Mateo 5:5 - Tosi Tapu

⁵ Manuia latou ala e agamalu, talie e lotou maua loa le kele !

Mateo 5:5 Iomraidhean Croise

Pesalemo 147:6

E tokoi e Eteleno leia e mamae, Kae tuku e ia ki le kele le kau agaveli.

Pesalemo 149:4

Talie e fiafia le Eteleno i lona kakai, E tuku e ia le kololia ki le kau agamalu, o fakamauli latou.

Pesalemo 22:26

E ke liliu loa ko le tupuaga o aku fakafetai i le fakatasi lasi. E kau fakasoko loa aku fakapapau i mua o latou ala e i kiate koe.

Pesalemo 25:13

E malolo loa lona laumalie i le manuia, Ti e maua loa e lona sakoga le fenua.

Pesalemo 25:9

E taki e ia le kau agamalu i le faitotonu. E ako e ia lona ala ki le kau agamalu.

Pesalemo 37:11

E maua e le kau mativa le fenua, Ti e lotou fiafia lasi i le tokamalie.

Pesalemo 37:22

Talie ko latou ala e tapuaki e le Eteleno e maua ia le fenua ; Ti ko latou ala e fakamalaia e ia e motusi loa.

Pesalemo 37:29

E maua loa e le kau agatonu le fenua, Ti e lotou nonofo loa i ai o lee gato.

Pesalemo 37:34

Ke ke amanaki malie ki le Eteleno, ti ke ke tausi lona ala, Ti e siki loa e ia a koe o tupu ke ke maua le fenua ; E ke tio loa e motusi le kau agaveli.

Pesalemo 37:9

Talie e motusi loa le kau agaveli ; Kae ko latou ala e amanaki malie ki le Eteleno e maua ia loa le fenua.

Pesalemo 69:32

E malie le nea lena ki le Eteleno, o lasi ake i se pipi tagata Mo ona tala ti mo ona taga vae.

Esaia 11:4

Kae e fakamaau loa e ia le kau mativa i le maoki, Ti e tuku loa e ia se fakamaau totonu ki le kau fakaaloalofa o le malama nei ; E taai loa e ia le malama nei ki lana folafola ofaipe lana taai ki se laakau, Ti e tamate loa e ia le tagata agaveli ki le tukumanava o lona gutu.

Esaia 29:19

E fiafia loa le kau fakaaloalofa i le Eteleno, Ti e nekenekea loa le kau mativa o tupu ko le Sagato o Iselaele.

Esaia 60:21

E maokioki loa lou kakai katoa, E lotou maua loa le fenua o lee gato ; Ko le uli a ia na kau to ia, le gaoiaga o oku lima, Ke tausi ki loku kololia.

Esaia 61:1

E iate au le Laumalie o le Aliki, le Eteleno, Talie na fakanofo au e le Eteleno ke ave ia ni logo malilie kia latou e mativa ; Na kakau e ia au ke fakamauli latou e loto fatifati, Ke fakasa ki le kau popula le lauatea, Ki le kau pilisoni le saofaki ;

Sofoni 2:3

Kotou afa le Eteleno, koutou fuli, kau agamalu o le fenua, Ala e fai ia ana fakatotonu ! Kotou afa le faitotonu, kotou afa le fakataulalo ! Lagi e fakamauli loa koutou i le aso o le sausau o le Eteleno.

Numelo 12:3

Ti na logo loa le Eteleno ki le nea lena. Ko leinei, na agamalu ai le tagata ko Moisese, o lasi ake i tagata fuli ala kua mauli i aluga o le kele.

Mateo 11:29

Kotou amo laku laakau taki, ti kotou tali aku akonaki, talie e kau agamalu mo loto fakataulalo ; ti e kotou maua loa le malolo ki okoutou laumalie.

Mateo 21:5

Pati ki le taine o Sione : Ko leinei, e au lou sau kiate koe, Apele i le agamalu, ti e eke i se asino, I se uviki asino, le uviki o se asino fafine.

Loma 4:13

Talie na leaise fai le fakapapau ke tuku le tofiga o le malama nei kia Apalaamo pe ki lona sakoga, i le lao, kae i le faitotonu o le tui.

Kalate 5:23

e leaise fakafesagai le lao ki nea ana.

Efeso 4:2

i le loto fakataulalo mo le agamalu katoa, mo le kataki fualoa, o kotou fekatakiaki i le alofa,

Kolose 3:12

Koia ko koutou, ofaipe se kau filifiliia a le Atua, kua maokioki mo alofaina, ke kotou kofu ni manatu loto o le manavaalofa, mo le agamalie, mo le fakataulalo, mo le agamalu, ti mo le kataki.

Uluaki tosi kia Timoteo 6:11

Kiate koe, tagata a le Atua, sola mei nea ana, ti ke ke afa le faitotonu, mo le aga fakaatua, mo le tui, mo le alofa, mo le kataki fualoa, ti mo le agamalu.

Lua tosi kia Timoteo 2:25

e tonu ke fakatonutonu e ia i le agamalu latou ala e agatuu, na saga e soli loa e le Atua kia latou le fakasemala ke lotou tui ai ki le maoki,

Tito 3:2

ke aua na lotou lauveli ki se tasi, ke lotou fakatokatoka, mo fakapotopoto, mo apele i le agamalu ki tagata fuli.

Sakopo 1:21

Koia ke kotou tiaki ai a nea kelekele fuli ti mo agaveli fuli, kae kotou tali i le loto malu le folafola leia kua to ia koutou, leia e feala ke fakamauli ia okoutou laumalie.

Sakopo 3:13

Ko ai leia e poto mo atamai ia koutou ? Ke fakamaoki e ia a ia ki le malie o lana aga, ti mo ni gaoi ala e fai i le agamalu mo le poto.

Uluaki tosi a Petelo 3:15

Kae ke kotou fakaapaapa i okoutou loto kia Kilisito ko le Aliki ; ti ke kotou nofo teuteu fuai ke tali i le agamalu mo le fakaapaapa ki leia e afa atu ia kia koutou le uiga o le amanaki malie leia ia koutou,

Uluaki tosi a Petelo 3:4

kae ke kotou maua le teuga munia o le loto leia ko le mea lee popo o se loto agamalu mo tokamalie, leia e mauiga lasi i mua o le Atua.