Mateo 4:5 - Tosi Tapu

⁵ Na ave loa a ia e le Tiapolo ki le kolo tapu, o fakanofo i aluga o le fale tapu,

Mateo 4:5 Iomraidhean Croise

Lua tosi o Koloniko 3:4

Na kau lua lona uluaga i mua, o tatau mo le laulasi o le fale, ti na meta e kau ono lona taualuga ; na aofi a ia e Salomone i loto ki le aulo.

Neemia 11:1

Ti na nofo loa le kau pule o le kakai i Selusalemi. Ti na fai loa le toso e le toega o le kakai ke au se tagata e tasi i le tino agafulu o nofo i Selusalemi, le kolo maokioki, kae nonofo a la ake i olatou kolo.

Neemia 11:18

Ko le lasi o le kau Levi i le kolo tapu, ko tino lelau lua tino valu tupu fa.

Esaia 48:2

Talie e lotou igoa ki le kolo maokioki, Ti e lotou fanaki ki le Atua o Iselaele, Leia ko lona igoa ko le Atua o kau tau.

Esaia 52:1

Ke ke alaala ! Ke ke alaala ! Ke tui lou kofu fulumalie, Sione ! Ke ke tui ou kofu fakateuteu, Selusalemi, kolo maokioki ! Talie e leaise toe ulu loa i lou fale se tagata lee silikosisio pe ko se tagata kelekele.

Taniela 9:16

Aliki, o tupu ko lou manava alofa lasi, ke ke fakamaliu kese lou mafaia mo lou sausau mei lou kolo ko Selusalemi, mei lou mauga maokioki ; talie, o tupu ko amatou agasala mo agatuu o omatou tamana, kua luma Selusalemi mo lou kakai i mua o latou ala e takatakai ia matou.

Taniela 9:24

Kua fakatuutuu ni vasaa e kau fitu ki lou kakai ti mo le kolo maokioki, ke fakagato ai a agaveveli, mo fakaoki ai a agasala, mo fakamolemole ai le agatuu, mo aumai ai le faitotonu lee gato, mo fakasoko ai a nea ala na tio mo folafola ki ai le kau polofeta, ti mo toe fakatapui ai le fale tapu.

Mateo 27:53

Na lotou mavae loa mei tanuma, ti na lotou ulu loa ki le kolo tapu, i le oki o le toe tuuake o Sesu, ti na lotou sa loa ki ni kakai toka api.

Luka 4:9

Na toe ave loa a ia e le Tiapolo ki Selusalemi, o fakatuu i aluga o le fale tapu, ti na pati loa a ia kiate ia : Kapau ko le Alo a koe o le Atua, sopo a koe i leinei ki lalo, talie e tuu i le tosi :

Soane 19:11

Na tali loa Sesu : E leaise ke maua loa se pule kiate au, mo kanapau na leaise tuku atu a ia kiate koe mei aluga. Koia ko leia e tuku ia au kiate koe e fai ia se agasala lasi ake.

Apokalipisi 11:2

Kae ko le lotoa takatakai o le fale tapu, ke ke tuku kese a ia, aua na ke fuafua a ia ; talie kua tuku a ia ki kakai pagani, ti e lotou takatakafi loa le kolo tapu ki olatou vae i masina e kau fa tupu lua.