Mateo 4:3 - Tosi Tapu

³ Na fakafeofi ake loa le fakasala, o pati kiate ia : Kapau ko le Alo a koe o le Atua, fakatotonu ke liliu a fatu ana ko ni pane.

Mateo 4:3 Iomraidhean Croise

Ekesote 16:3

Na pati loa fanau a Iselaele kia laua : Kolea na leaise tamate ai matou e le lima o le Eteleno i le fenua o Esipito, i le temi leia na motou tonatona ai i tafa o kulo inati, i le temi leia na motou kai ai se pane o makona ? Kae na kolua taki mai matou ki le toafa leinei ke motou mamate fuli ai i le pakupaku.

Mateo 14:33

Ko latou ala na nonofo i le vaka na au loa o su kia Sesu, o pati : Ko le Alo maoki a koe o le Atua.

Mateo 16:16

Na tali loa Simone Petelo : Ko le Kilisito a koe, ko le Alo o le Atua mauli.

Mateo 26:63

Na fakalologo loa Sesu. Ti na masau loa le pule faisakilifisio, o pati kiate ia : E kau fakapapau atu i mua o le Atua mauli, fakasa mai kia matou pe ko Kilisito a koe, ko le Alo o le Atua.

Mateo 3:17

Ti ko leinei, na kalaga loa se leo mei le lagi, o fakasa a masau anei : Ko ia leinei ko loku Alo alofaina, leia kua kau tuku ki ai loku alofa katoa.

Maleko 1:1

Kamataaga o le Evaselio o Sesu-Kilisito, Alo o le Atua.

Maleko 3:11

I le tio a laumalie veli kia Sesu, na lotou tulolo i ona mua, o tagi : Ko le Alo a koe o le Atua !

Maleko 5:7

ti mo tagi leo lasi : Kolea au kiate koe, Sesu, Alo o le Atua taualuga ? E kau kole fakamakeke atu kiate koe i le suafa o le Atua, aua na ke fakamamae au.

Luka 1:35

Na tali loa le aselo kiate ia : E au loa le Laumalie Maokioki kiate koe, ti e fakamalumalu loa a koe e le mafimafi o le Taualuga. Koia e fakaigoa ai loa le fanau maokioki leia e tupu loa meiate koe ko le Alo o le Atua.

Luka 22:70

Na lotou pati fuli loa : Ko koe ai ko le Alo o le Atua ? Ti na tali loa a ia kia latou : Kua kotou pati ki ai, ko au totonu.

Luka 4:3

Na pati loa le Tiapolo kiate ia : Kapau ko le Alo a koe o le Atua, fakatotonu ki le fa fatu lena ke liliu a ia ko se pane.

Luka 4:41

Na mavae foki ni temonio mei ni kakai toka api, o taukalaga mo pati : Ko Alo a koe o le Atua. Kae na valoki latou e Sesu ti na leaise fakataga e ia ke lotou masau, talie na lotou iloa ko le Kilisito a ia.

Luka 4:9

Na toe ave loa a ia e le Tiapolo ki Selusalemi, o fakatuu i aluga o le fale tapu, ti na pati loa a ia kiate ia : Kapau ko le Alo a koe o le Atua, sopo a koe i leinei ki lalo, talie e tuu i le tosi :

Soane 1:34

Ti na kau tio, ti na kau fakamaoki ko le Alo a ia o le Atua.

Soane 1:49

Na tali loa Natanaele, o toe pati : Pule, ko koe ai ko le Alo o le Atua, ko le Sau o Iselaele.

Soane 20:31

Kae kua tosi a nea anei o tupu ke kotou tui ko Sesu ko le Kilisito, ko le Alo o le Atua, ti ke kotou maua le mauli i lona suafa ki lakoutou tui.

Soane 9:35

Na logo loa Sesu na lotou kapu a ia ; ti e i lana felavei mo ia, na pati loa a ia kiate ia : Pe ke tui ki le Vosa o le Atua ?

Gaoi 9:20

Ti na kamata aifai e ia le fakasa i sinakoka ko Sesu ko le Alo o le Atua.

Lua tosi ki le kau Kolinto 1:19

Talie ko le Alo o le Atua, Sesu-Kilisito, leia na motou akonaki kia koutou, e au, mo Silivano, ti mo Timoteo, na leaise io mo leai, kae na io fai a ia ;

Kalate 2:20

Kua tutuki au ki le koluse mo Kilisito, ti kapau e kau mauli, e leaise ko au leia e mauli, ko Kilisito leia e mauli iate au ; ti kapau e kau mauli i le temi nei i le kanofi, e kau mauli i le tui o le Alo o le Atua, leia na alofa kiate au, o soli e ia a ia o tupu ko au.

Uluaki tosi ki le kau Tesalonika 3:5

Koia, i loku le leaise koi mafai laku kataki, na kau kakau loa se tasi ke fakasa ia mai kiate au le anoaga o lakoutou tui, talie na kau i na fakasalai koutou e le fili kae ano noa lamatou gaoi.

Epelo 12:16

Ke kotou tokaga na i ai se tasi e fai feauaki, pe ko se tasi e lee fakaapaapa ki nea tapu ofaipe Esau, leia na fakatau ia lona tapuaki o le uluaki vosa ki se nea kai e tasi.

Epelo 4:14

Koia i le kua tou maua ai se pule fai sakilifisio leia kua ulu i le atu lagi, Sesu, le Alo o le Atua, ke tou tuu makeke i le tui leia e tou fakasa.

Epelo 7:3

E sala tamana a ia, mo sala tinana, ti mo sala sakoga, e leaise kamataaga o ona aso ti e leaise fakaokiaga o lona mauli, kae e fakatatau a ia ki le Alo o le Atua ; ti e nofo le Melekiseteke lena ko le tagata fai sakilifisio o lee gato.

Uluaki tosi a Soane 3:8

Ko leia e mauli i le agasala, e au a ia mei le Tiapolo, talie e agasala le Tiapolo talu mei le kamataaga. Na sa mai le Alo o le Atua, o tupu ke maumaui a gaoi a le Tiapolo.

Apokalipisi 2:10

Aua na ke i ki le nea leia e ke mamae ai loa. Ko leinei, e ti loa e le Tiapolo ni iki o koutou ki le pilisoni, o tupu ke asiasii ai koutou, ti e kotou maua loa se mamae i aso e kau agafulu. Ke ke agatonu o kaku ki le mate, ti e kau soli loa kiate koe le pala o le mauli.