Mateo 5:22 - Tosi Tapu

²² Kae ko au, e kau pati atu kia koutou ko leia e ita ki lona taina, e tonu ke ave a ia ki le fakamaau ; ko leia e pati loa ki lona taina : Valeuka ! E tonu ke fakatua e le fono lasi : Ti ko leia e pati loa ki lona taina : Uluvale ! E tonu ke fakatua ki le afi o Ifeli.

Mateo 5:22 Iomraidhean Croise

Senesi 37:4

Na tio loa ona fetaina na alofa lasi ake lolatou tamana kia Sosefo ia latou fuli, ti na lotou vesia loa kiate ia. Na leaise feala ke lotou masau malie kiate ia.

Senesi 37:8

Na pati loa ona fetaina kiate ia : Pe maoki e ke pule loa kia matou ? Pe ke lagiaki loa kia matou ? Ti na lotou toe asilisili vesia loa kiate ia o tupu ko ana moe miti mo ana masau.

Lua tosi a Samuele 16:7

Na masau feneeki Simei i lana fakamalaia Tavite : Ano, ano, tagata o le toto, tagata agaveli !

Lua tosi a Samuele 6:20

Na toe liliu loa Tavite mei ai ke tapuaki ki lona fale, ti na ulu ake loa ki fafo a Mikale, taine o Saulo, o fakafelavei kiate ia. Ti na pati loa a ia : Na gali ai mo le sau o Iselaele, i le aso nei, ke fakatelefua felaaki ki mata o fafine fakasausau o ana tagata fakasausau, ofaipe se fakatelefua a se tagata noa !

Uluaki tosi o Sau 21:4

Na ulu loa Akapo ki lona fale kua mafaia mo mamae, o tupu ko le masau leinei na fai kiate ia e Napote mei Siseleele : E leaise kau soli loa kiate koe le tofiga o oku tamana ! Ti na moe loa Akapo i lona palepale, o agaaga ki le paa, ti na leaise kai loa a ia.

Lua tosi o Koloniko 16:10

Na ita veli loa Asa ki le polofeta, ti na tuku loa e ia a ia ki le pilisoni, o tupu ko lona vesia ki folafola ana. Ti na fakavelivelii loa e Asa i le temi lena ni iki o le kakai.

Lua tosi o Koloniko 19:5

Na fakanofo loa e ia ni tui fakamaau i kolo tau fuli o Suta, i kolo taki tasi.

Neemia 5:8

ti na kau pati loa kia latou : Na tou totogi o mulimuli ki le nea leia na tou mafai otou fetaina, le kau Sutea, ala na popula ki atu puleaga, ti e kotou toe fakatau loa, e koutou totonu, okoutou fetaina, ti e kotou fakatau latou kia tatou ! Na lotou fakalologo loa, talie na leaise lotou maua loa se tali.

Pesalemo 109:3

E lotou takatakai au ki ni masau o le vesia, Ti e lotou tau mai kiate au, kae sona tupuaga.

Pesalemo 14:1

Ki le pule o le kau sua. Pesalemo a Tavite. E pati le vale i lona loto : E leaise Atua ! Kua lotou veli, kua lotou fai ni gaoi fakalialia. E leaise fa toka tasi fua e fai ia le malie.

Pesalemo 25:3

Ko latou fuli ala e amanaki malie kiate koe e leaise luma loa. Io, e luma loa latou ala e leaise agatonu, kae e leai sona tupuaga.

Pesalemo 35:19

Aua na ke tuku ke fiafia kiate au latou ala kua liliu ko oku fili kae e leai sona tupuaga : Ke aua na tio fakaveli mai kiate au latou ala e vesia fakafuanoa mai kiate au.

Pesalemo 37:8

Ke ke tuku le ita, ke ke tiaki le itaita veli ; Ke aua na ke ita, talie e ke fai loa le nea leia e veli.

Pesalemo 49:10

E leaise lotou mauli loa o lee gato, E leaise lotou sala loa mo le tio ki le popoko.

Pesalemo 69:4

Kua kau pakia i le kalaga, kua malo loku fatakia, Kua fufula oku mata, i le talitali ki loku Atua.

Pesalemo 7:4

Eteleno, loku Atua ! kapau na kau fai le nea lena, Kapau e maua se agaveli i oku lima,

Pesalemo 92:6

E lalasi ai au gaoi, ei Eteleno ! E loloto ai au manatu !

Taagapati 14:16

E i le tagata poto ki le veli, o fakamamao mei ai, Kae e masau matasoka le vale talie e fanaki a ia kiate ia.

Taagapati 18:6

E kau laugutu o le tagata valea ki felega, Ti e fakatupu e lona gutu ni ta.

Selemia 17:11

Ofaipe se miti leia e ofaki ia ni fua ala na leaise fakato e ia, E fenaaki leia e tanaki ia ni koloa lee faitotonu ; I le loto malie o ona aso e tonu ke tuku e ia latou, Ti i le fakaoki e fai a ia pe se vale.

Tagi laulau a Selemia 3:52

Na lotou kapu au ofaipe se manu lele, Latou ala kua liliu ko oku fili, kae e leai sona tupuaga.

Taniela 3:13

Koia na itaita veli ai loa Nepukatenesale, ti na fakatotonu loa e ia ke aumai Satalake, mo Mesake, mo Apeteneko. Ti na aumai loa a tagata ana ki mua o le sau.

Taniela 3:19

I le nea lena na toe veli ake loa le itaita o Nepukatenesale, ti na tio faikese loa ona mata kia Satalake, mo Mesake, mo Apeteneko. Na toe masau loa a ia o fakatotonu ke fakavevela le gutuumu o tua fitu ake lona makeke i le fai masani.

Apetiasi 1:10

O tupu ko lau agamakeke ki lou taina ko Sakopo, E ke apele loa i le luma, Ti e motusi loa a koe o lee gato.

Apetiasi 1:12

Na leaise tonu ke ke tio fakafiafia ki le aso o lou taina, le aso o lona malaia ; Na leaise tonu ke ke fakafiafia ki fanau a Suta i le aso o lolatou maumaui, Ti na leaise tonu ke ke lauveli kia latou i lou gutu i le aso o lolatou mamae.

Mateo 10:17

Kotou tokaga ki tagata ; talie e lotou ave loa koutou ki telepinale, ti e lotou sasa loa koutou ki ni laakau i olatou sinakoka ;

Mateo 10:28

Aua na kotou i kia latou ala e tamate ia le tino kae e leaise mafai ke lotou tamate ia le laumalie ; kotou i tafito ki leia e tamate ia le laumalie ti mo le tino i Ifeli.

Mateo 12:24

I lalatou logo ki le nea lena, na pati loa le kau Faliseo : E kapu e le tagata lena le kau temonio i le makeke o Pelesepu, le pule o le kau temonio.

Mateo 17:5

I le lolotoga o lana masau, na uufi loa latou e se ao gigila. Ti ko leinei, na fakasa loa e se leo mei le ao a folafola anei : Ko ia leinei ko loku Alo alofaina, leia kua kau tuku ki ai loku alofa : Kotou fakalogo kiate ia !

Mateo 18:21

Ti na fakafeofi ake loa Petelo kiate ia, o pati : Aliki e tua fia loa laku fakamolemole ki loku taina, mo ka agasala mai a ia kiate au ? Pe kaku loa ki le tua fitu ?

Mateo 18:35

Ti e fai fenaaki loa kia koutou e loku Tamana leia e nofo i le atu lagi, mo kapau e leaise kotou tasi fakamolemole ki lona taina i le loto katoa.

Mateo 23:15

Malaia kia koutou, kau sekelipa mo kau faliseo malualoi ! Talie e kotou makape saele i le tai mo le kele o afa se tasi ke tafoki atu kia koutou ; ti ka tafoki loa se tasi, e kotou fakaliliu loa a ia ko se vosa o Ifeli o tua lua ake lona veli ia koutou.

Mateo 23:33

Kau gata, lanu o gata velo, e feaki loa lakotou sao mei le tua o Ifeli ?

Mateo 25:41

Ti oki, ti e pati loa a ia kia latou ala e tutuu loa i lona fetuu sema : Kotou fakamamao atu iate au, kau malaia ; kotou ano ki le afi lee gato leia na teuteui ki le Tiapolo mo ana aselo.

Mateo 26:59

Na afa loa e le kau pule faisakilifisio mo le fono lasi katoa ni fakamaoki loi kia Sesu, ke tamate ai.

Mateo 3:17

Ti ko leinei, na kalaga loa se leo mei le lagi, o fakasa a masau anei : Ko ia leinei ko loku Alo alofaina, leia kua kau tuku ki ai loku alofa katoa.

Mateo 5:34

Kae ko au, e kau pati atu kia koutou ke aua na kotou fai se fakapapau fua e tasi : pe i le lagi, talie ko le ekeekeaga a ia o le Atua ;

Mateo 5:44

Kae ko au, e kau pati atu kia koutou : Kotou alofa ki okoutou fili, kotou tapuaki kia latou ala e tutuku ia koutou, kotou fai le nea leia e malie kia latou ala e vesia mai kia koutou, ti kotou ulufaki latou ala e fai nea veli mai kia koutou ti mo fakaveliveli mai kia koutou,

Maleko 14:55

Na afa loa e le kau pule faisakilifisio mo le fono lasi katoa se fakamaoki kia Sesu, ke tamate ai a ia, ti na leaise lotou maua fua se nea ;

Maleko 15:1

I le usu ake fai, na fono loa le kau pule faisakilifisio, mo le kau matua fau, mo le kau sekelipa, ti mo le fono lasi katoa ki se tonu kia Sesu. Ti na lotou fakatotonu loa ke sai a ia, o ave kia Pilato.

Luka 12:5

E kau fakasa atu loa kia koutou leia e tonu ke kotou i ki ai. Kotou i ki leia, mo ka oki lana tamate, e maua ia le pule ke ti ki le afi lee gato ; io, e kau pati atu kia koutou, ko ia lena e tonu ke kotou i ki ai.

Luka 22:66

I le ao ake loa, na fakatasi loa le kau fakamatuatua o le kakai, mo le kau pule faisakilifisio, ti mo le kau sekelipa, ti na lotou fakatotonu loa ke ave Sesu ki le fono lasi.

Soane 11:47

Na tanaki loa e le kau pule faisakilifisio mo le kau faliseo le fono lasi, o pati : Kolea ka tou fai loa ? Talie e fai e le tagata lena ni milakulo.

Soane 15:25

Kae na soko le nea lena o tupu ke fakamaoki ai le folafola leia kua tuu i lalatou lao : Na lotou vesia noa kiate au.

Soane 7:20

Na tali loa le kakai : E nofo iate koe se temonio. Ko ai leia e afa ke tamate ia a koe ?

Soane 8:48

Na tali loa le kau Sutea kiate ia : Pe leaise motou maoki koia i lamatou pati ko se Samalia a koe, ti e nofo se temonio iate koe ?

Gaoi 17:18

Ti na kamata masau loa a ia mo ni tagata filosofia o le kau Epikulio mo le kau Sitoikoto. Ti na pati a iki : Kolea e fia masau ki ai le tagata gutu masau lena ? Ti ko iki, i le logo ki lana fakasa ia Sesu mo le toe tuuake, na pati loa : E sakinake e fakasa e ia ni taulaatua foou.

Gaoi 22:30

I leia ake a aso, i lona loto ke iloa totonu le tupuaga o le tukugavelii o Paulo e le kau Sutea, na fakatotonu loa e le pule lasi ke tatala ona sai, ti ke fakatasi le kau pule faisakilifisio mo le fono lasi katoa ; ti na fakaifo mai loa e ia Paulo, o fakatuu i lotomalie o latou.

Gaoi 23:1

I le tio fakamaumau a Paulo ki le kau fono, na pati loa a ia : Tagata fetaina, e iloa e loku loto na kau saele mea i mua o le Atua o kaku mai ki le aso nei…

Gaoi 24:20

Ti ko latou anei, ke lotou fakasa pe kolea le nea veli leia na lotou maua iate au, i le temi leia na kau tuu ai i mua o le fono lasi,

Gaoi 4:15

Ti na lotou fakatotonu loa kia latou ke lotou mavae ki fafo mei le fono lasi, kae lotou fonofono mua ia latou tefua, o pati : Kolea loa le nea leia e tonu ke tou fai ki tagata ana ?

Gaoi 5:21

I lalatou logo ki le nea lena, na lotou ulu loa ki le fale tapu i le pogipogi usu, o akonaki i ai. I le temi lena, na kaku ake loa le pule faisakilifisio mo latou ala na kau mo ia, o tanaki le fono lasi mo le kau fakamatuatua fuli o vosa o Iselaele, ti na lotou kakau loa ni iki ke aumai le kau apositolo mei le fale pilisoni.

Gaoi 5:27

I le oki o lalatou taki mai le kau apositolo ki mua o le fono lasi, na vesili loa le pule faisakilifisio kia latou, o pati :

Gaoi 6:12

Ti na lotou lagai loa le kakai, mo le kau fakamatuatua, mo le kau Sekelipa, ke lotou feoso o too fakamakeke a ia, o ave ki le fono lasi.

Gaoi 6:15

Ko latou fuli ala na nonofo i le fono lasi, na lotou tio fakamaumau loa kia Setefano, o lotou tio loa ki ona mata kua faipe ni mata o se aselo.

Gaoi 7:37

Ko le Moisese lena, leia na pati loa ki vosa o Iselaele : E fakatuu ake loa kia koutou e le Atua i okoutou fetaina se polofeta ofaipe au.

Loma 12:10

Ke kotou fealofani i se alofa fakatautaina ; ke kotou tokaga ki le fakaapaapa i okoutou vasaa.

Uluaki tosi ki le kau Kolinto 6:10

mo le kau tagata fia fafine, mo le kau tagata fai tagata, mo le kau kaia, mo le kau manumanu koloa, mo le kau faakona, mo le kau lauveli, mo le kau kaia tagata, e leaise lotou ulu loa ki le puleaga o le Atua.

Uluaki tosi ki le kau Kolinto 6:6

Kae kapau e tagi se taina ki se taina, ti e fai a ia i mua o latou ala e leaise tui ?

Tetelonome 15:11

E maua tuumau loa ni mativa i lou fenua ; koia leia e kau tuku atu ai kiate koe le lao leinei : e ke fakamavaa lasi loa lou lima ki lou taina, mo le fakaaloalofa, mo le mativa i lou fenua.

Tetelonome 16:18

I kolo fuli ala e soli atu loa kiate koe e le Eteleno, lou Atua, e ke fakanofo loa ni tui fakamaau mo ni ofisa ke fakamaau ia le kakai i le faitotonu.

Uluaki tosi ki le kau Tesalonika 4:6

ke aua na fakatotolo e se tasi le avaga o lona taina, talie e tautea e le Aliki a tagata fenaaki, ofaipe lamatou fakasa fakatomua mo fakamaoki a ia kia koutou.

Tito 3:2

ke aua na lotou lauveli ki se tasi, ke lotou fakatokatoka, mo fakapotopoto, mo apele i le agamalu ki tagata fuli.

Epelo 12:25

Kotou tokaga ke aua na kotou fakafiti ki leia e masau atu kia koutou ; talie kapau na leaise sao latou ala na fakafiti loa ke logo ki leia na fakasa ia ni folafola i le malama nei, e feaki ake loa ke tou sao mo kapau e tou titua ki leia e masau mei le lagi,

Epelo 5:9

i le oki o lona siki ki le malie tukupau, na liliu a ia kia latou fuli ala e fakalogo kiate ia ko le pule o se saofaki lee gato,

Sakopo 2:20

Ei tagata valea, pe ke fia iloa ko le tui sala gaoi e leai sona aoga ?

Sakopo 3:6

Ti ko le alelo foki ko se afi ; ko se malama a ia o le agasala. Kua fakatuu le alelo i lotolotoga otatou koga tino, o fakakelekele le tino katoa. E tutu e ia lotatou mauli katoa ki le afi leia e au kiate ia mei Ifeli totonu.

Uluaki tosi a Petelo 2:23

a ia leia na nukinukii, kae na leaise tali fua a ia ki se nukinuki, ti na fakavelivelii kae na leaise fai e ia se tali fakamakeke, kae na fakalogo fai a ia ki leia e fakamaaui i le faitotonu ;

Uluaki tosi a Petelo 3:9

Aua na kotou totogi le veli ki le veli, pe ko le lauveli ki le lauveli, kae ke kotou tapuaki, talie kua kalagai koutou ki ai, o tupu ke kotou mau tofiga le tapuakina.

Uluaki tosi a Soane 2:9

Ko leia e pati e nofo a ia i le malama, kae e vesia a ia ki lona taina, koi nofo a ia i le fakapouli.

Uluaki tosi a Soane 3:10

Ko leinei le nea leia e mailoga kesekese ai fanau a le Atua mo fanau a le Tiapolo : Ko leia e leaise mauli i le maokioki e leaise au a ia mei le Atua, tatau mo leia e leaise alofa ki lona taina.

Uluaki tosi a Soane 5:16

Kapau e tio se tasi ki le fai e lona taina se agasala leia e leaise ave ia ki le mate, ke faikole a ia, ti e soli loa e le Atua le mauli ki le taina lena ; e soli loa e ia le mauli kia latou ala e fai ia se agasala leia e leaise ave ia ki le mate. Kae e i ai se agasala leia e ave ia ki le mate, ti e leaise kau pati atu ke faikole ki le agasala lena.

Suta 1:9

Kae na leaise fai fua le nea lena e le alekaselo ko Mikaele. I lana fefele mo le Tiapolo ki le tino o Moisese, na leaise fai e ia se masau nukinuki ki le Tiapolo ; kae na pati a ia : ke lolomi a koe e le Atua !

Apokalipisi 20:14

Ti na ti loa le mate mo le nofoaga o le kau mate ki le tai afi. Ko le lua mate ko le tai afi.