Mateo 5:42 - Tosi Tapu

⁴² Soli ki leia e kole atu kiate koe, ti aua na ke titua ki leia e fia too maua meiate koe.

Mateo 5:42 Iomraidhean Croise

Pesalemo 37:21

E too e le tagata agaveli ni maua, ti e leaise ui e ia ; E loto alofa le tagata agatonu, ti e solisoli a ia.

Taagapati 19:17

Ko leia e alofa ki le mativa e soli ki le Eteleno, Leia e toe liufaki ia loa kiate ia o mulimuli ki lana gaoi.

Taagapati 21:26

I le aso katoa e maua e ia ni oli ; Kae ko le tagata agatonu e solisoli, sala fuafua.

Ekelesiasi 11:6

Muluki lau fakaili mei le usu, ti aua na tuku ke malolo lou lima i le afiafi ; talie e leaise ke iloa le nea leia e mauli malie loa, leinei pe ko leia, pe ko laua toka lua.

Taniela 4:27

Koia, ei sau, fakalotomalie o tali laku tokoi leinei ! Fakagato au agasala, ti ke fai le nea leia e totonu, ti ke fakagato au agaveli, kae ke ke manava alofa ki le kau mativa, ti e feala loa ke tologa lou manuia.

Mateo 5:41

Kapau e fakamakeke atu se tasi kiate koe ke kolua fai se kilometa e tasi, fai ni kilometa e lua mo ia.

Luka 11:41

E malie ake ke kotou soli ki le kau mativa le nea leia e tuku i loto o akoutou ipu mo akoutou pa, ti e mea loa a nea fuli kia koutou.

Loma 12:20

Kae kapau e fia kai lou fili, soli kiate ia se nea ke kai ; kapau e fia inu a ia, soli kiate ia se nea ke inu ; talie i lau fai le nea a ia, e ke tanaki loa ni malala kaka ki lona fa ulu.

Epelo 13:16

Aua na kotou galoi le fai nea alofa ti mo le kai solisoli, talie ko sakilifisio ana e fiafia ai le Atua.

Epelo 6:10

Talie e leaise lee agatonu le Atua ke galoi e ia lakoutou gaoi ti mo le alofa leia na kotou fakasa ki lona suafa, i tausi ala na kotou fai ti mo lolotoga fai nei ki le kau sagato.

Sakopo 1:27

Ko le lotu leia e mea mo lee mele i mua o le Atua ko le Tamana, ko le fakatele ki fanau sala matua mo lokonui i olatou mamae, ti mo le fakamamao mei nea kelekele fuli o le malama nei.