Mateo 6:9 - Tosi Tapu

⁹ Koia e tonu ai ke kotou faikole feneeki : Lomatou Tamana leia e nofo i le atu lagi ! Ke tapusa lou suafa ;

Mateo 6:9 Iomraidhean Croise

Lua tosi a Samuele 7:26

Ke fakakololia lou suafa o lee gato, ti ke pati : Ko le Eteleno o kau tau ko le Atua o Iselaele ! Ti ke makeke le fale o lau tagata fakasausau ko Tavite i ou mua !

Uluaki tosi o Sau 8:43

ke ke tali a ia mei le atu lagi, mei le ganea o lou nofoaga, ti ke ke tuku loa ki le matapule lena a nea fuli ala e kole atu loa e ia kiate koe, o tupu ke iloa e kakai fuli o le malama nei lou suafa ti ke lotou i kiate koe, ofaipe lou kakai ko Iselaele, ti ke lotou iloa e fetapa ki lou suafa i le fale leinei kua kau fakatuu !

Uluaki tosi o Koloniko 17:24

Io, fakasoko a ia, o tupu ke fakakololia ki lou suafa o lee gato, ti ke pati : Ko le Eteleno o malama nei ko le Atua o Iselaele, ko se Atua a ia ki Iselaele ! Ti ke tuu makeke i ou mua le fale o Tavite, lau tagata fakasausau !

Lua tosi o Koloniko 20:6

Ti na pati loa a ia : Eteleno, Atua o omatou tamana, pe leaise ko le Atua a koe o le lagi, pe e leaise ko koe leia e pule ki puleaga fuli ? Pe e leaise ko koe leia e maua ia le makeke mo le mafimafi, talie e leaise mafai ke tuu se tasi i ou mua ?

Neemia 9:5

Ko le kau Levi ko Sosue, mo Katemiele, mo Pani, mo Asapenia, mo Selepia, mo Otisa, mo Sepania, mo Petasa, na pati loa : Kotou tutuu ki aluga ti kotou fakafetai ki le Eteleno, lokoutou Atua, o lee gato ! Ke fakafetai ki lou suafa fakakololia, leia e taualuga i tapuakina fuli mo fakafetai fuli !

Pesalemo 111:9

Na kakau mai e ia le fakamauli ki lona kakai, Na fakatuu e ia lana sai o lee gato : E maokioki mo fakaii lona suafa.

Pesalemo 115:3

E nofo lomatou Atua i le lagi, E fai e ia a nea fuli e finegalo a ia ki ai.

Pesalemo 72:18

Ke fakafetai ki le Eteleno Atua, le Atua o Iselaele, Leia toka tasi e fai ia ni nea fakatalatupua !

Esaia 37:20

I le aso nei, Eteleno lomatou Atua, saofaki matou mei le lima o Sanekelipe, o tupu ke iloa e puleaga fuli o le malama nei ko koe toka tasi ko le Eteleno !

Esaia 57:15

Talie e folafola le Taualuga, Leia e lee gato lona nofoaga ti e maokioki lona suafa : E kau nofo i potu taualuga ti mo le maokioki ; Kae e kau nofo foki mo le tagata fakasemala mo agamalu, O tupu ke toe fakamauli a loto fakasemala, O tupu ke toe fakaofo a loto agamalu.

Esaia 6:3

Na lotou kalaga o fetaliaki : Maokioki, maokioki, maokioki le Eteleno o kau tau ! E apele le kele katoa i lona kololia !

Esaia 63:16

Kae ko koe maoki ko lomatou tamana, Talie e leaise iloa matou e Apalaamo, Ti e leaise tokaga Iselaele kia matou ; Ko koe toka tasi, Eteleno, leia ko lomatou tamana, Leia, talu mei le lee gato, e igoa ko lomatou fakamauli.

Esaia 64:8

Aua na tuku lou sausau ke kaku ki lona gatoaga, ei Eteleno, Ti aua na ke manatui o tuumau le agaveli ; Kae ke ke tio mai kia matou, ko matou fuli ko lou kakai.

Esaia 66:1

Ko leinei le folafola a le Eteleno : Ko le lagi ko loku ekeekeaga fakasau, Ti ko le malama nei ko loku tekitekiaga vae. Ko le fale fea leia e feala ke kotou fakatuu mai loa kiate au, Ti ko le potu fea leia e kotou soli mai loa ke kau malolo ai ?

Esekiele 36:23

E kau fakamaokioki loa loku suafa lasi, leia na fakakelekele i lotolotoga o atu puleaga, leia na kotou aga o fakakelekele i loto malie o atu puleaga. Ti e iloa loa e atu puleaga ko au ko le Eteleno, e pati le Aliki, le Eteleno, i le aso leia e kotou fakamea ai loa loku suafa i olatou mua.

Esekiele 38:23

E kau fakasa loa loku lasi mo loku maokioki, E kau fakasa loa au ki mata o atu puleaga, Ti e lotou iloa loa ko au ko le Eteleno.

Levitiko 10:3

Ti na pati loa Moisese kia Alone : ko le nea a ia leia na fakasa e le Eteleno i lana pati : E kau loto ke fakaapaapa ki loku maokioki latou ala e fakafeofi mai kiate au, ti ke lotou fakasa loku kololia i mua o le kakai katoa. Na fakalologo loa Alone.

Apakuki 2:14

Talie e apele loa le malama nei i le iloa o le kololia o le Eteleno, Ofaipe le takele o le moana leia e apele i le vai leia e uufi ia a ia.

Sakalia 14:9

E sau loa le Eteleno i le malama nei katoa. I le aso lena, e toka tasi loa le Eteleno, Ti e toka tasi loa lona suafa.

Malakia 1:11

Talie mei le sopo o le laa o kaku ki lona galo, E lasi loku suafa i lotolotoga o atu puleaga, Ti e tutu i ganea fuli le iseso ki loku suafa, Ti e fai mai kiate au ni failaulau mea ; Talie e lasi loku suafa i lotolotoga o atu puleaga, E pati le Eteleno o kau tau.

Mateo 10:29

Pe leaise fakatau koia ni ga miti e lua ki se fa piesi e tasi ? Kae e leaise vilo fua se ga miti e tasi ki le kele, sala mo le finegalo o lokoutou Tamana.

Mateo 23:9

Ti aua na kotou fakaigoa fua se tasi i le kele ko lokoutou tamana ; talie ko se fa toka tasi ko lokoutou Tamana, leia e nofo i le atu lagi.

Mateo 26:29

E kau pati atu kia koutou, e leaise kau toe inu loa ki le fua o le vite, o kaku ki le aso leia e kau toe inu ai loa se vino foou mo koutou i le puleaga o loku Tamana.

Mateo 26:42

Na toe fakamamao loa a ia i le tua lua, o faikole feneeki : Loku Tamana, kapau e leaise feala ke mamao le ipu nei kae e leaise kau inu a ia, ke fai ki lou finegalo !

Mateo 5:16

Ke mu lokoutou malama i mua o tagata, o tupu ke lotou tio ki akoutou gaoi malilie, ti ke lotou fakakololia ki lokoutou Tamana leia e nofo i le atu lagi.

Mateo 5:48

Koia ke kotou malie tukupau, ofaipe lokoutou Tamana i Selo leia e malie tukupau.

Mateo 6:14

Kapau e kotou fakamolemole ki tagata alatou agasala, e toe fakamolemole loa e lokoutou Tamana i Selo kia koutou foki ;

Mateo 6:6

Kae ka ke faikole, ulu ki lou kogafale, tapono lou matapa, ti ke faikole ki lou Tamana leia e nofo i ai i le ganea fakapulipuli ; ti ko lou Tamana, leia e tio i le ganea fakapulipuli, e toe liufaki ia atu loa a ia kiate koe.

Mateo 7:11

Koia kapau ko koutou, ala e agaveveli, e kotou iloa le soli o ni nea malilie ki akoutou fanau, pe leaise toe lasi ake le fia soli loa e lokoutou Tamana i Selo o ni nea malilie kia latou ala e kole ake kiate ia,

Luka 15:18

E kau tuu loa ki aluga, ti e kau ano loa ki loku tamana, ti e kau pati loa kiate ia : Tamana, kua kau agasala ki le lagi ti mo koe,

Luka 15:21

Na pati loa le vosa kiate ia : Tamana, kua kau agasala ki le lagi ti mo koe, e leaise koi kau gali ke fakaigoa au ko lou vosa.

Luka 2:14

Kololia ki le Atua i potu taualuga, Ti tokamalie i le kele ki tagata ala e alofa a ia ki ai !

Soane 20:17

Na pati loa Sesu kiate ia : Auase ke fafa mai kiate au ; talie e leikiaise kau pale ki loku Tamana. Kae ke ke ano ki oku fetaina, o pati kia latou e kau pale ki loku Tamana ti ko lokoutou Tamana, ki loku Atua ti ko lokoutou Atua.

Loma 1:7

kia latou fuli i Loma ko alofaaga o le Atua, ala kua kalagai ke maokioki ki le vokasio : Ke soli atu kia koutou le kalasia mo le tokamalie e le Atua, lotatou Tamana, ti mo le Aliki ko Sesu-Kilisito !

Loma 8:15

Ti na leaise kotou tali se laumalie o le popula ke kotou toe nonofo ai i le i ; kae kua kotou tali se Laumalie o le fufui, leia e tou kalaga ai : Apa ! Tamana !

Kalate 1:1

Ko au Paulo, ko le apositolo, leai mei tagata, pe i se tagata, kae meia Sesu-Kilisito ti mo le Atua le Tamana, leia na fakatuuake ia a ia mei le kau mate,

Kalate 4:6

Tie talie ko vosa koutou, kua kakau mai e le Atua ki otou loto le Laumalie o lona Alo, leia e kalaga : Apa ! Tamana !

Uluaki tosi kia Timoteo 6:16

leia toka tasi e maua ia le mauli lee gato, leia e nofo i se malama gigila leia e leaise mafai ke kaku ki ai, leia e leaise feala ke tio ki ai se tasi, leia e tuku ki ai le fakamauiga mo le mafimafi lee gato. Amene !

Uluaki tosi a Petelo 1:17

Ti kapau e kotou kalaga ki le Tamana, leia e fakamaaui ia o mulimuli ki le gaoi a le tagata taki toka tasi, ti e leaise fakapalatasi, kotou saele i le i i le temi katoa o lokotou mauli i le malama nei ;

Apokalipisi 4:11

E gali mo koe, ei lomatou Aliki mo lomatou Atua, ke ke maua le kololia, mo le fakamauiga, ti mo le mafimafi ; talie na ke fakatupu ia a nea fuli, ti ko lou finegalo leia e lotou maua ai ti e lotou mauli ai.

Apokalipisi 5:12

Na lotou pati leo lasi : E gali le Akeno leia na tamate ke tali ia le mafimafi, mo le koloa, mo le poto, mo le makeke, mo le fakaapaapa, mo le kololia, ti mo le fakavikiviki.