Mateo 7:13 - Tosi Tapu

¹³ Kotou ulu i le matapa lau ikiiki. Talie e lau lasi le matapa, ti e lau lasi mo le ala leia e ano ki le maumau, ti e toka api latou ala e ulu i ai.

Mateo 7:13 Iomraidhean Croise

Senesi 6:12

Na tio loa le Atua ki le malama nei, ti ko leinei, kua veli ai a ia ; talie kua fakalialia a ala o tagata fuli i le malama nei.

Senesi 6:5

Na tio loa le Eteleno kua lasi le agaveli o le tagata i malama nei, ti kua ano fuai a manatu fuli o lona loto i aso fuli ki le nea leia e veli.

Taagapati 16:25

E i ai se ala e mata malie ki le tagata, Kae ko lona fakaoki ko le ala o le mate.

Taagapati 7:27

Ko lona fale, ko le ala a ia ki le nofoaga o le kau mate ; E ifo a ia ki nofoaga o le mate.

Taagapati 9:6

Kotou mavae i le valea, ti e kotou mauli loa ; Ti kotou saele i le ala o le atamai !

Esaia 1:9

Ka na leaise tuku e le Eteleno o kau tau Se ga toetoega gaegae ia matou, Na motou liliu loa ofaipe Sotoma, Na motou tatau loa mo Komola.

Esaia 35:8

E i ai loa se ala kua tofa, se ala Leia e fakaigoa loa ko le ala tapu ; E leaise fakalaka loa i ai se tagata kelekele, talie e tuku a ia kia latou tefua ; Ti ko latou ala e ano loa i ai e leaise feala loa ke sese, tatau foki mo le kau vale.

Esaia 55:7

Ke tiaki e le tagata agasala lona ala, Ti mo le tagata agaveli ana manatu ; Ke toe liliu a ia ki le Eteleno, leia e alofa loa kiate ia, Ki lotatou Atua, leia e leaise kaekae i le fakamolemole.

Mateo 23:13

Malaia kia koutou, kau sekelipa mo kau faliseo malualoi ! Talie e kotou tapono ki le tagata le puleaga o le atu lagi ; e leaise kotou ulu ki ai koutou totonu, ti e leaise kotou tuku ke ulu ki ai latou ala e fia ulu.

Mateo 25:41

Ti oki, ti e pati loa a ia kia latou ala e tutuu loa i lona fetuu sema : Kotou fakamamao atu iate au, kau malaia ; kotou ano ki le afi lee gato leia na teuteui ki le Tiapolo mo ana aselo.

Mateo 25:46

Ti e ano loa latou anei ki le tautea lee gato, kae e ano loa le kau agatonu ki le mauli lee gato.

Mateo 3:2

Na pati a ia : Kotou fakasemala, talie kua ofi mai le Puleaga o le atu lagi.

Mateo 3:8

Kotou fakatupu mua se fua leia e gali ti mo feauga mo le fakasemala,

Mateo 7:14

Kae e lau ikiiki le matapa, ti e lau ikiiki mo le ala leia e ano ki le mauli, ti e toka teiki fua latou ala e maua ia a ia.

Luka 14:33

Koia ko leia ia koutou e leaise fakafiti ki nea fuli ala e maua e ia, e leaise mafai ke liliu ko laku tisipulo.

Luka 9:33

I le mavae a tagata ana ia Sesu, na pati loa Petelo kiate ia : Pule, e malie ke tou nonofo i leinei ; tou fakatuu ni falela e tolu, se tasi kiate koe, mo se tasi kia Moisese, ti mo se tasi kia Elia. Na leaise iloa e ia le nea leia na masau a ia ki ai.

Soane 10:9

Ko au ko le matapa. Kapau e ulu se tasi iate au, e mauli loa a ia ; e ulu loa a ia ki loto ti ulu loa ki fafo, o maua i ai ni faisaga sesega.

Soane 14:6

Na pati loa Sesu kiate ia : Ko au ko le ala, mo le maoki, ti mo le mauli. E leaise au se tasi ki le Tamana, kae iate au.

Gaoi 3:19

Koia kotou fakasemala mo kotou tafoki, ke fakamolemole ai akoutou agasala,

Loma 9:22

Ti kapau kua loto le Atua ke fakasa lona sausau, ti mo fakailo lona mafimafi, na katakii e ia i se kataki fualoa lasi ni ipu o le sausau ala na fau ki le malaia,

Lua tosi ki le kau Kolinto 4:4

ki le kau tui gataa ala kua fakakivi olatou mata e le atua o le sekulo leinei, o tupu ke aua na lotou tio ki le gigila o le malama o le Evaselio o le kololia o Kilisito, leia ko le paaki o le Atua.

Lua tosi ki le kau Kolinto 6:17

Koia e pati ai le Aliki : Kotou au kese meia latou, Ti kotou mavae kese, e pati le Aliki ; Aua na kotou fafa ki le nea leia e kelekele, Ti e kau tali loa koutou.

Kalate 5:24

Ko latou ala e nonofo ia Sesu-Kilisito, kua lotou tutuki ki le koluse le kanofi mo ona alofa ti mo ona oli.

Filipe 3:19

Ko lolatou fakaoki ko le pulinoa ; e lotou atua ki olatou manava, ti e lotou fakakololia latou i le nea leia e tonu ke lotou luma ai, talie lotou manatu fai ki nea o le malama nei.

Uluaki tosi a Soane 5:19

E tou iloa ko tatou a le Atua, kae e malolo le malama nei katoa i le makeke o le Veli.

Apokalipisi 12:9

Ti na ti loa ki fafo le gata lasi, le gata afea, leia na igoa ko Tiapolo mo Satana, leia na kakaai ia le malama nei katoa. Ti na ti loa a ia ki le kele, ti na ti foki ana kau aselo mo ia ki le kele.

Apokalipisi 13:8

Ti na atolasio loa kiate ia a kakai fuli o le malama nei, latou ala na leaise tosi olatou igoa i le tosi o le mauli a le Akeno, leia na tamate talu mei le fakatupu o le malama nei.

Apokalipisi 20:15

Ko leia na leaise maua kua tosi i le tosi o le mauli, na ti loa a ia ki le tai afi.

Apokalipisi 20:3

Ti na ti loa e ia a ia ki le vanu, ti na tapono loa e ia le matapa o fakamau ki le kalavi, o tupu ke aua na toe kakaai e ia a atu puleaga, o kaku ki le oki katoa o fetuu e afe. I le oki o fetuu ana, e tonu ke toe tatala a ia i se ga temi ikiiki.