Mateo 5:45 - Tosi Tapu

⁴⁵ o tupu ke kotou liliu ko vosa o lokoutou Tamana i selo ; talie e fakasopo e ia lana laa o fakatatau ki le kau agaveli ti mo le kau agamalie, ti e fakato e ia lana ua o fakatatau ki le kau agatonu ti mo le kau agasala.

Mateo 5:45 Iomraidhean Croise

Sopo 25:3

Ko ai e mafai ke lau ia ana kau tau ? Ko ai leia e leaise sopo ki ai lana laa ?

Pesalemo 145:9

E agamalie le Eteleno ki tagata fuli, Ti e mafola lona manava alofa ki ana gaoiaga fuli.

Selemia 5:24

E leaise lotou pati i olatou loto : Ke tou i ki le Eteleno, lotatou Atua, Leia e soli ia le ua i lona temi Le ua i mua mo le ua i muli, Ti e taupau ia kia tatou a vasaa ke tuuti ai le fulumeto.

Mateo 5:9

Manuia latou ala e ave ia le tokamalie, talie e fakaigoa loa latou ko vosa o le Atua !

Luka 6:35

Kae kotou alofa ki okoutou fili, kotou fai le malie, ti kotou soli sala talitali ke fakaliliu atu. Ti e lasi loa lokotou fakapale, ti e kotou liliu loa ko vosa o le Taualuga, talie e agamalie a ia ki le kau mauli galo mo le kau agaveli.

Soane 13:35

I le nea lena e iloa ai loa e tagata fuli ko aku tisipulo koutou, mo kapau e kotou fealofani ia koutou.

Gaoi 14:17

kae na leaise toe tuku lana fakamaoki kiate ia i ana nea malilie, o soli kia koutou a ua mei le lagi, mo temi mou, ti mo fakapelepelei koutou ki nea kai mo le fiafia.

Efeso 5:1

Koia kotou faifaitaki ki le Atua, ofaipe ni fanau alofaina ;

Filipe 2:15

o tupu ke kotou lee mele mo mea, ofaipe ni fanau a le Atua lee valoki i loto malie o se tautupu fakalialia mo agaveli, leia e kotou mu ai ofaipe ni malama i le malama nei,

Uluaki tosi a Soane 3:9

Ko leia na tupu mei le Atua, e leaise mauli a ia i le agasala, talie e nofo mau le pulapula o le Atua iate ia ; ti e leaise feala ke mauli a ia i le agasala, talie na tupu a ia mei le Atua.