Mateo 8:29 - Tosi Tapu

²⁹ Ti ko leinei, na la kalaga loa kiate ia : Kolea le nea leia e ke loto kia matou, Sesu, Alo o le Atua ? Pe na ke au ki leinei o fakamamae matou i mua o le temi ?

Mateo 8:29 Iomraidhean Croise

Lua tosi a Samuele 16:10

Kae na pati loa le sau : E leaise kolua kau i ai, vosa o Teselusa ; tuku ke fakamalaia e ia au, talie kua pati le Eteleno kiate ia : Fakamalaia Tavite ! Ti ko ai e pati loa kiate ia : Kolea e ke fai felaaki ai ?

Lua tosi a Samuele 19:22

Kae na pati loa Tavite : E leaise kolua kau i ai, vosa o Teselusa, ti kolea e kolua fakafesagai ai ki aku manatu ? Pe tamate loa se tagata i le aso nei i Iselaele ? Pe leaise kau iloa ko au leia e pule i le aso nei i Iselaele ?

Uluaki tosi o Sau 17:18

Na pati loa le fafine kia Elia : Kolea le nea kua veli i lota vasaa, tagata a le Atua ? Pe na ke au ki loku kaiga o fakamanatu laku agaveli ti mo fakamate loku tama ?

Lua tosi o Sau 3:13

Ti na pati loa Eliseo ki le sau o Iselaele : Kolea kua ke au ai kiate au ? Ano ki le kau polofeta o lou tamana mo le kau polofeta o lou tinana. Ti na pati loa le sau o Iselaele kiate ia : Leai ! talie kua fakatasii e le Eteleno a sau anei e toka tolu, o tupu ke soli e ia latou ki lima o Moape.

Lua tosi o Koloniko 35:21

ti na kakau loa e Neko ni tagata avelogo ke pati kiate ia : Sau o Suta, kolea e ke au ai kiate au ? E leaise ko koe leia e kau au ki ai i le aso nei ; e kau pale ke taui se fale leia e veliveli mo au. Ti kua pati mai le Atua kiate au ke kau fakavilivili. Aua na ke fakafesagai ki le Atua, leia e kau mo au, talie na maumaui loa e ia a koe.

Soele 3:4

Kolea le nea e kotou loto ki ai, Tile mo Sitone, Ti mo koutou fuli, fenua o le kau Filisitini ? Pe kotou loto ke kotou lagavaka mai kiate au ? Kapau e kotou fia lagavaka mai kiate au, E leaise tuvai loa laku fakavilo lakoutou lagavaka ki okoutou ulu.

Mateo 4:3

Na fakafeofi ake loa le fakasala, o pati kiate ia : Kapau ko le Alo a koe o le Atua, fakatotonu ke liliu a fatu ana ko ni pane.

Mateo 8:30

Na i ai se kau puaka lasi leia na kai o mamao meia laua.

Maleko 1:24

Kolea e ke loto kia matou, Sesu mei Nasaleti ? Pe na ke au o maumaui matou ? E kau iloa pe ko ai a koe : Ko le Sagato a koe o le Atua.

Maleko 3:11

I le tio a laumalie veli kia Sesu, na lotou tulolo i ona mua, o tagi : Ko le Alo a koe o le Atua !

Maleko 5:7

ti mo tagi leo lasi : Kolea au kiate koe, Sesu, Alo o le Atua taualuga ? E kau kole fakamakeke atu kiate koe i le suafa o le Atua, aua na ke fakamamae au.

Luka 4:34

Oi ! Kolea e ke loto kia matou, Sesu mei Nasaleti ? Na ke au ke maumaui matou ? E kau iloa pe ko ai a koe : Ko le Sagato o le Atua.

Luka 4:41

Na mavae foki ni temonio mei ni kakai toka api, o taukalaga mo pati : Ko Alo a koe o le Atua. Kae na valoki latou e Sesu ti na leaise fakataga e ia ke lotou masau, talie na lotou iloa ko le Kilisito a ia.

Luka 8:28

I lana tio kia Sesu, na kalaga loa a ia, ti na fakapulou loa a ia ki ona vae, o tagi leo lasi : Sesu, Alo o le Atua Taualuga, kolea iate au mo koe ? E kau kole atu kiate koe ke aua na ke fakamamae au.

Soane 2:4

Na tali loa Sesu kiate ia : Fafine, pe i ai se nea iate au mo koe ? E leikiaise tatae loku ola.

Gaoi 16:17

Ti na muli loa a ia ia Paulo mo matou, o kalaga : Ko tagata anei ko ni tagata fakasausau a le Atua Taualuga, ti e lotou fakasa atu kia koutou le ala o le mauli.

Sakopo 2:19

E ke tui e i ai se Atua fuai e tasi, e ke fai malie ; e tui foki le kau temonio ki ai, ti e lotou lulu.

Lua tosi a Petelo 2:4

Talie, kapau na leaise fakasao e le Atua le kau aselo leia na agasala, kae na ti e ia latou ki ifeli, leia e taofi ai mo saisai ai latou o pilisoni i ni sosoni o le fakapouli ki le aso o le fakamaau ;

Suta 1:6

ti na taupau e ia ki le aso lasi o le fakamaau, o sai o lee gato e le fakapouli, le kau aselo leia na leaise taupau ia olatou tulaga, kae na lotou tiaki lolatou nofoaga totonu ;

Tuifakamaau 11:12

Na kakau loa e Sefete ni tagata avelogo ki le sau o vosa o Amone, o pati kiate ia : Pe i ai se nea i le vasa o ou mo au ke ke au ai o taui au i loku fenua ?