Mateo 6:19 - Tosi Tapu

¹⁹ Aua na kotou tanaki ni koloa i le kele leinei, talie ko le ganea lena e maumau ai le ugogo mo le kelemea, ti ko le ganea foki lena e puui ai ti mo kaia ai le tagata kaia ;

Mateo 6:19 Iomraidhean Croise

Sopo 24:16

E lotou ulu fakamakeke ki fale i le pouli, Kae lotou fakamaumau i olatou fale i le ao. E leaise lotou iloa le malama.

Sopo 31:24

Kapau na kau tuku laku fanaki ki le aulo, Kapau na kau pati ki le aulo : ko loku amanaki malie a koe ;

Pesalemo 39:6

Ko leinei, na ke tuku ki oku aso le lau lasi o le alofilima, Ti e fai loku mauli pe se nea noa i ou mua. Io, ko tagata fuli e tuu i aluga e faipe se tukumanava. - Manava.

Pesalemo 62:10

Io, e vaiga a vosa o le tagata ! E loi a vosa o le tagata ! Ka teki latou fuli ki se fua, e lotou maamaa ake i se tukumanava.

Ekesote 22:2

Kapau e mautoka se tagata e lolotoga kaia i le pouli, ti na taai a ia o mate, e leaise lau loa le nea lena ko se tukipo ;

Taagapati 11:4

I le aso o le sausau, e leaise aoga le mou koloa ; Kae e fakamauli i le mate e le faitotonu.

Taagapati 16:16

E mauiga ake le maua o le poto i le aulo ! E malie ake le maua o le atamai i le paaga.

Ekelesiasi 2:26

Talie e soli e le Atua ki le tagata leia e malie ki ona mata le poto, mo le atamai, mo le fiafia ; kae e tuku e ia ki le tagata agasala ke tokaga o tanaki mo fakatuuga, o tupu ke soli ki leia e malie ki mata o le Atua. Ko se tasi foki a ia vaiga mo tuli o le matagi.

Sofoni 1:18

E leaise mafai loa ke saofaki latou e lalatou paaga mo lalatou aulo, I le aso o le sausau o le Eteleno ; E tutu loa le fenua katoa e le afi o lona finenonofo ; Talie e maumaui fakapunamauli loa e ia a kakai fuli o le fenua.

Mateo 19:21

Na pati loa Sesu kiate ia : Kapau e ke loto ke ke malie tukupau, ano o fakatau le nea leia e ke maua, soli a ia ki le kau mativa, ti e ke maua loa se koloa i le lagi. Ti ke au, o muli mai iate au.

Mateo 6:20

kae ke kotou tanaki ni koloa i Selo, talie ko le ganea lena e leaise maumau ai le ugogo mo le kelemea, ti e leaise puui ai mo kaia ai le tagata kaia.

Luka 12:21

E toe fenaaki foki ki leia e tanaki ia ni koloa kiate ia, kae e leaise mou koloa a ia i mua o le Atua.

Luka 12:33

Kotou fakatau okoutou koloa ti kotou soli lona paaga ki le kau mativa. Kotou fai ni taga paaga ala e leaise toe popo, kotou tanaki se koloa lee gato i le lagi, i le ganea leia e leaise kaku ki ai le tagata kaia, ti e leaise maumau ai a ugogo.

Luka 12:39

Ke kotou matala malie ki le nea leinei : Kanapau na iloa e le pule o le fale le ola leia kua tonu ke au ai le tagata kaia, e alaala loa a ia talie e leaise tuku loa e ia ke ulufia lona fale.

Luka 18:22

I le logo a Sesu ki le nea lena, na pati loa a ia kiate ia : Koi puli fua kiate koe le nea e tasi : Fakatau a nea fuli ala e ke maua, tufa a ia ki le kau mativa, ti e ke maua loa se koloa i le lagi. Ti ke au, o muli mai iate au.

Luka 18:24

Ko Sesu, i lana tio ki lona mamae, na pati loa : E faigataa ai kia latou ala e maua ia ni koloa ke ulu ki le puleaga o le Atua !

Uluaki tosi kia Timoteo 6:17

Fakatotonu ki le kau mou koloa o le sekulo leinei ke aua na lotou fia nealasi, ti ke aua na lotou tuku lalatou fanaki ki ni koloa fakatemi, kae ke tuku lalatou fanaki ki le Atua, leia e soli lasi ia kia tatou a nea fuli, o tupu ke tou fiafia ai.

Epelo 13:5

Ke aua na manumanu ki le paaga ; kae ke kotou fiafia i le nea leia e kotou maua, talie kua pati le Atua totonu : E leaise kau tuku loa a koe, ti e leaise kau tiaki loa a koe