Mateo 6:25 - Tosi Tapu

²⁵ Koia e kau pati atu kia koutou : Aua na kotou tuania ki lokoutou mauli ki le nea leia e kotou kai loa, pe ki lokoutou tino ki le nea leia e kotou lava loa. Pe leaise mauiga ake le mauli i le nea kai, pe leaise mauiga ake le tino i le nea lava ?

Mateo 6:25 Iomraidhean Croise

Pesalemo 55:22

E sua malie ake lona gutu i le suka, Kae nofo le tau i lona loto ; E momole ake ana masau i le lolo, Kae ko ni seleta matakakai latou.

Selemia 45:5

Ti ko koe, pe ke afa loa ni nea lalasi kiate koe ? Aua na ke afa latou ! Talie ko leinei, e pati le Eteleno, e kau aumai loa le malaia ki kanofi fuli ; kae e kau soli atu loa lou mauli kiate koe ofaipe sou koloa i le vae koloa, i ganea fuli ala e ke ano loa ki ai.

Mateo 10:19

Kae ka fakatau loa koutou, aua na kotou tuania ia pe feaki loa lakoutou masau, ti kolea loa lakoutou masau : E tuku atu loa kia koutou le nea leia e tonu ke kotou fakasa i lona ola totonu ;

Mateo 13:22

Ko leia na tali ia le fakaili i vao talatala, ko leia e logo ki le folafola, kae ko tuania o le mauli ti mo olioli noa ki koloa fakamalama e tapono ia le folafola iate ia ke aua na fua iate ia.

Mateo 6:31

Aua na kotou tuania fua, ti aua na kotou pati : Kolea loa ka tou kai ? Pe : Kolea loa ka tou inu ? Pe : Kolea loa ka tou lava ?

Mateo 6:34

Aua na kotou tuania loa le apogipogi, talie e tokaga le apogipogi kiate ia totonu. Ki aso taki tasi e feauga lona mamae.

Maleko 13:11

Ka ave loa koutou ke fakamaaui, aua na kotou tuania le nea leia ka kotou masau loa ki ai i mua, kae kotou fakasa le nea leia e tuku atu loa kia koutou i le ola totonu lena ; talie e leaise ko koutou ala e masau loa, kae ko le Laumalie Maokioki.

Maleko 4:19

kae ko le tokaga ki nea o le sekulo, mo le kaka o koloa, ti mo le ulu o la ake manumanu fuli, e taotao ia le folafola ke aua na fua.

Luka 12:11

Ka ave loa koutou ki sinakoka, ki mua o le kau tui fakamaau ti mo le kau pule, aua na kotou tuania pe feaki loa lakotou puipui koutou, pe kolea le nea ka kotou masau loa ki ai ;

Luka 8:14

Ko leia e vilo ki loto o le vao talatala, ko latou ala, i le logo ki le folafola, na ano, o tuku a ia ke taotao e tuania, mo koloa, mo fiafia o le mauli, ti e leaise lotou maua se fua leia e kaku o matua.

Loma 8:32

a ia leia na leaise saofaki ia lona Alo totonu, kae na soli e ia a ia o tupu ko tatou fuli, pe feaki ke aua na soli mai loa e ia kia tatou a nea fuli foki mo ia ?

Uluaki tosi ki le kau Kolinto 7:32

Kae e kau loto ke kotou sala tuania. Ko le tagata leia e leaise avaga e tokaga ki nea a le Aliki, mo puleaki ke fiafia ai le Aliki ;

Filipe 4:6

Aua na kotou tokaga mamae ki se nea e tasi, kae kotou fakasa ki le Atua a nea ala e aoga kia koutou i ni kole, mo ni kolekole, ti mo ni fakafetai,

Lua tosi kia Timoteo 2:4

E leaise tagata solia leia e fakavisia ia a ia i nea o le mauli nei, mo kapau e loto a ia ke mata malie a ia ki leia na filifili ia a ia ki lana kau tau ;

Uluaki tosi a Petelo 5:7

ti ke kotou teki kiate ia okoutou mafaia fuli, talie e tokaga a ia kia koutou.