Mateo 7:7 - Tosi Tapu

⁷ Kotou kole, ti e soli atu loa kia koutou ; kotou afa, ti e kotou maua loa ; kotou fitifiti, ti e fakamavaa atu loa kia koutou.

Mateo 7:7 Iomraidhean Croise

Senesi 26:32

I le aso totonu lena, na kaku ake loa ni tagata fakasausau a Isaake, o masau kiate ia ki le sosoni leia na lotou kenu, ti na lotou pati loa : Kua motou maua se vai.

Uluaki tosi o Sau 3:5

I Kapaone, na sa loa le Eteleno i se moe kia Salomone i le pouli, ti na pati loa le Atua kiate ia : Kole mai le nea leia e ke loto ke kau soli atu kiate koe.

Pesalemo 10:17

Ei Eteleno, logo ki fakaamu a latou e mamae ! E ke fakamakeke olatou loto ; e ke tokaga lou taliga kia latou,

Pesalemo 10:4

E pati le tagata agaveli i lona fia nealasi : E leaise fakatua e ia ! E leaise Atua ! - Ko na ana manatu fuli.

Pesalemo 119:12

Ei Eteleno, e kau fakafetai ki lou suafa ! Ako mai kiate au au lekula !

Pesalemo 27:8

E pati loku loto iate koe : Kotou afa oku mata ! Koia e kau afa ai ou mata, Eteleno !

Pesalemo 34:4

Ke kotou siki mo au le Eteleno ! Ke tou vikiviki fakatasi ki lona suafa !

Pesalemo 37:4

Ke ke fai ki le Eteleno lou fiafiaaga lasi, Ti e soli atu loa e ia kiate koe le nea leia e oli ki ai lou loto.

Pesalemo 50:15

Ti ke ke fetapa mai kiate au i le aso o le mamae ; Ti e kau saofaki loa a koe, ti e ke fakakololia loa kiate au.

Pesalemo 69:32

E malie le nea lena ki le Eteleno, o lasi ake i se pipi tagata Mo ona tala ti mo ona taga vae.

Pesalemo 70:4

Ke lotou toe liliu ki muli i lolatou luma, Latou ala e kakata kiate au !

Pesalemo 86:5

Aliki, talie e ke agamalie, e ke fakamolemole, Ti e ke apele i le alofa kia latou fuli ala e tagi kiate koe.

Taagapati 8:17

E kau alofa kia latou ala e alofa kiate au, Ti e kau maua e latou ala e afa ia au.

Katiko o Katiko 3:2

E kau tuu loa ki aluga, ti e kau fai loa le foli takai o le kolo, I ala mo lapalasi ; E kau afa loa leia e alofa ki ai loku laumalie… Na kau afa a ia, kae na leaise kau maua a ia.

Esaia 30:19

Io, kakai o Sione, kakai o Selusalemi, E leaise ke toe tagi loa ! E soli atu loa e ia kiate koe lona kalasia, mo ka ke kalaga loa ; I le temi fai leia e logo ai loa a ia ki lau kalaga, e tali atu loa a ia kiate koe.

Selemia 33:3

Fetapa mai kiate au, ti e kau tali atu loa kiate koe ; E kau fakasa loa kiate koe ni nea lalasi, ni nea fakapulipuli, Ala e leaise ke iloa.

Amosi 5:4

Talie e folafola le Eteleno ki le fale o Iselaele, o pati : Kotou afa au ! ti e kotou mauli loa !

Mateo 18:19

E kau toe pati atu foki kia koutou, kapau e loto tasi se toka lua ia koutou i le kele o kole se nea fua, e tuku loa a ia kia laua e loku Tamana leia e nofo i le atu lagi.

Mateo 21:22

Ko nea fuli ala e kotou kole loa i le tui i le faikole, e kotou maua loa a ia.

Mateo 6:33

Kotou afa mua le Puleaga mo le faitotonu a le Atua, ti e fakalasi atu loa a nea fuli ana kia koutou.

Mateo 7:11

Koia kapau ko koutou, ala e agaveveli, e kotou iloa le soli o ni nea malilie ki akoutou fanau, pe leaise toe lasi ake le fia soli loa e lokoutou Tamana i Selo o ni nea malilie kia latou ala e kole ake kiate ia,

Mateo 7:8

Talie ko leia e kole e tali, ko leia e afa e maua, ti e fakamavaa ki leia e fitifiti.

Maleko 11:24

Koia e kau pati atu ai kia koutou : Ko nea fuli ala e kotou kole loa i le faikole, kotou tui kua kotou maua latou, ti e kotou tio loa ki lolatou fakasoko.

Luka 13:25

Ka tuu loa le pule o le fale, o tapono le matapa, ti ko koutou, ala e tutuu loa i fafo, e fitifiti loa i le matapa, o pati : Aliki, Aliki, fakamavaa mai kia matou ! E tali atu loa a ia kia koutou : E leaise kau iloa pe ko koutou meifea !

Luka 18:1

Na fai loa e Sesu kia latou se folafola fakatata, ke fakasa e tonu ke faikole tuumau, kae aua na toe kaekae fua.

Soane 15:16

E leaise ko koutou ala na filifili ia au ; kae ko au, kua kau filifili koutou, ti kua kau fakanofo koutou, o tupu ke kotou ano, ti ke kotou maua se fua, ti ke tologa lokoutou fua, o tupu ko nea fuli ala e kotou kole loa ki loku Tamana i loku suafa, ke soli atu e ia kia koutou.

Soane 15:7

Kapau e kotou nonofo iate au, ti e nofo aku folafola ia koutou, kotou kole se nea fua leia e kotou loto loa ki ai, ti e soli atu loa a ia kia koutou.

Soane 4:10

Na tali loa Sesu kiate ia : Kanapau na ke iloa le nea alofa o le Atua ti mo leia e pati atu kiate koe, soli mai kau inu, na ke kole loa e koe totonu kiate ia ke ke inu, ti e soli atu loa e ia kiate koe le vai mauli.

Loma 2:7

Ko le mauli kia latou ala, i lalatou kataki fualoa o fai le nea e malie, e afa ia le kololia, mo le fakamauiga, ti mo le mauli lee mate ;

Loma 3:11

E leai se tasi fua e poto, Eleai se tasi fua e afa ia le Atua ; Kua lotou sese fuli, kua lotou fakalialia fuli ;

Epelo 11:6

Io, sala mo le tui, e leaise feala ke malie se tasi ki le Atua ; e tonu ko leia e fakafeofi ki le Atua ke tui a ia e i ai se Atua, ti ko ia leia e fakapale ia latou ala e afa ia a ia.

Sakopo 5:15

Ti ko le faikole i le tui e fakamauli ia loa le masaki, ti e fakatuu loa a ia e le Aliki ; ti kapau na fai e ia ni agasala, e fakamolemole loa kiate ia.

Uluaki tosi a Soane 3:22

Ti ko se nea fua leia e tou kole, e tou maua a ia meiate ia, talie e tou fai ana fakatotonu, ti e tou fai le nea leia e malie kiate ia.