti e mamae lasi ai.

Mateo 8:6 Iomraidhean Croise

Mateo 4:24

Na mafola loa lona logologona i le fenua katoa o Silia, ti na aumai loa kiate ia latou fuli ala na mamae i ni masaki ti mo mamae kesekese, mo ni kakai ala na nofo ai ni temonio, mo ni kakai ala na masaki tete, mo ni kakai palalisia, ti na fakamauli loa e ia latou.

Mateo 8:7

Na pati loa Sesu kiate ia : E kau ano loa, ti e kau fakamauli loa a ia.

Mateo 9:2

Ti ko leinei, na aumai loa kiate ia se tagata palalisia leia na moe i se palepale. I lana tio ki lalatou tui, na pati loa Sesu ki le tagata palalisia : Ke ke loto makeke, ei laku fanau, kua fakamolemole au agasala.

Gaoi 10:7

I le mavae a le aselo leia na masau kiate ia, na kalagai loa e Kolenelio se toka lua i ana tagata fakasausau, ti mo se tagata solia agatonu ia latou ala na tausi kiate ia ;

Gaoi 8:7

Talie na mavae loa ni laumalie veli mei se toka api leia na avagaia, o tagi leo lasi, ti na fakamauli se toka lasi na palalisia mo kito.

Gaoi 9:33

Na maua loa e ia i ai se tagata na igoa ko Eneo, kua fetuu valu lana moemoe i se palepale, talie na palalisia a ia.

Kolose 3:11

Koia e leaise i ai se Keleka i leinei pe ko se Sutea, mo se tagata silikosisio pe ko se lee silikosisio, mo se matapule pe ko se Site, mo se tagata popula pe ko se tagata lauatea ; kae ko Kilisito fuai i tagata fuli.

Kolose 4:1

Pule, kotou soli ki akoutou tagata fakasausau le nea leia e totonu mo feauga, o kotou iloa e i ai lokoutou Pule foki i le lagi.

Uluaki tosi kia Timoteo 6:2

Ti ko latou ala e maua ia ni pule kua tui, ke aua na lotou matasoka kia latou, talie ko ni fetaina latou ; kae ke lotou toe asili gaoi malie ake talie ko ni fetaina agatonu mo alofaina latou ala e gaoi ki lolatou malie. Ke ke ako a nea ana kia latou ti mo ke akonaki latou.

Filemo 1:16

kae e leaise koi faipe se tagata popula, kae kua taualuga ake i le tagata popula, ofaipe se taina alofaina, uluaki mua kiate au, ti toe lasi ake kiate koe, i le tino, ti mo le Aliki.