Mateo 5:48 - Tosi Tapu

⁴⁸ Koia ke kotou malie tukupau, ofaipe lokoutou Tamana i Selo leia e malie tukupau.

Mateo 5:48 Iomraidhean Croise

Senesi 17:1

I le fetuu kau iva tupu iva o Apalamo, na sa loa le Eteleno kia Apalamo, o pati kiate ia : Ko Au ko le Atua Mafimafi. Ke ke saele i oku mua, ti ke agatonu !

Lua tosi a Samuele 22:31

E saosaoa a ala o le Atua, Kua asiasii le folafola a le Eteleno ; Ko se paletau a ia kia latou fuli ala e fanaki kiate ia.

Pesalemo 37:37

Ke ke tio ki le tagata leia e saosaoa, Ti ke ke tokaga ki le tagata leia e agatonu ; Talie e i ai se sakoga ki le tagata o le tokamalie.

Levitiko 11:44

Talie ko au ko le Eteleno, ko lokoutou Atua ; e kotou maokioki loa, talie e kau maokioki ; ti aua na kotou kelekele loa i se manu i manu fuli ana ala e totolo i aluga o le kele.

Levitiko 19:2

Masau ki le kakai katoa o Iselaele, o pati kia latou : Ke kotou maokioki, talie e kau maokioki, a au, ko le Eteleno, ko lokoutou Atua.

Levitiko 20:26

E kotou maokioki loa kiate au, talie e kau maokioki, a au, ko le Eteleno ; kua kau fakamavae koutou mei atu puleaga, o tupu ke kotou liliu ko loku tofiga totonu.

Mateo 5:16

Ke mu lokoutou malama i mua o tagata, o tupu ke lotou tio ki akoutou gaoi malilie, ti ke lotou fakakololia ki lokoutou Tamana leia e nofo i le atu lagi.

Mateo 5:45

o tupu ke kotou liliu ko vosa o lokoutou Tamana i selo ; talie e fakasopo e ia lana laa o fakatatau ki le kau agaveli ti mo le kau agamalie, ti e fakato e ia lana ua o fakatatau ki le kau agatonu ti mo le kau agasala.

Mateo 5:47

Ti kapau e kotou fakaalofa fua ki okoutou fetaina, pe kotou fai se nea mauiga ? Pe leaise fai fenaaki foki le kau pagani ?

Luka 6:36

Koia kotou manavaalofa, ofaipe lokoutou Tamana e apele i le manavaalofa.

Luka 6:40

E leaise lasi ake le tisipulo i lona pule ; kae ko tisipulo fuli kua katoa e fai loa pe lona pule.

Lua tosi ki le kau Kolinto 13:11

Ti e kau fakaoki loa, fetaina, kotou nonofo la ! kotou afa ki le malie tukupau, kotou fefakafimalieaki, kotou maua se manatu loto e tasi, kotou mauli i le tokamalie ; ti ko le Atua o le alofa mo le tokamalie e nofo loa mo koutou.

Lua tosi ki le kau Kolinto 13:9

E ma fiafia mo ka ma gagae, kae kotou makeke ; ti ko le nea leia e ma kole i ama faikole, ko lokoutou malie tukupau.

Lua tosi ki le kau Kolinto 7:1

Koia, ei alofaaga, i le maua o fakapapau ana, tou fakamea tatou mei nea fuli ala e fakakelekele ia le tino mo le laumalie, o fakaoki lotatou fakamaokioki i le kanofi ki le Atua.

Efeso 3:1

O tupu ko le nea lena, ko au Paulo, ko le tagata pilisoni a Kilisito kia koutou kau pagani…

Tetelonome 18:13

Ke ke agatonu katoa ki le Eteleno, lou Atua.

Tetelonome 27:10

E ke fakalogo loa ki le leo o le Eteleno, lou Atua, ti e ke fai loa ana folafola mo ana lao ala e kau tuku kiate koe i le aso nei.

Kolose 1:28

Ko ia leia e ma fakasa, o kole ki tagata fuli, ti mo akonakii tagata fuli i le poto katoa, o tupu ke ma momoli ki le Atua a tagata fuli kua malie tukupau ia Kilisito.

Kolose 4:12

Ko Epafalasi, leia ko se tasi o koutou, e fakaalofa atu kia koutou ; ko le tagata fakasausau a ia a Sesu-Kilisito, e leaise toe gato lana tau kia koutou i ana faikole, o tupu ke kotou tuu makeke ofaipe ni tagata kua katoa, o nofo fakalogo ki le fai o le finegalo katoa o le Atua.

Sakopo 1:4

Kae e tonu ke fakasoko e le kataki fualoa lana gaoi, o tupu ke kotou malie tukupau mo katoa, ti ke aua na puli se nea ia koutou.

Uluaki tosi a Soane 3:3

Ko leia e maua ia le amanaki malie lena iate ia, ke fakamea a ia, ofaipe ia totonu e mea.