Mateo 5:19 - Tosi Tapu

¹⁹ Ko leia e soloi ia loa se fakatotonu e tasi o fakatotonu liliki oki ana, ti mo ako ia loa ki tagata ke fai fenaaki, e fakaigoa loa a ia ko le tagata ikiiki oki i le Puleaga o le atu lagi ; kae ko leia e fai ia loa latou, ti mo ako ia loa ke fai latou, ko ia lena e fakaigoa loa ko le tagata lasi i le Puleaga o le atu lagi.

Mateo 5:19 Iomraidhean Croise

Pesalemo 119:128

Koia e kau pati ai e totonu au fakatotonu fuli ; Ti e kau vesia ai ki ala fuli o le loi.

Pesalemo 119:6

Ti e leaise kau luma loa, I le tio ki au folafola fuli.

Taniela 12:3

Ko latou ala na popoto e gigila loa ofaipe le malama o le lagi, ti ko latou ala na ako ia le faitotonu ki le kakai e gigila loa ofaipe fetuu o le lagi, o lee gato.

Mateo 11:11

E kau pati maoki atu kia koutou, ia latou ala kua tupu mei fafine, na leikiaise sa se tasi leia e lasi ake ia Soane-Patita. Kae, ko leia e ikiiki oki i le Puleaga o le atu lagi e lasi ake iate ia.

Mateo 19:28

Na tali loa Sesu kia latou : E kau pati maoki atu kia koutou, i le aso leia e eke ai loa le Vosa o le tagata ki le ekeekeaga fakasau o lona kololia, i le fakafoou o nea fuli, ko kotou ala na muli mai iate au e kotou ekeeke loa i ni ekeekeaga fakasau e kau agafulu tupu lua, ti e kotou fakamaui loa a faasiga e kau agafulu tupu lua o Iselaele.

Mateo 20:26

E leaise fenaaki loa i lotolotoga o koutou. Kae ko leia e loto ke lasi ia koutou, ke liliu a ia ko lakoutou tagata fakasausau.

Mateo 28:20

ti kotou ako latou ke lotou fai a nea fuli ala na kau fakatotonu atu kia koutou. Ti ko leinei, e kau nofo mo koutou i aso fuli, o kaku ki le fakaoki o le malama nei.

Luka 1:15

Talie e lasi loa a ia i mua o le Aliki. E leaise inu loa e ia se vino, pe ko se kava makeke, ti e apele loa a ia i le Laumalie Maokioki mei le manava o lona tinana ;

Luka 11:42

Kae malaia kia koutou, kau faliseo ! Talie e kotou soli le vaega kau agafulu o le menete, mo le lue, mo faasiga magiti kesekese, kae e kotou fakanoai le faitotonu mo le alofa o le Atua : E tonu ke fai a nea anei, ti ke aua na fakanoai foki mo nea ana.

Luka 9:48

ti na pati loa a ia kia latou : Ko leia e tali ia i loku suafa le ga toe leinei e tali e ia a au totonu ; ti ko leia e tali ia a au e tali ia leia na kakau ia mai au. Talie ko leia e ikiiki ia koutou fuli, ko ia leia e lasi.

Gaoi 1:1

Ei Teofile, na kau masau, i laku uluaki tosi, ki nea fuli ala na kamata fai e Sesu mo akonaki ki ai talu mei le kamataaga

Loma 3:8

Ti kolea e leaise tou fai ai loa le veli o tupu ke soko ai se malie, ofaipe le pati a ni iki ala e lauveli mai kia matou ? E tonu le tautea o kakai ana.

Loma 6:1

Kolea loa latatou pati ? Pe tou nonofo loa i le agasala, o tupu ke lasi ai le kalasia ?

Loma 6:15

E a koia ! Pe tou agasala loa talie e leaise tou nonofo i le lao, kae i le kalasia ? Leai ai !

Tetelonome 12:32

Ke kotou tausi ti mo fai a nea fuli ala e kau fakatotonu atu kia koutou. Ke aua na kotou fakalasi se nea ki ai, ti ke aua na kotou fakaikiiki se nea i ai.

Tetelonome 27:26

Ke malaia le tagata leia e leaise fakalogo loa ki folafola o le lao leinei, ti e leaise fai ia loa latou ! Ti e pati loa le kakai katoa : Amene !

Uluaki tosi kia Timoteo 6:11

Kiate koe, tagata a le Atua, sola mei nea ana, ti ke ke afa le faitotonu, mo le aga fakaatua, mo le tui, mo le alofa, mo le kataki fualoa, ti mo le agamalu.

Tito 3:8

E maoki le folafola lena, ti e kau loto ke ke fakasa fakamakeke tuumau a nea ana, o tupu ke tokaga latou ala kua tui ki le Atua o fai ni gaoi malilie. Ko lena le nea leia e malie mo aoga ki tagata.

Uluaki tosi a Petelo 5:4

Ti ka sa mai loa le Tagata tausi ovi lasi, e kotou maua loa le pala lee popo o le kololia.

Uluaki tosi a Soane 3:4

Ko leia e mauli i le agasala, e maumaui e ia le lao, ti ko le agasala ko le maumaui a ia o le lao.

Apokalipisi 2:20

Kae ko le nea leia e kau fakafesagai ai kiate koe, ko lau tuku le fafine ko Sesapele, leia e pati ko le fafine polofeta, ke akonaki mo fakasese ia aku tagata fakasausau, o tupu ke lotou fai feauaki ti ke lotou kai ni inati ala kua momoli ki taulaatua.

Uluaki tosi a Samuele 2:30

Koia ko leinei le nea leia e fakasa e le Eteleno, le Atua o Iselaele : Na kau fakasa e saele loa lou fale mo le fale o lou tamana i oku mua o lee gato. Kae i le aso nei, e pati le Eteleno : Ke mamao le nea lena iate au ! talie e kau siki loa ki aluga leia e fakaapaapa loa kiate au, kae e kau tuku loa ki lalo leia e nukinuki loa kiate au.