Mateo 5:3 - Tosi Tapu

³ Manuia latou ala e mativa i le loto, talie e fakalogo kia latou le Puleaga o le atu lagi.

Mateo 5:3 Iomraidhean Croise

Lua tosi o Koloniko 33:12

I lana nofo loa i le mamae, na tagi loa a ia ki le Eteleno, lona Atua, ti na fakasemala lasi loa a ia i mua o le Atua o ona tamana.

Lua tosi o Koloniko 33:19

Ko lana faikole mo le tali a le Atua kiate ia, ana agasala, mo ana agasala ti mo ana agatuu, mo ganea ala na laga ai loa e ia ni ganea taualuga ti na fakatuu ai loa e ia ni taulaatua mo ni fakatata togi i mua o lana fakasemala, e tosi le nea lena i le tosi a Osai.

Lua tosi o Koloniko 33:23

ti na leaise fakasemala fua a ia i mua o le Eteleno ofaipe le fakasemala a Manase, lona tamana, talie na toe asilisili ake lana agasala.

Lua tosi o Koloniko 34:27

O tupu na lave ki lou loto a folafola ana, ti na ke fakasemala i mua o le Atua i lau logo ki folafola ana o uiga mo le ganea leinei mo lona kakai, ti na ke fakasemala i oku mua, ti na ke sae ou kofu, ti na ke tagi i oku mua, ko au foki, na kau logo, e folafola le Eteleno.

Lua tosi o Koloniko 7:14

kapau e fakataulalo loa loku kakai leia e too ki ai loku suafa, mo faikole loa, mo afa ia loa oku mata, ti kapau e fakasemala loa a ia mo maliu loa a ia mei ona ala veveli, e kau tali loa a ia mei lagi, e kau fakamolemole loa lana agasala ti e kau fakamauli loa lona fenua.

Sopo 42:6

Koia kua kau iloa ai laku sala, ti kua kau fakasemala ai, O tonatona ki le efu mo le mugalafu.

Pesalemo 1:1

Manuia le tagata leia e leaise saele o mulimuli ki le tokoi a le kau agaveli, Leia e leaise tuu i le ala o le kau agasala, Ti e leaise tonatona fakatasi mo le kau gologolo,

Pesalemo 112:1

Kotou fakafetai ki le Eteleno ! Manuia le tagata leia e i ki le Eteleno, Leia e maua ia se fiafia lasi i ana fakatotonu.

Pesalemo 128:1

Katiko o le fanoga tapu. Manuia tagata fuli ai e i ki le Eteleno, Leia e saele i ona ala !

Pesalemo 146:5

Manuia le tagata leia e maua ia lona tokoi i le Atua o Sakopo, Leia e tuku ia lana amanaki malie ki le Eteleno, lona Atua !

Pesalemo 2:12

Ke kotou sogi ki le Alo, talie na ita a ia, Kae kotou mamate loa i lokoutou ala, Talie e ula vave lona ita. Manuia latou fuli ala e fanaki kiate ia !

Pesalemo 34:18

Ka tagi le kau agatonu, e logo le Eteleno, Ti e fakamauli e ia a ia i ona mamae fuli.

Pesalemo 41:1

Ki le pule o le kau sua. Pesalemo a Tavite.

Pesalemo 51:17

Aliki, fakamavaa oku laugutu, Ti e fakasa loa e loku gutu lou fakavikiviki.

Pesalemo 84:12

Talie ko le Eteleno Atua ko se laa ti ko se paletau : E soli e le Eteleno le kalasia mo le kololia, E leaise fakafiti e ia se nea malie kia latou ala e saele i le maoki.

Taagapati 16:19

E malie ake le fakataulalo mo latou e agamalu, I le vaevae o se koloa lasi mo le kau fia nealasi.

Taagapati 29:23

Ko le fia nealasi o se tagata e tuku ia a ia ki lalo, Kae ko leia e loto fakataulalo e maua ia le kololia.

Taagapati 8:32

I le aso nei, ei oku vosa, kotou fakalogo mai kiate au ! Ti e manuia latou ala e tausi ia oku ala !

Esaia 30:18

Koia e oli le Eteleno ke soli atu kia koutou lona kalasia, Ti e tuu loa a ia ki aluga o soli atu kia koutou lona manava alofa ; Talie ko le Eteleno ko se Atua faitotonu : Manuia latou fuli ala e amanaki malie kiate ia !

Esaia 57:15

Talie e folafola le Taualuga, Leia e lee gato lona nofoaga ti e maokioki lona suafa : E kau nofo i potu taualuga ti mo le maokioki ; Kae e kau nofo foki mo le tagata fakasemala mo agamalu, O tupu ke toe fakamauli a loto fakasemala, O tupu ke toe fakaofo a loto agamalu.

Esaia 61:1

E iate au le Laumalie o le Aliki, le Eteleno, Talie na fakanofo au e le Eteleno ke ave ia ni logo malilie kia latou e mativa ; Na kakau e ia au ke fakamauli latou e loto fatifati, Ke fakasa ki le kau popula le lauatea, Ki le kau pilisoni le saofaki ;

Esaia 66:2

Ko nea fuli ana, ko loku lima leia na fai ia latou, Ti ko nea fuli a aku, e pati le Eteleno. Kae ko leinei leia e tio loa ki ai oku mata : Ki leia e mamae ti mo leia e loto fakasemala maoki, Ki leia e i ki laku folafola.

Mikea 6:8

Na fakasa kiate koe, ei tagata, le nea leia e malie ; Ti ko le nea leia e kole atu e le Eteleno kiate koe, Ke ke fai le nea leia e totonu, Ke ke alofa ki le manava alofa, Ti ke ke saele mo lou Atua i le agamalu.

Mateo 11:25

I le temi lena, na masau loa Sesu, o pati : E kau fakafetai kiate koe, Tamana, Aliki o le lagi mo le kele, i lau fufu a nea anei ki le kau poto mo le kau atamai, kae na ke fakasa latou ki toe liliki.

Mateo 11:6

Manuia leia e leaise siga loa o tupu ko au !

Mateo 13:16

Kae manuia okoutou mata, talie e lotou tio, ti mo okoutou taliga, talie e lotou logo !

Mateo 19:14

Ti na pati loa Sesu : Tuku a toe liliki, aua na kotou taofi latou ke au kiate au ; talie e fakalogo le puleaga o le atu lagi kia latou ala e faipe ni toe liliki.

Mateo 24:46

Manuia le tagata fakasausau lena, mo ka kaku mai lona pule, o maua a ia e fai fenaaki !

Mateo 25:34

Ti e pati loa le sau kia latou ala e tutuu loa i lona fetuu atamai : Kotou au, koutou ala na tapuaki e loku Tamana ; kotou maua le puleaga leia na teuteui atu kia koutou talu mei le kamataaga o le malama nei.

Mateo 3:2

Na pati a ia : Kotou fakasemala, talie kua ofi mai le Puleaga o le atu lagi.

Mateo 8:11

Ti e kau fakasa atu kia koutou, e au loa se toka api mei le sopoaga o le laa mo le viloaga o le laa, ti e lotou eke loa i le laupapa mo Apalaamo, mo Isaake, ti mo Sakopo i le Puleaga o Selo.

Maleko 10:14

I le tio a Sesu ki le nea lena, na mamae ai, ti na pati loa a ia kia latou : Kotou tuku ke au kiate au a toe liliki, kae aua na kotou taofi latou ; talie e fakalogo le puleaga o le Atua kia latou ala e tatau mo toe liliki.

Luka 11:28

Kae na tali loa Sesu : Manuia ake latou ala e logo ki le folafola a le Atua, ti e lotou taupau a ia !

Luka 18:14

E kau fakasa atu kia koutou, na ifo le popelikano ki lona fale kua faitotonu a ia, kae leai le faliseo. Talie ko leia e malaga ki aluga e tuku loa a ia ki lalo, ti ko leia e fakataulalo e siki loa a ia ki aluga.

Luka 22:29

koia e kau tuku ai le puleaga kia koutou, ofaipe lona tuku mai e loku Tamana kiate au.

Luka 22:30

E kotou kai loa mo inu loa i loku laupapa i loku puleaga, ti e kotou ekeeke loa i ni ekeekeaga fakasau, o fakamaaui a faasiga e kau agafulu tupu lua o Iselaele.

Luka 4:18

E iate au le Laumalie o le Aliki, Talie kua fakanofo e ia au ke fakasa ia le logo malie ki le kau mativa ; Na kakau mai e ia au ke fakamauli latou ala kua loto fatifatii,

Soane 20:29

Talie kua ke tio kiate au, kua ke tui ai. Manuia latou ala na leaise tio, ti na tui !

Tetelonome 8:2

Ke ke manatui le ala katoa leia na taki ai a koe e le Eteleno, lou Atua, i fetuu ana e kau fa i le toafa, ke fakamamae ai a koe, ti ke asiasii ai a koe, ti ke iloa ai a anoaga o lou loto, pe ke tausi loa pe leai ana folafola.

Sakopo 1:10

Kae ke fiafia le taina mou koloa i lona tuku ki lalo ; talie e molei loa a ia ofaipe le se o le vao.

Sakopo 1:12

Manuia le tagata leia e kataki fualoa i le asiasii ; talie, ka oki loa lona asiasii, e tali loa e ia le pala o le mauli, leia na fakapapau e le Aliki kia latou ala e alofa kiate ia.

Sakopo 2:5

Kotou fakalogo mai, ei oku fetaina alofaina : Pe na leaise filifili e le Atua le kau mativa o le malama nei, ke lotou mou koloa i le tui, ti ke lotou maua tofiga le Puleaga leia na fakapapau e ia kia latou ala e alofa kiate ia ?

Apokalipisi 19:9

Ti na pati mai loa le aselo kiate au : Tosi : Manuia latou ala kua kalagai ki le kaitasi o le avaga o le Akeno ! Ti na toe pati mai loa a ia kiate au : Ko folafola anei ko folafola maoki latou a le Atua.

Apokalipisi 22:14

Manuia latou ala e fo ia olatou kofu, o tupu ke lotou kau ki le laakau o le mauli, ti ke lotou ulu i matapa o le kolo !

Apokalipisi 3:17

Talie e ke pati : E kau mou koloa, kua kau fakatupu o lasi oku koloa, ti e leaise aoga mai kiate au se nea, kae e leaise ke iloa e ke malaia, mo fakaaloalofa, mo mativa, mo kivi, ti mo telefua,