Mateo 8:27 - Tosi Tapu

²⁷ Na ofolele loa a tagata ana, o lotou pati : Ko ai le tagata leinei, ke fakalogo foki ki ai le matagi mo le tai ?

Mateo 8:27 Iomraidhean Croise

Mateo 14:33

Ko latou ala na nonofo i le vaka na au loa o su kia Sesu, o pati : Ko le Alo maoki a koe o le Atua.

Mateo 15:31

ti na ofolele le kakai i le tio kua masau a gutu mate, kua mauli a maimoa, kua saele a kito, kua tio a kivi ; ti na fakakololia loa le kakai ki le Atua o Iselaele.

Mateo 8:10

I lana logo ki lana masau, na ofolele Sesu, ti na pati loa a ia kia latou ala na muli iate ia : E kau pati maoki atu kia koutou, i Iselaele foki, e leikiaise kau maua se tui makeke feneeki.

Mateo 8:26

Na pati loa a ia kia latou : Kolea e kotou i ai, kakai tui gaegae ? Na tuu loa a ia ki aluga, o feau le matagi mo le tai, ti na tokamalie lasi loa.

Mateo 8:28

I le kaku a Sesu ki leia ake fetuu tai, ki le fenua o le kau Katala, na ulu mai loa ni tagata e toka lua mei ni tanuma, o au ki ona mua. Na fakamamae a tagata ana e se kau temonio. Na la itaita veli ai, o leaise feala ke fakalaka se tasi i le ala lena.

Maleko 1:27

Na lotou ofolele fuli i le nea lena, o pati : Kolea le nea leinei ? Ko se akonaki foou ! E masau a ia mo se pule ki laumalie veli foki, ti e lotou fakalogo kiate ia !

Maleko 6:51

Ti na ano loa a ia kia latou, o sopo ki le vaka, ti na malu loa le matagi. Na lotou ofolele fuli loa i olatou loto mo apele i le i.

Maleko 7:37

Na lotou ofolele lasi ai, o pati : E malilie a nea fuli e fai e ia ; e fakamavaa foki e ia a taliga o le kau tuli, ti e fakamasau e ia le kau gutu mate.