Mateo 4:8 - Tosi Tapu

⁸ Na toe ave loa a ia e le Tiapolo ki se mauga taualuga ai, ti na fakasa loa e le Tiapolo kiate ia a puleaga fuli o le malama nei mo olatou kololia,

Mateo 4:8 Iomraidhean Croise

Esitele 1:4

Na fakasa loa e ia i ni aso mauke ai le lasi o koloa o lona puleaga ti mo le fulumalie o lona kololia, i aso e kau lelau kau valu.

Esitele 5:11

Na masau loa Amane kia latou ki le lasi mo le fulumalie o ona koloa, mo le lasi o ona vosa, mo nea fuli ala na fai e le sau ke fakaalialiki ai a ia, mo le tuulaga leia na soli ake e le sau kiate ia i aluga o le kau pule mo le kau tagata fakasausau a le sau.

Taniela 4:30

ti na masau loa le sau, o pati : Pe leaise ko Papilone leinei, le kolo lasi leia na kau laga ko se nofoaga fakasau, ke fakasa ai le lasi o loku makeke, mo le kololia o laku pule.

Numelo 23:3

Na pati loa Palaame kia Palake : Tuu ke ofi ki lau failaulau, ti e kau fakamamao loa : Na saga e au loa le Eteleno o fakafelavei mai kiate au, ti e kau fakasa atu loa kiate koe le folafola leia e tuku mai loa e ia kiate au. Ti na ano loa a ia ki se ganea taualuga.

Mateo 16:26

Ti kolea lona aoga ki se tagata ke maua e ia le malama nei katoa, kae e puli noa lona laumalie ? pe kolea e soli loa e se tagata ke totogi ai lona laumalie ?

Mateo 4:5

Na ave loa a ia e le Tiapolo ki le kolo tapu, o fakanofo i aluga o le fale tapu,

Soane 5:20

Talie e alofa le Tamana ki le Alo, o fakasa e ia kiate ia a nea fuli ala e fai e ia ; ti e fakasa loa e ia kiate ia ni gaoi lalasi ake i gaoi anei, o tupu ke kotou ofolele ai.

Uluaki tosi a Petelo 1:24

Talie E fai kanofi fuli pe le mutie, Ti ko lona kololia katoa pe le se o le mutie. Egae le mutie, ti e vilo le se ;

Apokalipisi 11:15

Ti na pupusi loa e le fitu o aselo lana fakatagi pupusi. Ti na i ai loa ni leo makeke i le lagi ala na pati : Ko le puleaga o le malama nei kua tuku ki lotatou Aliki ti mo lona Kilisito ; ti e sau loa a ia i sekulo mo sekulo.