Mateo 5:10 - Tosi Tapu

¹⁰ Manuia latou ala e fakavelivelii o tupu ko le faitotonu, talie e fakalogo loa kia latou le Puleaga o le atu lagi !

Mateo 5:10 Iomraidhean Croise

Pesalemo 37:12

E fai e le tagata agaveli ni fakatuutuu veli ki le tagata agatonu, Ti e gugu e ia ona nifo kiate ia.

Esaia 66:5

Kotou fakalogo ki le folafola a le Eteleno, Koutou ala e i ki lana folafola. Ko leinei le nea e pati ki ai okoutou fetaina, Ala e vesia kia koutou ti e fakalialia kia koutou O tupu ko loku suafa : Ke fakasa e le Eteleno lona kololia, Ti ke motou tio ki lokoutou fiafia ! Kae e lotou luma loa.

Mateo 10:23

Ka fakavelivelii loa koutou i se kolo, kotou sosola ki se tasi ake a kolo. E kau pati maoki atu kia koutou, e leikiaise oki lakotou folii a kolo o Iselaele, kae kua au le Vosa o le tagata.

Mateo 19:14

Ti na pati loa Sesu : Tuku a toe liliki, aua na kotou taofi latou ke au kiate au ; talie e fakalogo le puleaga o le atu lagi kia latou ala e faipe ni toe liliki.

Mateo 25:34

Ti e pati loa le sau kia latou ala e tutuu loa i lona fetuu atamai : Kotou au, koutou ala na tapuaki e loku Tamana ; kotou maua le puleaga leia na teuteui atu kia koutou talu mei le kamataaga o le malama nei.

Mateo 5:3

Manuia latou ala e mativa i le loto, talie e fakalogo kia latou le Puleaga o le atu lagi.

Maleko 10:14

I le tio a Sesu ki le nea lena, na mamae ai, ti na pati loa a ia kia latou : Kotou tuku ke au kiate au a toe liliki, kae aua na kotou taofi latou ; talie e fakalogo le puleaga o le Atua kia latou ala e tatau mo toe liliki.

Maleko 10:30

e leaise tali ia o liuga kau lelau i le sekulo leinei, ni fale, mo ni taina, mo ni tuagaane, mo ni tinana, mo ni fanau, mo ni kele, ti mo ni fakaveliveli, ti mo le mauli lee gato i le temi ka au.

Luka 21:12

Kae, i mua o nea fuli ana, e too loa koutou, ti e fakavelivelii loa koutou ; e ave loa koutou ki ni sinakoka, e laku loa koutou ki ni pilisoni, e ave loa koutou ki mua o ni sau mo ni kovana o tupu ko loku suafa.

Luka 22:29

koia e kau tuku ai le puleaga kia koutou, ofaipe lona tuku mai e loku Tamana kiate au.

Luka 6:20

Ti na tagaki loa Sesu ki ana tisipulo, o pati : Manuia koutou ala e mativa, talie a koutou le Puleaga o le Atua !

Luka 6:22

Manuia loa koutou mo ka e vesia loa a tagata kia koutou, mo ka e kapu loa koutou, mo ka e lauveli loa kia koutou, ti mo tiaki loa okoutou igoa, o tupu ko le Vosa o le tagata !

Soane 15:20

Kotou manatui le folafola leia na kau fakasa atu kia koutou : E leaise lasi ake le tagata fakasausau i lona pule. Kapau na lotou fakavelivelii au, ti e lotou toe fakavelivelii foki mo koutou ; kapau na lotou fai laku folafola, ti e lotou toe fai foki lakoutou folafola.

Gaoi 5:40

Ti na lotou loto tasi loa mo ia. Ti na lotou kalagai loa le kau apositolo, o fakatotonu ke sasa latou ki ni laakau, ti na lotou tapui loa kia latou le masau i le suafa o Sesu, ti na lotou tuku ake loa latou.

Gaoi 8:1

Na loto malie Saulo ki le tamate o Setefano. Na i ai loa, i le aso lena, se fakaveliveli lasi ki le Ekelesia o Selusalemi ; ti na mavetevete loa le kakai katoa i le fenua o Sutea mo Samalia, kae nofo fai le kau apositolo.

Lua tosi ki le kau Kolinto 4:17

Talie ko oma mamae maamaa i le temi leinei, ala e oki vave, e fakatupu ia kia maua, o lasi ake i fuafua fuli,

Filipe 1:28

ti ke aua na kotou i ki nea ala e au mei okoutou fili, talie ko se fakamaoki a ia o le malaia kia latou, kae o le mauli kia koutou ;

Lua tosi kia Timoteo 2:12

kapau e tou kataki fualoa, e tou sau loa mo ia ; kapau e tou fakafiti kiate ia, e fakafiti loa a ia kia tatou ;

Lua tosi kia Timoteo 3:11

mo oku fakavelivelii, ti mo oku mamae. Kua ke iloa a nea fuli ala na soko kiate au i Atiokia, mo Ikonia, mo Lisite, ti mo fakaveliveli ala na kau tali ia. Kae na saofaki au e le Aliki i nea fuli ana.

Sakopo 1:12

Manuia le tagata leia e kataki fualoa i le asiasii ; talie, ka oki loa lona asiasii, e tali loa e ia le pala o le mauli, leia na fakapapau e le Aliki kia latou ala e alofa kiate ia.

Sakopo 5:11

Ko leinei, e motou fakasa kua manuia latou ala na kataki fualoa i le mamae. Kua kotou logo ki le kataki fualoa o Sopo, ti kua kotou tio ki le fakaoki leia na tuku e le Aliki kiate ia, talie e apele le Aliki i le manavaalofa ti mo le aloalofa.

Uluaki tosi a Soane 3:12

kae aua na tou faipe Kaino, leia na au mei leia e kaka, ti na tukipooi ia lona taina. Ti kolea na tukipooi ai e ia lona taina ? Talie na veli ana gaoi, kae na maokioki a gaoi o lona taina.

Apokalipisi 2:10

Aua na ke i ki le nea leia e ke mamae ai loa. Ko leinei, e ti loa e le Tiapolo ni iki o koutou ki le pilisoni, o tupu ke asiasii ai koutou, ti e kotou maua loa se mamae i aso e kau agafulu. Ke ke agatonu o kaku ki le mate, ti e kau soli loa kiate koe le pala o le mauli.