Mateo 4:24 - Tosi Tapu

²⁴ Na mafola loa lona logologona i le fenua katoa o Silia, ti na aumai loa kiate ia latou fuli ala na mamae i ni masaki ti mo mamae kesekese, mo ni kakai ala na nofo ai ni temonio, mo ni kakai ala na masaki tete, mo ni kakai palalisia, ti na fakamauli loa e ia latou.

Mateo 4:24 Iomraidhean Croise

Lua tosi a Samuele 8:6

Na tuku loa e Tavite ni kau solia ke leo i Silia o Tamaso. Ti na popula loa le kau Silia kia Tavite, ti na lotou totogi loa kiate ia se tukusau. Na puipui e le Eteleno a Tavite i ganea fuli ala na ano a ia ki ai.

Uluaki tosi o Sau 10:1

Na logo loa le fafine sau o Sepa ki le logologona o Salomone mo le kololia o le Eteleno, ti na au loa a ia ke asiasii a ia ki ni vesili faigataa.

Uluaki tosi o Sau 4:31

Na poto ake a ia i tagata fuli, o lasi ake ia Etane, tagata Etesele, mo Emani, mo Kalekole, ti mo Taleta, vosa o Masole ; ti na mafola lona logologona i puleaga fuli i ona tafatafa.

Uluaki tosi o Koloniko 14:17

Na mafola loa le logologona o Tavite i fenua fuli, ti na fakaliliu loa a ia e le Eteleno ke i a puleaga fuli kiate ia.

Uluaki tosi o Koloniko 29:2

Na kau tuku oku makeke fuli ki le tokonaki o nea ki le fale o loku Atua, le aulo ki nea ala e tonu ke fai ki le aulo, mo le paaga ki nea ala e tonu ke fai ki le paaga, mo le sila ki nea ala e tonu ke fai ki le sila, mo le ukamea ki nea ala e tonu ke fai ki le ukamea, mo le laakau ki nea ala e tonu ke fai ki laakau, mo ni fatu onise, mo ni fatu fakateuteu, mo ni fatu gigila lanu kesekese, mo ni fatu mauiga kesekese, ti mo ni fatu malepe mauke.

Ekesote 15:26

Na pati loa a ia : Kapau e ke tokaga malie ki le leo o le Eteleno lou Atua, kapau e ke fai le nea leia e totonu ki ona mata, kapau e fakalogo lou taliga ki ana fakatotonu, kapau e ke tausi ana lao fuli, ti e leaise kau tautea loa a koe ki se masaki i masaki ala na kau tautea ki ai le kau Esipito ; talie ko au ko le Eteleno leia e fakamauli ia a koe.

Mateo 12:22

Ti na aumai loa kiate ia se tagata avagaia leia na kivi mo gutu mate, ti na fakamauli loa a ia e Sesu, ti na masau loa mo tio loa le gutu mate.

Mateo 14:1

I le temi a ia, na logo loa le sau ko Elote ki le masaui o Sesu, ti na pati loa a ia ki ana tagata fakasausau : Ko Soane-Patita !

Mateo 15:22

Ti na au loa se fafine Kanaane mei fenua ana, o kalaga kiate ia : Alofa mai kiate au, Aliki, Vosa o Tavite ! Kua veli ai loku taine i le fakavelivelii e temonio.

Mateo 17:15

Aliki, alofa mai ki loku vosa, leia e galigalivale, ti e mamae lasi ai ; e tau vilo a ia ki le afi mo le vai.

Mateo 17:18

Na valoki loa e Sesu le temonio, ti na mavae loa a ia iate ia, ti na mauli loa le toe i le ola lena.

Mateo 4:23

Na feanoaki loa Sesu i Kalilea katoa, o akonaki i sinakoka, mo fakasa ia le logo malie o le Puleaga, ti mo fakamauli a masaki mo maimoa fuli i le kakai.

Mateo 8:28

I le kaku a Sesu ki leia ake fetuu tai, ki le fenua o le kau Katala, na ulu mai loa ni tagata e toka lua mei ni tanuma, o au ki ona mua. Na fakamamae a tagata ana e se kau temonio. Na la itaita veli ai, o leaise feala ke fakalaka se tasi i le ala lena.

Mateo 8:33

Ko latou ala na fagai ia le kau puaka na sosola loa, ti na lotou ano loa ki le kolo o fakamatala i ai a nea fuli ala na soko ki le kau puaka, ti mo le nea leia na soko ki le sa tagata avagaia.

Mateo 8:6

o kolekole kiate ia, o pati : Aliki, ko laku tagata fakasausau e moe i fale, e palalisia ti e mamae lasi ai.

Mateo 9:26

Na mafola loa lona logologona i le fenua katoa.

Mateo 9:35

Na feanoaki Sesu i kolo lalasi fuli mo kolo liliki, o akonaki i sinakoka, mo fakasa le logo malie o le puleaga, ti mo fakamauli a masaki fuli ti mo maimoa fuli.

Maleko 1:28

Ti na mafola loa lona logologona i le lakaga fai lena i potu fuli o Kalilea.

Maleko 1:32

I le afiafi, i le galo o le laa, na aumai loa kia Sesu le kau masaki fuli ti mo le kau avagaia.

Maleko 2:3

Na au loa ni kakai kiate ia mo se tagata palalisia, leia na amo e ni tagata e toka fa.

Maleko 2:4

Ti na leaise mafai ke lotou kaku kiate ia o tupu ko le api o le kakai ; ti na lotou fakamavaa loa se pu i le taufufu o le fale i le ganea leia na tautonu mo Sesu, ti na lotou fakaifo loa i le mavaa lena le palepale leia na moe ai le tagata palalisia.

Maleko 2:9

Kofea e faigaofie ake, i le pati ki le tagata palalisia : Kua fakamolemole au agasala, pe ko le pati : Tuu ki aluga, o too lou palepale, ti ke saele ?

Luka 2:2

Na fai loa le uluaki tosi kakai lena kae na kovana Kiliniusi i le fenua o Silia.

Luka 4:14

Na toe liliu loa Sesu ki Kalilea, kua kofu a ia ki le makeke o le Laumalie Maokioki, ti na mafola loa lona logologona i le fenua katoa.

Luka 4:38

I le mavae a Sesu mei le sinakoka, na ano loa a ia ki le fale o Simone. Na fiva lasi le tinana o le avaga o Simone, ti na lotou kole loa kia Sesu o uiga mo ia.

Luka 5:15

Na toe asilisili ai le mafola o lona logologona, ti na au le kakai o toka api ai o fakalogo kiate ia, ti ke fakamauli e ia latou i olatou masaki.

Luka 5:24

Kae o tupu ke kotou iloa e maua e le Vosa o le tagata i le malama nei le pule ke fakamolemole ai a agasala, ti na pati loa a ia ki le tagata palalisia : E kau fakatotonu atu kiate koe : tuu ki aluga, too lou palepale, ti ke ano ki lou kaiga.

Luka 7:17

Na mafola loa le logologona o Sesu i Sutea katoa ti mo ona tafatafa fuli.

Soane 10:21

Na pati loa ni iki : E leaise ko folafola ana a se tagata kua ulu ai se temonio ; pe feala ke fakatio e se temonio a mata o se kivi ?

Gaoi 10:38

Ti kua kotou iloa le fakanofo e le Atua o Sesu mei Nasaleti i le Laumalie Maokioki mo le makeke. Ti kua kotou iloa foki le ano saele a Sesu i le fenua katoa o fai a nea malilie ti mo fakamauli latou fuli ala na saisai e le pule o le temonio, talie na nofo iate ia le Atua.

Gaoi 15:23

Ti na lotou fakatoo loa kia latou se tosi kua fai feneeki : Ko le kau apositolo, mo le kau fakamatuatua, ti mo fetaina, fakaalofa atu ki fetaina i le kau pagani, kia latou ala e nonofo i Atiokia, mo Silia, ti mo Silisia !

Gaoi 15:41

Na ano loa a ia i Silia mo Silisia, o fakamakeke a Ekelesia.

Gaoi 28:9

I le logo ki le nea lena, na au loa mo la ake foki masaki o le motu, ti na fakamauli fuli loa latou.

Gaoi 8:7

Talie na mavae loa ni laumalie veli mei se toka api leia na avagaia, o tagi leo lasi, ti na fakamauli se toka lasi na palalisia mo kito.

Sosue 6:27

Na nofo loa le Eteleno mo Sosue, ti na mafola loa lona logologona i le fenua katoa.