Mateo 5:8 - Tosi Tapu

⁸ Manuia latou ala e loto mea, talie e lotou tio loa ki le Atua !

Mateo 5:8 Iomraidhean Croise

Senesi 32:30

Na soli loa e Sakopo le igoa ko Peniele ki le ganea lena ; talie na pati a ia : Kua kau tio mata ki le Atua, ti na fakamauli loa e ia loku mauli.

Lua tosi a Samuele 22:27

Ki leia e mea, e ke fakasa kiate ia e ke mea, Ti ki leia e aga fakapikopiko, e ke gaoi o mulimuli ki lona aga pikopiko.

Pesalemo 15:2

Ko leia e saele i le agatonu, leia e gaoi i le maokioki, Ti e masau i le maoki i lona loto ;

Pesalemo 18:26

Ki leia e agamalie e ke fakasa lou agamalie. Ki le tagata agatonu e ke fai o mulimuli ki lona agatonu.

Pesalemo 24:4

Ko leia e saosaoa ona lima ti e mea lona loto ; Ko leia e leaise tuku ia lona laumalie ki le loi, Ti e leaise fakapapau i le kaka.

Pesalemo 51:10

Ke ke fakasa mai kiate au le nekenekea mo le fiafia, Ti e fiafia loa a ivi ala na ke fatifatii.

Pesalemo 51:6

Na kau agasala kiate koe toka tasi, Ti na kau fai le nea leia e veli ki ou mata ; Koia e ke faitotonu ai loa i lau fakatuutuu, ti e ke maokioki ai loa i lau fakamaau.

Pesalemo 73:1

Pesalemo a Asafe. Io, e agamalie le Atua ki Iselaele, Kia latou ala e loto mea.

Taagapati 22:11

Ko leia e oli ki le mea o le loto, Ti e maua ia le kalasia i ona laugutu, e kaukau nea mo le sau.

Gaoi 15:9

Ti na leaise fai fua e ia se fakakesekese ia tatou mo latou, o fakamea e ia olatou loto i le tui.

Uluaki tosi ki le kau Kolinto 13:12

I le temi nei e tou tio nenefu ofaipe i se tiloata, kae i se aso e tou tio mata loa, le mata ki le mata ; i le aso nei e kau iloa fakakoga, kae i le aso a ia e kau iloa katoa loa ofaipe loku iloa katoa e le Atua.

Lua tosi ki le kau Kolinto 7:1

Koia, ei alofaaga, i le maua o fakapapau ana, tou fakamea tatou mei nea fuli ala e fakakelekele ia le tino mo le laumalie, o fakaoki lotatou fakamaokioki i le kanofi ki le Atua.

Tito 1:15

E mea nea fuli kia latou ala e mea ; kae e leaise mea se nea kia latou ala e kelekele mo tui gataa ; talie kua kelekele olatou atamai mo olatou loto.

Epelo 10:22

Koia ke tou fakafeofi ai i se loto maoki, mo se amanaki makeke o le tui, ti mo ni loto kua fakamea mei se atamai veli, ti mo le tino kua fufulu ki se vai mea.

Epelo 12:14

Ke kotou afa le tokamalie mo le kakai fuli, ti mo le maokioki, talie sala mo ia e leaise tio loa se tasi ki le Aliki.

Epelo 9:14

e feaki ake loa le lasi o le fakamea otatou loto mei gaoi mate e le toto o Kilisito, leia na momoli ia a ia totonu lee mele ki le Atua i le Laumalie lee gato, o tupu ke tou tausi ki le Atua mauli !

Sakopo 3:17

Ko le poto mei aluga, e fuafuaki mea a ia ; ti lua e tokamalie a ia, mo agamalu, mo loto malie, mo apele i le manavaalofa ti mo fua malilie, mo mea mei le fakapalatasi ti mo le malualoi.

Sakopo 4:8

Kotou fakafeofi ki le Atua, ti e fakafeofi atu loa a ia kia koutou. Kotou fakamea okoutou lima, kau agasala, ti kotou fakamea okoutou loto, kau lotolotolua.

Uluaki tosi a Petelo 1:22

Kua kotou fakamea okoutou laumalie i le fakalogo ki le maoki ke kotou maua se alofa fakatautaina maoki, koia ke kotou fealofani makeke ia koutou, i lokoutou loto katoa,

Apokalipisi 22:4

Ti e lotou tio loa ki ona mata ; ti e tosi loa lona igoa i olatou lae.