Mateo 8:17 - Tosi Tapu

¹⁷ o tupu ke fakasoko le nea leia na fakasa fakatomua e le polofeta ko Isaia : Na too e ia otou maimoa, ti na amo e ia otou masaki.

Mateo 8:17 Iomraidhean Croise

Senesi 22:6

Na too loa e Apalaamo le fafie o le failaulau, o fakaamo a ia ki lona vosa ko Isaake, kae too loa e ia i lona lima le afi mo le sele. Ti na la saele fakatasi loa toka lua.

Esaia 53:4

Kae ko otou gaegae ala na too e ia, Ko otou mamae ala na amo e ia ; Na tou tuku na tautea a ia Na taai a ia e le Atua, ti na tuku a ia ki lalo.

Mateo 1:22

Na soko a nea fuli ana ke fakasoko ai le nea leia na fakasa e le Aliki i le polofeta :

Mateo 2:15

Na nofo loa Sosefo i Esipito o kaku ki le mate o Elote, talie ke fakasoko ai le nea leia na fakasa fakatomua e le Aliki i le polofeta : Na kau kalagai loku vosa ke mavae mei Esipito.

Mateo 2:23

ti na ano loa a ia o nofo i se kolo na igoa ko Nasaleti, talie ke fakasoko ai le nea leia na fakasa fakatomua e le kau polofeta : E fakaigoa loa a ia ko le Nasaleti.

Maleko 1:32

I le afiafi, i le galo o le laa, na aumai loa kia Sesu le kau masaki fuli ti mo le kau avagaia.

Luka 4:40

I le galo o le laa, ko latou fuli ala na maua ia ni masaki i masaki kesekese, na taki mai loa latou kia Sesu. Na teki loa e Sesu ona lima kia latou taki toka tasi, ti na fakamauli loa e ia latou.

Lua tosi ki le kau Kolinto 12:10

Koia e kau fiafia i oku gaegae, mo oku lauvelii, mo oku mativa, mo oku fakavelivelii, mo oku mamae, o tupu ko Kilisito ; talie ka kau gaegae, ti e kau makeke loa.

Uluaki tosi a Petelo 2:24

a ia leia na amo ia toka tasi atatou agasala i lona tino i le laakau, o tupu ke tou mate ki atatou agasala kae ke tou mauli ki le maokioki ; ti kua tou mauli i ona kafo.