Mateo 7:21 - Tosi Tapu

²¹ Ko latou ala e pati mai kiate au : Aliki, Aliki, e leaise lotou ulu fuli loa ki le Puleaga o Selo, kae e gato fai ki leia e fai ia le finegalo o loku Tamana leia e nofo i le lagi.

Mateo 7:21 Iomraidhean Croise

Mateo 12:50

Talie ko leia e fai ia le finegalo o loku Tamana leia e nofo i le atu lagi, ko loku taina a ia, mo loku tuagaane, ti mo loku tinana.

Mateo 16:17

Ti na folafola loa Sesu, o pati kiate ia : E ke manuia Simone, vosa o Sonasi ; talie e leaise ko le kanofi mo le toto ala na fakasa ia atu kiate koe le nea lena, kae ko loku Tamana leia e nofo i le atu lagi.

Mateo 18:10

Kotou tokaga na kotou nukinuki ki se tasi fua o toe liliki anei ; talie e kau pati atu kia koutou e tio tuumau olatou aselo i le atu lagi ki mata o loku Tamana leia e nofo i le atu lagi.

Mateo 18:19

E kau toe pati atu foki kia koutou, kapau e loto tasi se toka lua ia koutou i le kele o kole se nea fua, e tuku loa a ia kia laua e loku Tamana leia e nofo i le atu lagi.

Mateo 18:3

o pati : E kau pati maoki atu kia koutou, kapau e leaise kotou tafoki ti mo kotou liliu ofaipe ni toe liliki, e leaise kotou ulu loa ki le puleaga o le atu lagi.

Mateo 18:35

Ti e fai fenaaki loa kia koutou e loku Tamana leia e nofo i le atu lagi, mo kapau e leaise kotou tasi fakamolemole ki lona taina i le loto katoa.

Mateo 19:24

E kau toe pati atu kia koutou, e faigaofie ake ke ulu se kamelo i le pu o se tui i le ulu a se tagata mou koloa ki le puleaga o le Atua.

Mateo 25:10

I le lolotoga o lalatou ano o totogi lolo, na kaku mai loa le tagata avaga ; ko latou ala kua teuteu na ulu loa mo le tagata avaga ki le kogafale o le faiavaga, ti na tapono loa le matapa.

Mateo 25:21

Na pati loa lona pule kiate ia : E malie ai, tagata fakasausau agamalie mo agatonu ; na ke agatonu i se ganea ikiiki fua, e kau fakanofo loa a koe ke pule ki se nea lasi ; ulu ki le fiafia o lou pule.

Mateo 26:39

Ti oki, na fai loa e ia ni fa sake ki mua, ti na fakapulou loa a ia ki le kele, o faikole feneeki : Loku Tamana, kapau e feala ke mamao atu le ipu nei iate au ! Kae ke aua na fai ki loku loto, kae ke fai fua ki lou finegalo.

Mateo 26:42

Na toe fakamamao loa a ia i le tua lua, o faikole feneeki : Loku Tamana, kapau e leaise feala ke mamao le ipu nei kae e leaise kau inu a ia, ke fai ki lou finegalo !

Maleko 3:35

Talie, ko leia e fai ia le finegalo o le Atua, ko ia lena ko loku taina, mo loku tuagaane, ti mo loku tinana.

Maleko 9:47

Ti kapau e fakasalai a koe e lou fa mata, kapei a ia ; e malie ake lau ulu fa mata tasi ki le puleaga o le Atua, i lau maua ni fa mata e lua kae ti loa a koe ki Ifeli.

Luka 11:28

Kae na tali loa Sesu : Manuia ake latou ala e logo ki le folafola a le Atua, ti e lotou taupau a ia !

Luka 13:25

Ka tuu loa le pule o le fale, o tapono le matapa, ti ko koutou, ala e tutuu loa i fafo, e fitifiti loa i le matapa, o pati : Aliki, Aliki, fakamavaa mai kia matou ! E tali atu loa a ia kia koutou : E leaise kau iloa pe ko koutou meifea !

Luka 18:25

Talie e faigaofie ake ki se kamelo ke ulu i le pu o se tui, i se tagata mou koloa ke ulu ki le puleaga o le Atua.

Luka 6:46

Kolea e kotou fakaigoa ai au : Aliki, Aliki ! Ti e leaise kotou fai le nea leia e kau pati ki ai ?

Soane 14:7

Kapau e kotou iloa au, kua kotou iloa foki mo loku Tamana. Ti e kamata i le lakaga nei e kotou iloa a ia, ti kua kotou tio kiate ia.

Soane 15:23

Ko leia e vesia kiate au, e vesia foki a ia ki loku Tamana.

Soane 3:5

Na tali loa Sesu : E maoki, e maoki, e kau pati atu kiate koe, kapau e leaise tupu se tagata i le vai mo le Laumalie Maokioki, e leaise feala ke ulu a ia ki le puleaga o le Atua.

Soane 5:17

Kae na tali loa Sesu kia latou : Koi gaoi loku Tamana i le temi nei ; ko au foki, e kau gaoi.

Soane 6:40

Ko le finegalo o loku Tamana, ko leia e tio ki le Alo ti e tui kiate ia ke maua e ia le mauli lee gato, ti ke kau toe fakatuuake a ia i le aso fakamuli.

Soane 7:17

Kapau e fia fai e se tasi lona finegalo, e iloa loa e ia pe au laku akonaki mei le Atua, pe kau masau iate au totonu.

Gaoi 14:22

o fakamakeke le laumalie o le kau tisipulo, mo akonaki kia latou ke lotou tuu mau i le tui, o pati : e tonu ke tou ulu ki le Puleaga o le Atua i ni mamae lasi ai.

Loma 12:2

Aua na kotou fakatatau ki le sekulo nei, kae ke fetogi koutou e le fakafoou o le loto, o tupu ke kotou iloa le finegalo o le Atua : le nea leia e malie, mo aoga, ti mo saosaoa.

Loma 2:13

Talie e leaise ko latou ala e fakalogo ki le lao e faitotonu i mua o le Atua, kae ko latou ala e fai ia le lao e faitotonu.

Efeso 6:6

o leaise gato fua i olatou mua, o sakinake ke mata malie ki tagata, kae ofaipe ni tagata fakasausau a Kilisito, ala e fai ia i le loto katoa le finegalo o le Atua.

Kolose 4:12

Ko Epafalasi, leia ko se tasi o koutou, e fakaalofa atu kia koutou ; ko le tagata fakasausau a ia a Sesu-Kilisito, e leaise toe gato lana tau kia koutou i ana faikole, o tupu ke kotou tuu makeke ofaipe ni tagata kua katoa, o nofo fakalogo ki le fai o le finegalo katoa o le Atua.

Uluaki tosi ki le kau Tesalonika 4:3

Talie ko le finegalo o le Atua ke kotou maokioki, ti ke kotou fakamamao mei le fai feauaki :

Uluaki tosi ki le kau Tesalonika 5:18

Kotou fakafetai i nea fuli, talie ko le finegalo a ia o le Atua ia Sesu-Kilisito kia koutou.

Tito 1:16

E lotou pati kua lotou iloa le Atua, kae e lotou fakafiti kiate ia i alatou gaoi : talie e lotou aga fakalialia, mo patigataa, ti e leaise lotou mafai ia fua se gaoi malie e tasi.

Epelo 13:21

ke fakaliliu e ia koutou ke kotou mafai ia a nea fuli ala e malilie, o tupu ke kotou fakasoko lona finegalo ; ti ke fai e ia kia koutou le nea leia e malie kiate ia ia Sesu-Kilisito, leia e tuku ki ai le kololia i sekulo mo sekulo ! Amene !

Epelo 4:6

Koia, talie koi taofi ai ki ni iki ke ulu ki ai, ti na leaise ulu ki ai latou ala na uluaki fakasa ki ia le logo malie lena, o tupu ko lolatou tui gataa,

Sakopo 1:22

Kotou fai le folafola, kae aua fai na gato i lakotou logo ki ai, o kotou kakai ai koutou totonu ki ni fakakaukau sala.

Uluaki tosi a Petelo 2:15

talie ko le finegalo o le Atua, i lakotou fai ia le malie, ke kotou tapono a gutu o tagata valelea.

Uluaki tosi a Petelo 4:2

o tupu ke mauli, o leaise toe mulimuli ki oli o tagata, kae o mulimuli ki le finegalo o le Atua, i le lolotoga o le temi koi toe kiate ia ke mauli ai i le tino.

Apokalipisi 2:27

E taki loa e ia latou ki se tokotoko ukamea, ti e ta loa e ia latou ke mafaafaa ofaipe ni ipu kele.

Apokalipisi 22:14

Manuia latou ala e fo ia olatou kofu, o tupu ke lotou kau ki le laakau o le mauli, ti ke lotou ulu i matapa o le kolo !

Apokalipisi 3:5

Ko leia e malo loa, e fakakofu loa a ia ki ni kofu tetea ; e leaise kau soloi loa lona igoa i le tosi o le mauli, ti e kau fakasa loa lona igoa i mua o loku Tamana ti mo mua o ana kau aselo.