Mateo 6:10 - Tosi Tapu

¹⁰ ke aumai lou pule ; ke fai lou finegalo i le kele ofaipe i Selo.

Mateo 6:10 Iomraidhean Croise

Neemia 9:6

Ko koe Eteleno, ko koe toka tasi, leia na fau ia le lagi, le lagi o atu lagi, ti mo olatou kau tau fuli, mo le kele ti mo nea fuli i ai, mo atu tai ti mo nea fuli i ai. E ke soli le mauli ki nea fuli ana, ti e atolasio kiate koe le kau tau katoa o le atu lagi.

Pesalemo 2:6

Ko au leia na pani lolo ia loku sau, I Sione, loku mauga maokioki !

Pesalemo 40:8

Koia e kau pati ai : Ko leinei, e kau au Mo le takaiga tosi leia na tosi kiate au.

Esaia 2:2

E soko loa, i aso fakamuli, E fakatuu loa le mauga o le fale o le Eteleno I le tumutumu o mauga, Ti e malaga loa a ia i aluga o mauga liliki, Ti e tau mai loa ki ai a atu puleaga fuli.

Selemia 23:5

Ko leinei, e pati le Eteleno, e soko mai loa a aso, Ala e kau fakatupu ai loa kia Tavite se uli agatonu. E nofo loa a ia ko se sau poto mo manuia, E fai loa e ia le faitotonu mo le maoki i le fenua.

Taniela 2:44

I le temi o sau ana, e fakatupu loa e le Atua o le atu lagi se puleaga leia e leaise toe maumaui loa i se aso, ti e leaise toe tuku loa ki le pule a se tasi ake puleaga ; e fatifatii loa e ia, ti e maumaui loa e ia a la ake puleaga fuli, kae e tuu loa a ia totonu, o lee gato.

Taniela 4:35

Ti e fai a kakai fuli o le malama nei ki ona mata pe ni nea noa : e fai e ia o mulimuli ki lona finegalo ki le kau tau o le lagi ti mo le kakai o le malama nei, ti e leaise fakatutuu se tasi ki lona lima, o pati kiate ia : Kolea e ke fai ?

Taniela 7:13

Na kau tio loa i aku moe miti i le pouli, ti ko leinei, na au loa se tasi leia na faipe se vosa o le tagata i ao o le lagi ; na au loa a ia ki le Matua o aso, ti na tuku loa a ia ke fakafeofi ki le Matua o aso.

Taniela 7:27

Ko le sau, mo le pule, ti mo le kololia o puleaga fuli i lalo o le lagi, e soli loa ki le kakai o le kau sagato a le Taualuga. Ko lona puleaga ko se puleaga lee gato, ti e tausi loa a pule fuli kiate ia mo fakalogo loa kiate ia.

Sakalia 9:9

Ke ke nekenekea, taine o Sione ! Ke ke fai ni kalaga fakafiafia, taine o Selusalemi ! Ko leinei, e au lou sau kiate koe. E faitotonu a ia mo malo, E agamalu a ia ti e eke a ia i se asino, I se asino, le uviki o se asino fafine.

Mateo 12:50

Talie ko leia e fai ia le finegalo o loku Tamana leia e nofo i le atu lagi, ko loku taina a ia, mo loku tuagaane, ti mo loku tinana.

Mateo 16:28

E kau pati maoki atu kia koutou, ko ni iki ia latou ala e nonofo i leinei e leaise mamate loa, kae e leikiaise lotou tio ki le saele mai o le Vosa o le tagata i lona puleaga.

Mateo 26:42

Na toe fakamamao loa a ia i le tua lua, o faikole feneeki : Loku Tamana, kapau e leaise feala ke mamao le ipu nei kae e leaise kau inu a ia, ke fai ki lou finegalo !

Mateo 3:2

Na pati a ia : Kotou fakasemala, talie kua ofi mai le Puleaga o le atu lagi.

Mateo 4:17

Na kamata loa mei ai le akonaki a Sesu, ti na pati loa a ia : Kotou fakasemala talie kua ofi mai le Puleaga o Selo.

Mateo 7:21

Ko latou ala e pati mai kiate au : Aliki, Aliki, e leaise lotou ulu fuli loa ki le Puleaga o Selo, kae e gato fai ki leia e fai ia le finegalo o loku Tamana leia e nofo i le lagi.

Maleko 11:10

Manuia le puleaga leia e au, le puleaga o lotatou tamana ko Tavite ! Osana i potu taualuga !

Maleko 3:35

Talie, ko leia e fai ia le finegalo o le Atua, ko ia lena ko loku taina, mo loku tuagaane, ti mo loku tinana.

Luka 19:11

Na lotou fakalogo ki nea ana, ti na toe masau loa Sesu kia latou i se tasi folafola fakatata, talie kua ofi a ia ki Selusalemi, ti kua pati foki e sa loa le puleaga o le Atua i le temi lena.

Luka 19:38

Ti na lotou pati loa : Manuia le sau leia e saele mai i le suafa o le Aliki ! Tokamalie i le lagi, ti kololia i potu taualuga ai !

Luka 22:42

o pati : Tamana, kapau na ke loto ki ai, fakamamao iate au le ipu leinei ! Kae, ke aua na fai ki loku finegalo, kae ki lou finegalo.

Soane 4:34

Na pati loa Sesu kia latou : Ko laku nea kai ko le fai o le finegalo o leia na kakau ia mai au, ti mo le fakasoko o lana gaoi.

Soane 6:40

Ko le finegalo o loku Tamana, ko leia e tio ki le Alo ti e tui kiate ia ke maua e ia le mauli lee gato, ti ke kau toe fakatuuake a ia i le aso fakamuli.

Soane 7:17

Kapau e fia fai e se tasi lona finegalo, e iloa loa e ia pe au laku akonaki mei le Atua, pe kau masau iate au totonu.

Gaoi 13:22

ti sili lana tiaki a ia, na fakanofo loa e ia Tavite ko lolatou sau, leia na fakamaoki loa a ia ki ai, o pati : Kua kau maua Tavite, Vosa o Isaia, tagata e tatau mo loku loto, leia e fai ia loa loku loto katoa.

Gaoi 21:14

I le leaise toe fetogi o lona loto, na motou fakalologo loa, o pati : Ke fai le finegalo o le Aliki !

Gaoi 22:14

Ti na pati loa a ia : Kua filifili a koe e le Atua o tatou tamana ke iloa ia lona finegalo, mo tio ki le Tagata Faitotonu e Tasi, ti mo logo ki folafola mei lona gutu ;

Loma 12:2

Aua na kotou fakatatau ki le sekulo nei, kae ke fetogi koutou e le fakafoou o le loto, o tupu ke kotou iloa le finegalo o le Atua : le nea leia e malie, mo aoga, ti mo saosaoa.

Efeso 6:6

o leaise gato fua i olatou mua, o sakinake ke mata malie ki tagata, kae ofaipe ni tagata fakasausau a Kilisito, ala e fai ia i le loto katoa le finegalo o le Atua.

Kolose 1:13

leia kua saofaki ia tatou mei le makeke o le fakapouli ti kua siki ia tatou ki le puleaga o lona Alo alofaina,

Kolose 1:9

Koia ko maua foki, talu mei le aso leia na ma logo ai ki le nea lena, e leaise koi gato lama faikole ki le Atua o uiga mo koutou ; e ma kole ke kotou apele i le iloa o lona finegalo, i le poto katoa ti mo le atamai fakalaumalie,

Uluaki tosi ki le kau Tesalonika 4:3

Talie ko le finegalo o le Atua ke kotou maokioki, ti ke kotou fakamamao mei le fai feauaki :

Uluaki tosi ki le kau Tesalonika 5:18

Kotou fakafetai i nea fuli, talie ko le finegalo a ia o le Atua ia Sesu-Kilisito kia koutou.

Epelo 1:14

Pe leaise ko ni laumalie fuli latou, ala e tausi ki le Atua, ti kua kakau ke gaoi kia latou ala e tonu ke maua ia le mauli lee gato ?

Epelo 10:36

Talie e aoga kia koutou le kataki fualoa, o tupu, ka oki loa lakotou fai le finegalo o le Atua, ke kotou maua le nea leia kua fakapapau atu kia koutou.

Epelo 10:7

Koia na kau pati ai : Ko leinei, e kau au, (Talie na tosi i le takaiga tosi kiate au) Ofai, ei Atua, lou finegalo.

Epelo 13:21

ke fakaliliu e ia koutou ke kotou mafai ia a nea fuli ala e malilie, o tupu ke kotou fakasoko lona finegalo ; ti ke fai e ia kia koutou le nea leia e malie kiate ia ia Sesu-Kilisito, leia e tuku ki ai le kololia i sekulo mo sekulo ! Amene !

Uluaki tosi a Petelo 2:15

talie ko le finegalo o le Atua, i lakotou fai ia le malie, ke kotou tapono a gutu o tagata valelea.

Uluaki tosi a Petelo 4:2

o tupu ke mauli, o leaise toe mulimuli ki oli o tagata, kae o mulimuli ki le finegalo o le Atua, i le lolotoga o le temi koi toe kiate ia ke mauli ai i le tino.

Apokalipisi 11:15

Ti na pupusi loa e le fitu o aselo lana fakatagi pupusi. Ti na i ai loa ni leo makeke i le lagi ala na pati : Ko le puleaga o le malama nei kua tuku ki lotatou Aliki ti mo lona Kilisito ; ti e sau loa a ia i sekulo mo sekulo.

Apokalipisi 12:10

Ti na kau logo loa i le lagi ki se leo makeke na pati : I le temi nei kua soko mai loa le saofaki, mo le mafimafi, mo le pule fakasau o lotatou Atua, ti mo le pule o lona Kilisito ; talie kua ti ki fafo leia na lauveli ki otatou fetaina, leia na tukugavelii ia latou i mua o lotatou Atua i le ao mo le po.

Apokalipisi 19:6

Ti na kau logo loa ofaipe le leo o se kakai toka api, ofaipe se gugulu o ni vai lalasi, ofaipe se gugulu o ni mana makeke, o pati : Aleluia ! Talie kua ulu le Aliki, lotatou Atua Mafimafi, ki lona puleaga.

Apokalipisi 20:4

Ti na kau tio loa ki ni ekeekeaga fakasau ; ti na soli loa kia latou ala na ekeeke i ekeekeaga fakasau ana le pule ke fakamaau. Ti na kau tio loa ki laumalie o latou ala na maletile o tupu ko le fakamaoki o Sesu, ti mo le folafola a le Atua, ti mo latou ala na leaise su ki le manu mo lona fakatata, ti na leaise maua ia le fakamailoga i olatou lae mo olatou lima. Ti na lotou toe au loa ki le mauli, ti na lotou sau loa mo Kilisito i fetuu e afe.