Mateo 8:3 - Tosi Tapu

³ Na falo loa e Sesu lona lima, o fafa kiate ia, o pati : E kau loto ki ai, ke ke mea. I le lakaga fai lena na mea loa a ia i lona kilia.

Mateo 8:3 Iomraidhean Croise

Senesi 1:3

Na pati loa le Atua : Ke sa le malama ! Ti na sa loa le malama.

Lua tosi o Sau 5:11

Na ita loa Naamane ti na ano loa a ia, o pati : Ko leinei, na kau pati : E ulu mai loa a ia kiate au, e au totonu loa a ia, e kalaga loa a ia ki le suafa o le Eteleno, lona Atua, e fafa loa lona lima ki le potu leia e masaki, ti e fakamauli loa e ia au.

Lua tosi o Sau 5:14

Na ifo loa Naamane, o uku tua fitu i le Solotane, o mulimuli ki le folafola a le tagata a le Atua ; ti na liliu loa lona kili ofaipe se kili o se ga toe memea, ti na mea loa a ia.

Pesalemo 33:9

Talie e pati a ia, ti e soko le nea ; E fakatotonu e ia, ti e tuku a ia.

Ekesote 4:7

Na pati loa le Eteleno : Toe teki lou lima ki lou fatafata. Ti na toe teki loa e ia lona lima ki lona fatafata ; ti na too ake loa e ia lona lima mei lona fatafata, ti ko leinei, kua toe liliu a ia o tatau mo lona kanofi.

Mateo 12:13

Ti na pati loa Sesu ki le tagata : Falo mai lou lima. Na falo loa e ia lona lima, ti na mauli loa a ia ofaipe leia ake a lima.

Maleko 1:41

Na aloalofa loa Sesu kiate ia, ti na falo loa e ia lona lima, o fafa ki le tagata, o pati : E kau loto ki ai, ke ke mea.

Maleko 4:39

I lana ala ake, na valoki loa e ia le matagi, mo pati ki le tai : Fakalologo ! Manava oki ! Ti na mate loa le matagi, ti na momole oki loa le tai.

Maleko 5:41

Na too loa e Sesu le lima o le toe, o pati kiate ia : Talitha koumi, ko lona uiga : E kau pati atu, taine, tuu ki aluga !

Maleko 7:34

ti na tagaki loa ona mata ki lagi, ti na tukumanava loa a ia, o pati : Efata, ko lona uiga, ke ke mavaa !…

Maleko 9:25

I le tio a Sesu ki le fekapu mai a le kakai, na valoki loa e ia le laumalie veli, o pati kiate ia : Laumalie gutu mate mo tulituli, e kau fakatotonu atu kiate koe, mavae i le toe lena, ti aua na ke toe ulu kiate ia.

Luka 4:27

Na toka api foki le kau kilia i Iselaele i le temi o le polofeta ko Eliseo ; kae na leaise fakamauli fua se toka tasi o latou i lona kilia, kae ko Naamane toka tasi, le tagata Silia.

Luka 5:13

Na falo loa e Sesu lona lima o fafa kiate ia, o pati : E kau loto ki ai, ke ke mea. I le temi fai lena, na mavae loa le kilia iate ia.

Luka 7:14

Ti na fakafeofi loa a ia o fafa ki le pusa o le mate. Ti na tuu loa le kau amo. Ti na pati loa a ia : Tupulaga, e kau pati atu kiate koe, tuu ki aluga !

Soane 11:43

I le oki o lana pati lena, na kalaga loa a ia o leo lasi : Lasalo, au ki fafo !

Soane 15:24

Kanapau na leaise kau fai i lotolotoga o latou ni gaoi ala na leaise fai e se tasi, e leaise sa loa lalatou agasala ; kae ko leinei kua lotou tio kia latou, ti kua lotou vesia kiate au mo loku Tamana.

Soane 5:21

Talie ofaipe le tamana e fakatuuake ia le kau mate ti e soli ia kia latou le mauli, e toe soli foki e le Alo le mauli ki leia e loto a ia ki ai.