Mateo 8:34 - Tosi Tapu

³⁴ Na au loa le kolo katoa o fakafelavei kia Sesu ; i lalatou tio kiate ia, na lotou kolekole loa kiate ia ke mavae a ia i lolatou fenua.

Mateo 8:34 Iomraidhean Croise

Uluaki tosi o Sau 17:18

Na pati loa le fafine kia Elia : Kolea le nea kua veli i lota vasaa, tagata a le Atua ? Pe na ke au ki loku kaiga o fakamanatu laku agaveli ti mo fakamate loku tama ?

Uluaki tosi o Sau 18:17

I le tio loa a Akapo kia Elia, na pati loa a ia kiate ia : Pe ko koe leia e fakamaveuveu ia Iselaele ?

Sopo 21:14

Kae na lotou pati ki le Atua : Ano kese ia matou, E leaise motou fia iloa ou ala.

Sopo 22:17

Na lotou pati ki le Atua : ano kese ia matou ; Kolea le nea e feala ke fai e le Mafimafi kia matou ?

Amosi 7:12

Ti na pati loa Amatesia kia Amosi : Tagata o tio, ano kese, sola ki le fenua o Suta ; kai i ai lau pane, ti ke faikikite loa i ai.

Mateo 8:29

Ti ko leinei, na la kalaga loa kiate ia : Kolea le nea leia e ke loto kia matou, Sesu, Alo o le Atua ? Pe na ke au ki leinei o fakamamae matou i mua o le temi ?

Luka 5:8

I le tio a Simone Petelo ki le nea lena, na tutuli loa a ia o punou ki le kele i mua o Sesu, o pati : Aliki, fakamamao atu iate au, talie ko au ko se tagata agasala,

Luka 8:28

I lana tio kia Sesu, na kalaga loa a ia, ti na fakapulou loa a ia ki ona vae, o tagi leo lasi : Sesu, Alo o le Atua Taualuga, kolea iate au mo koe ? E kau kole atu kiate koe ke aua na ke fakamamae au.

Gaoi 16:39

Ti na lotou au loa o fakakolekole laua, mo fakamavae laua i le pilisoni, ti mo kolekole kia laua ke la mavae i le kolo.

Tetelonome 5:25

Kae kolea e tuku ai loa matou ke mamate i le aso nei ? E tutu loa matou e le afi lasi lena. Kapau e motou toe logo loa ki le leo o le Eteleno, lomatou Atua, ti e motou mamate loa.

Uluaki tosi a Samuele 16:4

Na fai loa e Samuele le nea leia na pati ki ai le Eteleno, ti na ano loa a ia ki Peteleemi. Na feoso ake loa le kau matua o le kolo, kua lulu, ki ona mua, o pati : Pe fakasa e lau kaku mai se nea malie ?