Mateo 8:4 - Tosi Tapu

⁴ Na pati loa Sesu kiate ia : Tokaga ke aua na ke fakasa a ia ki se tasi ; kae ke ano, o fakasa a koe ki le tagata faisakilifisio, ti mo ke ave le moliga leia na tosi e Moisese, ke fakamaoki ai kia latou.

Mateo 8:4 Iomraidhean Croise

Esaia 42:21

Na loto le Eteleno, ki le fiafia o Iselaele, Ke fakasa se lao lasi mo fulumalie.

Levitiko 13:49

Ti kapau e sesega le pulepule lena pe kulakula, ti e tioi loa le sekaseka lena e se tagata faisakilifisio.

Mateo 10:18

e taki loa koutou, o tupu ko au, ki mua o ni kovana, ti mo ni sau, ke kotou liliu ko ni fakamaoki kia latou ti mo le kau pagani.

Mateo 16:20

Ti na kole fakamakeke loa e ia ki le kau tisipulo ke aua na fakasa fua ki se tasi ko le Kilisito a ia.

Mateo 17:9

I le lolotoga o lalatou ifo mei le mauga, na tuku loa e Sesu kia latou le fakatotonu leinei : Aua na kotou masau ki se tasi o uiga mo le nea leia na kotou tio ki ai, o kaku ki le toe tuuake o le Vosa o le tagata mei le kau mate.

Mateo 3:15

Na tali loa Sesu kiate ia : Tuku ke fai i le lakaga nei, talie e malie ake ke ta fakasoko i ai a nea fuli ala e totonu. Ti na leaise toe taofi loa a ia e Soane.

Mateo 5:17

Aua na kotou pati na kau au o soloi le lao a Moisese pe ko le kau polofeta, na leaise kau au o soloi kae o fakasoko.

Mateo 6:1

Kotou tokaga ki le fai o lokoutou agatonu, ke aua na kotou fai a ia i mua o tagata, o tupu ke tioi koutou : talie kapau ko ia, ti e leaise kotou maua loa se fakapale i tafa o lokoutou Tamana leia e nofo i le lagi.

Mateo 9:30

Ti na mavaa loa ola mata. Na fai loa e Sesu kia laua le fakatotonu fakamakeke leinei : Kolua tokaga ke aua na iloa fua e se tasi le nea leinei.

Maleko 13:9

Kotou tokaga kia koutou totonu. E ave loa koutou ki telepinale, ti e sasa loa koutou ki ni laakau i sinakoka ; e kotou tutuu loa i mua o ni kovana ti mo ni sau, o tupu ko au, talie ke kotou fakasa le maoki kia latou.

Maleko 3:12

Kae na fakatotonu fakamakeke e ia kia latou ke aua na lotou fakasa a ia.

Maleko 5:43

Na tuku loa e Sesu kia latou ni fakatotonu fakamakeke, ke aua na iloa e se tasi le nea ; ti na pati loa a ia ke soli se nea kai ki le taine.

Maleko 6:11

Ti kapau e i ai i se ganea ni kakai ala e leaise tali ia koutou pe leaise fia logo kia koutou, kotou mavae i ai, ti kotou tutuui le efu i okoutou vae, o tupu ke liliu le nea lena ko se fakamaoki kia latou.

Maleko 7:36

Na fakatotonu loa e Sesu kia latou ke aua na masaui fua le nea lena ki se tasi ; kae na lasi lana fakatotonu kia latou, ti na toe asilisili lalatou fakamafola a ia.

Maleko 8:30

Na fakatotonu loa e Sesu kia latou ke aua na lotou fakasa le nea lena ki se tasi.

Maleko 9:9

I lalatou ifo mei le mauga, na fakatotonu loa e Sesu kia latou ke aua na fakamatala ki se tasi le nea leia na lotou tio ki ai, o kaku ki le toe tuuake o le Vosa o le tagata mei le kau mate.

Luka 17:14

I le tio a Sesu kia latou, na pati loa a ia kia latou : Kotou ano o fakasa koutou ki le kau tagata faisakilifisio. I lalatou ano, na lotou mauli loa i lolatou kilia.

Luka 21:13

E soko loa le nea lena kia koutou o tupu ke kotou liliu ko se fakamaoki.

Luka 4:41

Na mavae foki ni temonio mei ni kakai toka api, o taukalaga mo pati : Ko Alo a koe o le Atua. Kae na valoki latou e Sesu ti na leaise fakataga e ia ke lotou masau, talie na lotou iloa ko le Kilisito a ia.

Luka 5:14

Na fakatotonu loa e Sesu ki le tagata : Aua na ke toe masau ki se tasi ki le nea lena. Kae ano o fakasa a koe ki le tagata faisakilifisio, ti mo momoli ki lou fakamea le nea leia na fakatotonu e Moisese, ke liliu le nea lena kia latou ko se fakamaoki.

Luka 8:56

Na punamauli ai a matua o le taine, kae na fakatotonu loa e Sesu kia laua ke aua na la masau fua ki se tasi ki le nea leia kua soko.

Luka 9:21

Na fakatotonu fakamakeke loa e Sesu kia latou ke aua na masaui a ia ki se tasi.

Soane 5:41

E leaise kau tali loku kololia mei tagata.

Soane 7:18

Ko leia e masau iate ia totonu, e afa ia lona kololia toka tasi ; kae ko leia e afa ia le kololia o leia na kakau ia a ia e maoki a ia, ti e leaise se nea fua iate ia e sala.

Soane 8:50

E leaise kau afa fua loku kololia, e i ai se tasi leia e afa ia a ia ti e fakamaaui.