Mateo 5:7 - Tosi Tapu

⁷ Manuia latou ala e manavaalofa, talie e lotou maua loa le manavaalofa !

Mateo 5:7 Iomraidhean Croise

Lua tosi a Samuele 17:28

na lotou aumai loa ni palepale, mo ni fa topu, mo ni fa ipu kele, mo se fulumeto mata, mo se olese, mo se falina, mo ni fulumeto tunu, mo ni fuai feve mata, mo ni lenitili, mo fuai feve tunu,

Lua tosi a Samuele 22:26

Eteleno, e ke agamalie ki leia e agamalie, Ti e ke agatonu ki leia e agatonu,

Pesalemo 112:4

E sopo le malama i le fakapouli ki le kau agatonu, Ki leia e manava alofa, mo loto alofa, ti mo faitotonu.

Pesalemo 112:9

E fai e ia ni tufa koloa, e soli e ia ki le kau mativa ; E tuu lona faitotonu o lee gato ; E malaga lona ulu i le kololia.

Pesalemo 18:25

Koia na liufaki ai e le Eteleno kiate au o mulimuli ki loku agatonu, O mulimuli ki le mea o oku lima i ona mua.

Pesalemo 37:26

I aso fuli e manava alofa, ti e kai solisoli a ia ; Ti e manuia lona sakoga.

Taagapati 11:17

E fai e le tagata agamalie le nea e malie ki lona laumalie, Kae fai e le tagata agaveli le nea e veli kiate ia totonu.

Taagapati 11:25

Ko le laumalie leia e manava alofa e makona loa, Ti ko leia e fakavai e toe fakavai loa a ia totonu.

Taagapati 14:21

E agasala leia e vesia ki lona oloi, Kae e manuia leia e alofa ki le kau mativa !

Taagapati 19:17

Ko leia e alofa ki le mativa e soli ki le Eteleno, Leia e toe liufaki ia loa kiate ia o mulimuli ki lana gaoi.

Esaia 57:1

E mate le tagata agatonu, ti e leaise tokaga se tasi ki ai ; E pupuli a tagata malilie, ti e leaise tokaga se tasi. Io, e puli le tagata agatonu i mua o le malaia.

Taniela 4:27

Koia, ei sau, fakalotomalie o tali laku tokoi leinei ! Fakagato au agasala, ti ke fai le nea leia e totonu, ti ke fakagato au agaveli, kae ke ke manava alofa ki le kau mativa, ti e feala loa ke tologa lou manuia.

Oseo 1:6

Na toe tinae loa Komela ti na fanaui loa e ia se taine. Ti na pati loa le Eteleno kia Ose : Fakaigoa a ia ko Lolusama ; talie e leaise kau toe alofa loa ki le fale o Iselaele, ti e leaise kau toe fakamolemole loa kiate ia.

Oseo 2:1

Kae e tatau loa le api o fanau a Iselaele mo le one o le tai, leia e leaise feala ke fua pe ke lau ; ti e leaise toe pati loa kia latou : E leaise ko loku kakai koutou ! Kae pati loa kia latou : Vosa o le Atua mauli !

Oseo 2:23

E folafola le Eteleno, o pati : I le aso lena, e kau tali loa, e kau tali loa ki le lagi, e tali loa e ia le kele ;

Mikea 6:8

Na fakasa kiate koe, ei tagata, le nea leia e malie ; Ti ko le nea leia e kole atu e le Eteleno kiate koe, Ke ke fai le nea leia e totonu, Ke ke alofa ki le manava alofa, Ti ke ke saele mo lou Atua i le agamalu.

Maleko 11:25

Ti ka kotou tuu i aluga o faikole, kae kotou nofo mo se nea ki se tasi, kotou fakamolemole, o tupu ke fakamolemole foki akoutou agasala e lokoutou Tamana leia e nofo i le lagi.

Luka 6:35

Kae kotou alofa ki okoutou fili, kotou fai le malie, ti kotou soli sala talitali ke fakaliliu atu. Ti e lasi loa lokotou fakapale, ti e kotou liliu loa ko vosa o le Taualuga, talie e agamalie a ia ki le kau mauli galo mo le kau agaveli.

Loma 11:30

Ko koutou, i mua na kotou patigataa ki le Atua ; kae i le temi nei kua kotou maua le manavaalofa o le Atua, o tupu ko lolatou patigataa.

Uluaki tosi ki le kau Kolinto 7:25

O uiga mo latou ala e taupoou, e leaise kau maua ni fakatotonu mei le Aliki, kae e kau tuku atu laku manatu, ofaipe se tagata leia kua tali ia mei le Aliki le kalasia ke agatonu.

Lua tosi ki le kau Kolinto 4:1

Koia, i lama maua le gaoi lena o mulimuli ki le manavaalofa leia na tuku mai kia maua, e leaise ma loto gaegae.

Efeso 4:32

Ke kotou feagamalieaki ia koutou, o manavaalofa, mo fefakamolemoleaki ofaipe le fakamolemole a le Atua kia koutou ia Kilisito.

Kolose 3:12

Koia ko koutou, ofaipe se kau filifiliia a le Atua, kua maokioki mo alofaina, ke kotou kofu ni manatu loto o le manavaalofa, mo le agamalie, mo le fakataulalo, mo le agamalu, ti mo le kataki.

Uluaki tosi kia Timoteo 1:13

a au leia na nofo i mua ko se tagata fatituu ki le Atua, ko se tagata fakaveliveli, ko se tagata agamakeke. Kae na manavaalofa le Atua kiate au, talie na kau fai a nea ana i le fakapouli, talie na leaise kau tui ;

Uluaki tosi kia Timoteo 1:16

Kae na kau maua le manavaalofa, o tupu ke fakasa e Sesu-Kilisito iate au, ko le uluaki, lona alofa kataki fualoa, ti ke kau liliu ko se faifaitakiaga kia latou ala e tui loa kiate ia mo tali ia loa le mauli lee gato.

Epelo 4:16

Koia ke tou fakafeofi ai i le tui makeke ki le agaiaga o le kalasia, o tupu ke tou maua ai le manavaalofa ti ke tou tali ai le kalasia, ke tokoi ai kia tatou i nea ala e aoga kia tatou.

Epelo 6:10

Talie e leaise lee agatonu le Atua ke galoi e ia lakoutou gaoi ti mo le alofa leia na kotou fakasa ki lona suafa, i tausi ala na kotou fai ti mo lolotoga fai nei ki le kau sagato.

Sakopo 2:13

talie e sala manavaalofa le fakamaau ki leia na leaise manavaalofa ; kae e malo le manavaalofa i le fakamaau.

Sakopo 3:17

Ko le poto mei aluga, e fuafuaki mea a ia ; ti lua e tokamalie a ia, mo agamalu, mo loto malie, mo apele i le manavaalofa ti mo fua malilie, mo mea mei le fakapalatasi ti mo le malualoi.

Uluaki tosi a Petelo 2:10

koutou ala na leaise ko se kakai i mua, kae kua liliu i le temi nei ko le kakai o le Atua, koutou ala na leaise maua ia lona manava alofa, kae kua kotou maua a ia i le temi nei.