Mateo 8:30 - Tosi Tapu

³⁰ Na i ai se kau puaka lasi leia na kai o mamao meia laua.

Mateo 8:30 Iomraidhean Croise

Esaia 66:3

Ko leia e momoli ia se pipi e tatau mo leia e tamate ia loa se tagata ; Ko leia e momoli ia se akeno e tatau mo leia e fatii ia loa le ua o se kuli, Ko leia e momoli ia se moliga e tatau mo leia e liligi ia loa le toto o se puaka, Ko leia e tutu ia se iseso e tautau mo leia e tausi loa ki ni taulaatua. Ko latou fuli ana na fiafia i olatou ala, Ti na maua e olatou laumalie lolatou fiafia i alatou nea fakalialia.

Levitiko 11:7

Le puaka, leia e maua ia ni vae paisi kae e leaise kai lamulamu, e kelekele loa a ia.

Mateo 7:6

Aua na kotou soli a nea tapu ki kuli, ti aua na kotou laku akoutou fuai kasoa ki mua o puaka, talie ke aua na lotou takatakafi loa latou ki olatou vae, ti ke aua na lotou mafuli mai loa, o sae koutou.

Mateo 8:29

Ti ko leinei, na la kalaga loa kiate ia : Kolea le nea leia e ke loto kia matou, Sesu, Alo o le Atua ? Pe na ke au ki leinei o fakamamae matou i mua o le temi ?

Mateo 8:31

Na kole loa e le kau temonio kia Sesu, o pati : Kapau e ke kapu matou, kakau matou ki le kau puaka leinei.

Maleko 5:11

Na i ai i le ganea lena, o ofi ki le mauga, se kau puaka lasi leia na fagai.

Luka 8:32

Na i ai i le ganea lena se kau puaka lasi ai leia na fagai i le mauga. Ti na kolekole loa le kau temonio kia Sesu ke fakataga ake ke lotou ulu ki puaka ana, ti na fakataga loa e ia kia latou.

Tetelonome 14:8

Ke aua na kotou kai loa le puaka, leia e maua ia ni vae paisi lua kae e leaise kai lulua, e tonu loa ke kelekele a ia kia koutou : e lotou kelekele loa kia koutou. Ke aua na kotou kai loa lona tino, ti ke aua na kotou fafa loa ki se puaka mate.