Mateo 6:13 - Tosi Tapu

¹³ aua na ke tuku matou ki le fakasala, kae fakamauli matou mei le pule veli. Talie a au le pule, mo le mafimafi ti mo le kololia i sekulo fuli. Amene !

Mateo 6:13 Iomraidhean Croise

Senesi 22:1

Na sili loa ki nea ana, ti na asiasii loa e le Atua a Apalaamo, ti na pati loa a ia kiate ia : Apalaamo ! Ti na tali loa a ia : Ko leinei au !

Uluaki tosi o Sau 1:36

Na tali loa Penasa, vosa o Seosata, ki le sau : Amene ! ke pati fenaaki le Eteleno, le Atua o loku aliki le sau !

Uluaki tosi o Koloniko 16:36

Ke fakafetai ki le Eteleno, le Atua o Iselaele, mei le lee gato ki le lee gato ! Ti ke pati le kakai katoa : Amene ! Kotou fakavikiviki ki le Eteleno !

Uluaki tosi o Koloniko 29:11

A au, Eteleno, le taualuga, mo le makeke, mo le maumau, mo le gigila, ti mo le kololia, talie ko nea fuli i le lagi mo le kele a au ; a au, Eteleno, le pule, talie e ke malaga o taualuga i nea fuli !

Uluaki tosi o Koloniko 4:10

Na tagi loa Saepete ki le Atua o Iselaele, o pati : Kapau e ke tapuaki mai loa kiate au, mo ke fakalaulasi loa oku koiga, kapau e kau loa lou lima mo au, ti kapau e ke puipui loa au mei le malaia ke aua na kau nofo i le mamae !… Ti na tali loa e le Atua le nea leia na kole e ia.

Pesalemo 10:16

E sau le Eteleno i tautupu mo tautupu, o lee gato ; E too loa a atu puleaga pagani i lona fenua.

Pesalemo 106:48

Ke fakamalo ki le Eteleno, le Atua o Iselaele, mei le lee gato ki le lee gato ! Ti ke pati le kakai katoa : Amene ! Kotou fakafetai ki le Eteleno !

Pesalemo 22:28

E manatu loa potupotu fuli o le malama nei ki le Eteleno, ti e lotou tafoki loa kiate ia. E punou loa famili fuli o atu puleaga i ou mua.

Pesalemo 41:13

Na ke fakamakeke au o tupu ko loku agatonu, Ti na ke fakanofo au i lou agaiaga o lee gato.

Pesalemo 47:2

Kotou fuli, atu kakai, ke kotou pasipasi okoutou lima ! Ke kotou fai ni kalaga fakafiafia ki le Atua !

Pesalemo 47:7

Ke kotou sua ki le Atua, ke kotou sua ! Ke kotou sua ki lotatou sau, ke kotou sua !

Pesalemo 72:19

Ke fakafetai ki lona suafa fakakololia o lee gato ! Ke apele le malama nei katoa i lona kololia ! Amene ! Amene !

Pesalemo 89:52

Ei Eteleno, manatui a lauveli o ou fili, Io, alatou lauveli ki lakaaga o lau filifiliia.

Ekesote 15:18

E sau loa le Eteleno o lee gato !

Taagapati 30:8

Fakamamao iate au le kaka mo le masau loi ; Aua na ke tuku kiate au le mativa, pe ko le mou koloa, Soli mai kiate au le pane leia e aoga kiate au,

Selemia 15:21

E kau saofaki loa a koe i le lima o le kau agaveli, E kau fakamauli loa a koe i lima o le kau agamakeke.

Selemia 28:6

Na pati loa Selemia, le polofeta : Amene ! Ke fai fenaaki e le Eteleno ! Ke fakamaoki e le Eteleno a folafola ala kua ke fakasa, ti ke toe fakaliliu mai e ia mei Papilone ki le ganea leinei a ipu o le fale o le Eteleno mo le kau popula katoa !

Taniela 4:25

E kapu loa a koe mei loto malie o tagata, ti e ke maua loa lou nofoaga i loto malie o manu o faisaga, ti e tuku loa kiate koe se mutie ke kai, ofaipe pipi ; e susu loa a koe i le sasau o le lagi, ti e fakalaka loa a fetuu e fitu iate koe, o kaku ki lau iloa ko le Atua Taualuga leia e pule ki le pule a tagata, ti e soli e ia a ia ki leia e loto a ia ki ai.

Taniela 7:18

kae e maua loa e le kau sagato a le Atua Taualuga le puleaga, ti e lotou maua loa le puleaga o lee gato i sekulo mo sekulo.

Numelo 5:22

ti ke ulu ki ou tootooga le vai leinei e tuku ia loa kiate koe le malaia, o fakakita ia loa lou manava mo fakamalo ia loa lou tega ! Ti e pati loa le fafine : Amene ! Amene !

Mateo 26:41

Kotou alaala ti kotou faikole, ke aua na kotou siga ki le fakasala ; e makeke le laumalie kae gaegae le tino.

Mateo 28:20

ti kotou ako latou ke lotou fai a nea fuli ala na kau fakatotonu atu kia koutou. Ti ko leinei, e kau nofo mo koutou i aso fuli, o kaku ki le fakaoki o le malama nei.

Mateo 5:37

Ko lakoutou io ke io, ti ko lakoutou leai ke leai ; ko le nea leia e fakalasi ia a ia e au mei le pule veli.

Mateo 6:10

ke aumai lou pule ; ke fai lou finegalo i le kele ofaipe i Selo.

Soane 17:15

E leaise kau kole atu kiate koe ke ke too latou mei le malama nei, kae ke ke saofaki latou mei le veli.

Uluaki tosi ki le kau Kolinto 10:13

E leai se asiasii leia e vilo kia koutou e fakalaka i le makeke o le tagata, ti e leaise fakataga loa e le Atua, leia e agatonu, ke asiasii koutou o fakalaka i lokoutou makeke ; kae i le asiasii, e toe teuteui foki e ia le ala leia ke sao ai, o tupu ke kotou matatali a ia.

Uluaki tosi ki le kau Kolinto 14:16

Talie kapau e ke fakafetai fai i le laumalie, pe feaki loa ke tali mai leia e fakalogo : Amene ! mo kapau e leaise iloa e ia le nea leia e ke fakasa ia ?

Lua tosi ki le kau Kolinto 1:20

talie ko fakapapau fuli a le Atua e io iate ia ; ti koia foki leia e tou puaki ai le Amene iate ia ki le kololia o le Atua.

Kalate 1:4

leia na soli ia a ia o tupu ko atatou agasala, ti ke taaki ai tatou mei le sekulo veli leinei, o mulimuli ki le finegalo o lotatou Atua mo Tamana,

Tetelonome 8:16

leia na fagai ia a koe i le toafa ki le mane leia na leaise iloa e ou tamana, o tupu ke fakamamae ai a koe mo asiasii ai a koe, talie ke fai kiate koe se nea leia e malie loa ki muli.

Tetelonome 8:2

Ke ke manatui le ala katoa leia na taki ai a koe e le Eteleno, lou Atua, i fetuu ana e kau fa i le toafa, ke fakamamae ai a koe, ti ke asiasii ai a koe, ti ke iloa ai a anoaga o lou loto, pe ke tausi loa pe leai ana folafola.

Uluaki tosi ki le kau Tesalonika 1:10

ti ke talitali mei le atu lagi ki lona Alo, leia na toe fakatuuake e ia mei le kau mate, Sesu, leia e fakamauli ia tatou mei le sausau ka au.

Lua tosi ki le kau Tesalonika 3:3

E agatonu le Aliki, e fakamakeke loa e ia koutou, ti e puipui loa e ia koutou mei leia e veli.

Uluaki tosi kia Timoteo 1:17

Ki le Sau o sekulo, lee mate, lee tio ki ai, ki le Atua e tasi fuai, ke tuku le fakaapaapa mo le kololia, i sekulo mo sekulo ! Amene !

Epelo 11:36

Na tali loa e ni iki a nukinuki, mo le suipi, mo tini, ti mo le pilisoni ;

Uluaki tosi a Petelo 5:8

Ke kotou fakapotopoto, mo alaala ! Talie ko lokoutou fili, le Tiapolo, e taka ofaipe se laione gugulu, o afa pe ko ai leia e kai loa e ia.

Lua tosi a Petelo 2:9

Koia, e iloa e le Aliki le fakamauli o tagata maokioki mei le asiasii, ti e iloa e ia le taofi o le kau agasala ke tautea i le aso o le fakamaau,

Uluaki tosi a Soane 3:8

Ko leia e mauli i le agasala, e au a ia mei le Tiapolo, talie e agasala le Tiapolo talu mei le kamataaga. Na sa mai le Alo o le Atua, o tupu ke maumaui a gaoi a le Tiapolo.

Apokalipisi 1:18

Ko au ko le uluaki, ti ko le fakamulimuli, ti ko leia e mauli. Na kau mate ; ti ko leinei, kua kau mauli ki sekulo mo sekulo. E kau too a kalavi o le mate ti mo le nofoaga o le kau mate.

Apokalipisi 19:1

I le oki o le nea lena, na kau logo loa i le lagi ofaipe se leo makeke o se kakai toka api leia na pati : Aleluia ! Ke tuku ki lotatou Atua le saofaki, mo le kololia, mo le mafimafi,

Apokalipisi 19:4

Ti ko kau matua e tino lua tupu fa, mo manu mauuli e fa, na tulolo loa, o atolasio ki le Atua leia e ekeeke i le ekeekeaga fakasau, o pati : Amene ! Aleluia !

Apokalipisi 2:10

Aua na ke i ki le nea leia e ke mamae ai loa. Ko leinei, e ti loa e le Tiapolo ni iki o koutou ki le pilisoni, o tupu ke asiasii ai koutou, ti e kotou maua loa se mamae i aso e kau agafulu. Ke ke agatonu o kaku ki le mate, ti e kau soli loa kiate koe le pala o le mauli.

Apokalipisi 21:4

E solosoloi loa e ia a loimata fuli mei olatou mata, ti e leaise toe maua loa le mate : e leaise toe maua loa se tagi, mo se lauga, mo se mamae, talie kua puli loa a uluaki nea.

Apokalipisi 3:10

Talie na ke tausi le folafola o le kataki fualoa iate au, e kau tausi loa a koe i le ola o le asiasii leia ka au ki le malama nei katoa, ke asiasii ai le kakai o le malama nei.

Apokalipisi 3:14

Tosi ki le aselo o le Ekelesia o Laotise : Ko leinei le pati a le Amene, le tagata fakamaoki agatonu mo maoki, le tupuaga o nea ala na fakatupu e le Atua :

Apokalipisi 5:13

Ti na kau logo loa na pati a keleatula fuli i le lagi, mo le kele, mo le lalo kele, mo aluga o le tai, ti mo loto o le tai : Ke tuku ki leia e ekeeke i le ekeekeaga fakasau, ti mo le Akeno, le fakavikiviki, mo le fakamauiga, mo le kololia, ti mo le makeke, i sekulo mo sekulo !