Mateo 5:6 - Tosi Tapu

⁶ Manuia latou ala e fia kai mo fia inu ki le faitotonu, talie e lotou makokona loa !

Mateo 5:6 Iomraidhean Croise

Pesalemo 107:9

Talie na fakainu e ia le loto leia na fia inu, Na fakamakona e ia le loto leia na fia kai.

Pesalemo 145:19

E fakasoko e ia a oli o latou ala e i kiate ia ; E logo a ia ki alatou tagi, ti e fakamauli e ia latou.

Pesalemo 17:15

Kae ko au, i lou faitotonu, e kau tio loa ki ou mata ; I le ala ake, e kau makona loa i lou paaki.

Pesalemo 63:5

E kau fakamalo loa kiate koe i loku mauli katoa, E kau siki loa oku lima i lou suafa.

Pesalemo 65:4

E fakamamae au e agasala : E ke fakamolemole loa amatou sala !

Pesalemo 84:2

E alofaia ou nofoaga, Eteleno o kau tau !

Taagapati 10:24

Ko le nea leia e tuania ia e le tagata agaveli, e soko kiate ia ; Kae e tuku ki le kau agatonu le nea leia e lotou oli ki ai.

Taagapati 21:21

Ko leia e afa fakamalotoloto ia le faitotonu mo le agamalie E maua ia le mauli, mo le faitotonu, mo le kololia.

Katiko o Katiko 5:1

E kau ulu ki loku oloto, ei loku tuagaane, ei laku feauaki ; E kau tau laku mila mo aku nea fakamanogi, E kau kai laku laui meli mo laku meli, E kau inu laku vino mo laku sua u… Ke ke kai, ei loku mamanaaga, ke ke inu, ke ke kona i le alofa !

Esaia 25:6

Kua teuteu e le Eteleno o kau tau ki kakai fuli, i le mauga leinei, Se kaitasi o ni nea kai malilie, Se kaitasi o ni vino matua, Mo ni kanoi manu malilie mo gako, Mo ni vino matua, kua mea malie.

Esaia 41:17

E afa e le kau fakaaloalofa mo le kau mativa se vai, kae e leaise maua a ia ; Kua malo olatou alelo i le fia inu. Ko au, le Eteleno, e kau tali loa latou ; Ko au, le Atua o Iselaele, e leaise kau tiaki loa latou.

Esaia 44:3

Talie e kau liligi loa ni vai ki le fenua kua mate i le fia inu, Ti mo ni liua ki le kele malo ; E kau liligi loa loku Laumalie ki lou sakoga, Ti mo laku tapuakina ki ou uli.

Esaia 65:13

Koia e folafola ai le Aliki, le Eteleno, o pati : Ko leinei, e kai loa aku tagata fakasausau, kae e kotou fia kakai loa ; Ko leinei, e inu loa aku tagata fakasausau, kae e kotou fia inu loa ; Ko leinei, e fiafia loa aku tagata fakasausau, kae e kotou luma loa ;

Esaia 66:11

O tupu ke fagai koutou ke makokona Ki le sua u o ana fakapelepele, O tupu ke kotou mimiti i le fiafia Le apele katoa o lona kololia.

Selemia 31:25

Talie e kau fakainu loa le laumalie e fia inu, Ti e kau fakamakona loa a laumalie fuli e gaegae.

Luka 1:53

Na fakamakona e ia ki nea malilie latou ala na fia kai, Kae na kakau e ia le kau mou koloa ke ano mo lima ata.

Luka 6:21

Manuia koutou ala e fia kai i le lakaga nei, talie e kotou makokona loa ! Manuia koutou ala e tagi i le lakaga nei, talie e kotou fiafia loa !

Luka 6:25

Malaia kia koutou ala e makona i le temi nei, talie e kotou fia kai loa ! Malaia kia koutou ala e kata i le temi nei, talie e kotou mamae loa mo tagi laulau loa !

Soane 4:14

kae ko leia e inu loa ki le vai leia e kau soli loa kiate ia e leaise toe fia inu loa a ia, ti ko le vai leia e kau soli loa kiate ia e liliu loa iate ia ko se matapuna vai leia e mapusi loa o kaku ki le mauli lee gato.

Soane 6:27

Aua na kotou gaoi ki le nea kai leia e maumau, kae kotou gaoi ki le nea kai leia e tologa ki le mauli lee gato, le nea kai leia e soli atu loa e le Vosa o le tagata kia koutou ; talie ko ia leia na fakamailoga e le Tamana, e le Atua totonu, ki lona fakamailoga.

Soane 7:37

I le aso fakaoki, ko le aso tafito a ia o le aso lasi, na tuu loa Sesu, o kalaga : Kapau e fia inu se tasi, ke au a ia kiate au, ti ke inu a ia.

Apokalipisi 7:16

E leaise lotou toe fia kai loa, pe toe fia inu loa ; e leaise toe susunu loa latou e le laa pe ko se tasi ake vevela.