Mateo 5:15 - Tosi Tapu

¹⁵ ti e leaise tutu se malama ke fakapulou ki se fa kisi, kae e teki a ia ki aluga o le tekiaga malama, ti e fakamalamai loa e ia latou fuli ala e nonofo i le loto fale.

Mateo 5:15 Iomraidhean Croise

Ekesote 25:37

E ke fai loa ona malama e fitu, o fakatuu i aluga, ke malama ki mua.

Sakalia 4:2

Na pati mai loa a ia kiate au : Kolea le nea leia e ke tio ki ai ? Na kau tali loa : E kau tio, ti ko leinei, e i ai se tuuaga malama leia na aulo saosaoa katoa, mo se nea tanaki lolo i aluga. Na maga fitu le tuuaga malama, mo ni tafeaga lolo e fitu ki malama e fitu ala i le tumutumu o le tuuaga malama ;

Numelo 8:2

Masau kia Alone, ti ke pati loa kiate ia : ka ke fakatuutuu ia loa a fa malama, tokaga ke mu a fa malama e fitu ki mua o le tuuaga malama,

Maleko 4:21

Na toe pati loa a ia kia latou : Pe aumai le malama ke tuku i lalo o le fa kisi, pe i lalo o le palepale ? Pe se teki loa a ia ki aluga o le tekiaga malama ?

Luka 11:33

E leaise tutu e se tasi se malama ke tuku ki se ganea fakapulipuli pe ke fakapulou ki se kisi, kae e teki a ia ki le tekiaga malama, o tupu ke tio latou ala e ulu ki le malama.

Luka 11:36

Koia kapau e fakamalamai lou tino katoa, o leaise tuku se koga i le fakapouli, ti e malama loa lou tino katoa, ofaipe ka fakamalamai a koe e le malama ki lona malama gigila.

Luka 8:16

E leaise tutu e se tasi se malama ke fakapulou ki se kisi, pe ke velo i lalo o se palepale ; kae e teki e ia a ia ki aluga o le tekiaga malama, o tupu ke tio ki ai latou ala e ulu mai ki loto fale.

Filipe 2:15

o tupu ke kotou lee mele mo mea, ofaipe ni fanau a le Atua lee valoki i loto malie o se tautupu fakalialia mo agaveli, leia e kotou mu ai ofaipe ni malama i le malama nei,

Epelo 9:2

Talie na fakatuu loa se tapenakulo. I le uluaki falela, leia na igoa ko le potu tapu, na tuu ai le tekiaga malama, mo le laupapa ti mo pane fakatapu.

Apokalipisi 2:5

Koia ke ke manatui loa le ganea leia kua ke vilo mei ai, ti ke ke fakasemala, o fai au uluaki gaoi ; ka leai, ti e kau au loa kiate koe, ti e kau too loa lou tekiaga malama mei lona tekiaga, io, mo kapau e leaise ke fakasemala.