Mateo 5:39 - Tosi Tapu

³⁹ Kae ko au, e kau pati atu kia koutou ke aua na kotou fakatutuu ki le tagata agaveli. Kapau e paai a koe e se tasi i lou kalaafau atamai, tuku ake kiate ia mo leia ake kalaafau.

Mateo 5:39 Iomraidhean Croise

Uluaki tosi o Sau 22:24

Koia na fakafeofi ake loa Setesiasi, vosa o Kenaana, ti na paai loa e ia le kalaafau o Mikea, o pati : Pe na ulu atu ifea iate au le laumalie o le Eteleno ke masau kiate koe ?

Sopo 16:10

Kua fakamaga olatou gutu ke lotou kai au, Kua lotou gologolo kiate au ti kua lotou fepataki oku kalaafau, Ti kua lotou kau fuli kiate au.

Taagapati 20:22

Aua na ke pati : E kau liufaki loa le veli. Fanaki ki le Eteleno, ti e saofaki loa e ia a koe.

Taagapati 24:29

Aua na ke pati : E kau fai loa kiate ia ofaipe lana fai mai kiate au, E kau liufaki loa kiate ia o mulimuli ki ana gaoi.

Esaia 50:6

Na kau fakaali loku tua kia latou ala na ta ia au, Ti mo oku kalaafau kia latou ala na futi ia loku kaukava ; Na leaise kau fufu oku mata I tauvele mo aanu.

Tagi laulau a Selemia 3:30

E fakaali loa e ia lona kalaafau ki leia e paai ia a ia, E makona loa a ia i le luma.

Levitiko 19:18

Aua na ke taui veli loa, ti aua na ke taofi loa se kona i lou loto ki fanau o lou kakai. E ke alofa loa ki lou oloi ofaipe koe totonu. Ko au ko le Eteleno.

Mikea 5:1

Ti ko koe, Peteleemi Efalata, Leia e ikiiki i le tino afe o Suta, Iate koe e au loa kiate au, Leia e pule loa i Iselaele, Leia e pale ana gaoi o kaku ki temi afea, Ki aso o le lee gato.

Mateo 5:40

Kapau e loto se tasi ke ave ia a koe ki le fakamaauaga, o tupu ko lou kofu loto, toe tuku ake kiate ia mo lou taupulupulu.

Luka 22:64

Na lotou sai loa ona mata, kae lotou vesili kiate ia, o pati : Mate ! pe ko ai leia na sasa ia a koe ?

Luka 6:7

Ti na lama loa Sesu e le kau sekelipa mo le kau faliseo, pe fai loa e ia se fakamauli i le aso o le sapato, o tupu ke lotou maua se nea ke fakalakasala ai a ia.

Soane 18:23

Na tali loa Sesu kiate ia : Kapau na kau masau veli, fakasa mai lona veli ; ti kapau na kau masau malie, kolea e ke paai ai au ?

Uluaki tosi ki le kau Kolinto 6:7

Ko leinei, kua nofo se veli lasi ia koutou, ko le fefakamaauiaki o koutou. Kolea e leaise kotou kataki ai mua le veli ? Kolea e leaise kotou tuku ai mua ke kaia okoutou koloa ?

Uluaki tosi ki le kau Tesalonika 5:15

Kotou tokaga ke aua na totogi e se tasi le veli ki le veli, kae ke kotou afa tuumau le malie i okoutou vasaa ti mo tagata fuli.

Epelo 12:4

Talie na leikiaise kotou fakafesagai o kaku ki le mate, o tau ki le agasala.

Sakopo 5:6

Kua kotou fakalakasala mo tukipooi le Agatonu, leia na leaise taofi ia koutou.

Uluaki tosi a Petelo 3:9

Aua na kotou totogi le veli ki le veli, pe ko le lauveli ki le lauveli, kae ke kotou tapuaki, talie kua kalagai koutou ki ai, o tupu ke kotou mau tofiga le tapuakina.