Mateo 7:24 - Tosi Tapu

²⁴ Koia, ko leia e logo ki folafola anei e kau fakasa ti e fai ia latou, e tatau loa a ia mo se tagata poto leia na fakatuu ia lona fale i aluga o le utu.

Mateo 7:24 Iomraidhean Croise

Sopo 28:28

Ti oki, na pati loa a ia ki le tagata : Ko leinei, ko le i ki le Eteleno ko le poto ; Ko le fakamamao mei le veli ko le atamai.

Pesalemo 111:10

Ko le i ki le Eteleno ko le kamataaga o le poto : Ko latou fuli ala e tausi ia a ia e maua ia se fakakaukau malie. E tuu lona kololia o lee gato.

Pesalemo 119:130

Ko le matala ki au folafola e tuku ia le malama, E tuku e ia le atamai ki le kau agamalu.

Pesalemo 119:99

E kau poto ake i oku pule fuli, Talie e kau metitasio au pelesepeto.

Taagapati 10:25

Ofaipe le puli a le asesio, e puli felaaki foki le tagata agaveli ; Kae e maua e le tagata agatonu ni fakatafito lee gato.

Taagapati 10:8

Ko leia e poto i lona loto e tali ia a pelesepeto, Kae ko leia e valea i ona laugutu e makape ki lona maumau.

Taagapati 12:7

Ka sisiga le kau agaveli, e leaise toe maua latou ; Kae e tuu makeke i aluga le fale o le kau agatonu.

Taagapati 14:8

Ko le poto o le tagata poto, ko le leoleo o lona ala ; Kae e sese le vale o tupu ko lona valea.

Mateo 12:50

Talie ko leia e fai ia le finegalo o loku Tamana leia e nofo i le atu lagi, ko loku taina a ia, mo loku tuagaane, ti mo loku tinana.

Mateo 16:18

Ti ko au, e kau pati atu kiate koe, ko Petelo a koe, ti e kau fakatuu loa i le utu lena loku Ekelesia, ti e leaise makeke loa a matapa o le nofoaga o le kau mate iate ia.

Mateo 24:45

Ko ai loa le tagata fakasausau agatonu mo poto, leia kua fakanofo e lona aliki ke pule ki ana kakai, mo tufa ia kia latou le nea kai i lona temi totonu.

Mateo 25:2

Na valelea le toka lima o latou, ti na popoto le toka lima.

Mateo 25:4

Kae na too loa e le kau popoto olatou malala, mo se lolo i ni ipu.

Mateo 25:9

Na tali loa le kau popoto : Leai ! e leaise feauga loa kia matou mo koutou ; kotou ano ki le kau fakatau lolo, o totogi mai se lolo kia koutou.

Mateo 7:25

Na to le ua, na tafe a liua, na agi a matagi, o patatu ki le fale lena : Na leaise solo fua a ia, talie na fakatafito a ia i le utu.

Mateo 7:26

Kae ko leia e logo ki folafola anei e kau fakasa, ti e leaise fai ia latou, e tatau loa a ia mo se tagata valea leia na fakatuu ia lona fale i aluga o le one.

Luka 11:28

Kae na tali loa Sesu : Manuia ake latou ala e logo ki le folafola a le Atua, ti e lotou taupau a ia !

Soane 13:17

Kapau e kotou iloa a nea ana, e kotou manuia, kese fua ke kotou fai latou.

Soane 14:15

Kapau e kotou alofa kiate au, kotou fai aku fakatotonu.

Soane 15:10

Kapau e kotou fai aku fakatotonu, ti e kotou nofo loa i loku alofa, ofaipe laku fai a fakatotonu a loku Tamana, ti mo laku nofo i lona alofa.

Soane 15:14

Ko koutou ko oku kaukau nea, mo kapau e kotou fai le nea leia e kau fakatotonu atu kia koutou.

Loma 2:13

Talie e leaise ko latou ala e fakalogo ki le lao e faitotonu i mua o le Atua, kae ko latou ala e fai ia le lao e faitotonu.

Uluaki tosi a Soane 2:3

Kapau e tou fakalogo ki ana folafola, e tou iloa i ai kua tou iloa a ia.