Mateo 4:23 - Tosi Tapu

²³ Na feanoaki loa Sesu i Kalilea katoa, o akonaki i sinakoka, mo fakasa ia le logo malie o le Puleaga, ti mo fakamauli a masaki mo maimoa fuli i le kakai.

Mateo 4:23 Iomraidhean Croise

Pesalemo 103:3

Ko ia leia e fakamolemole ia au agaveli fuli, Leia e fakamauli ia ou masaki fuli ;

Pesalemo 74:8

Na lotou pati i olatou loto : ke tou maumaui fuli latou ! Na lotou tutu i le fenua katoa a potu tapu fuli.

Mateo 11:5

Kua tio a kivi, kua saele a vae kito, kua mauli a kilia, kua logo a tuli, kua tuu ake a mate, ti kua fakasa le logo malie ki le kau mativa.

Mateo 12:9

I lana mavae mei ai, na ulu loa Sesu ki le sinakoka.

Mateo 13:19

Ka logo se tagata ki le folafola o le Puleaga kae e leaise matala a ia ki ai, e au le pule veli o too le nea leia na muluki i lona loto : Ko le tagata lena leia na tali ia le fakaili i tafatafa o le ala.

Mateo 13:54

Na ano loa a ia ki lona fenua, ti na akonaki loa a ia i le sinakoka, ti ko latou ala na fakalogo kiate ia na ofolele ai, o pati : Pe maua e ia meifea le poto lena ti mo milakulo ana ?

Mateo 14:14

I le sopo a Sesu mei le vaka, na tio loa a ia ki se kakai toka api, ti na aloalofa loa a ia kia latou, ti na fakamauli loa e ia le kau masaki.

Mateo 24:14

E fakamafola loa le logo malie leinei o le puleaga i le malama nei katoa, ke fakamaoki ki puleaga fuli. Ti o soko mai loa le aso fakamuli.

Mateo 3:2

Na pati a ia : Kotou fakasemala, talie kua ofi mai le Puleaga o le atu lagi.

Mateo 9:35

Na feanoaki Sesu i kolo lalasi fuli mo kolo liliki, o akonaki i sinakoka, mo fakasa le logo malie o le puleaga, ti mo fakamauli a masaki fuli ti mo maimoa fuli.

Maleko 1:14

I le oki o le fakaulu o Soane ki le fale pilisoni, na ano loa Sesu ki Kalilea, o fakasa le Evaselio o le Atua.

Maleko 1:21

Na lotou ano loa ki Kafanaume. Ti na ulu loa Sesu ki le sinakoka o akonaki, i le aso o le sapato.

Maleko 1:39

Ti na ano loa a ia o akonaki i sinakoka, i Kalilea katoa, ti na kapu loa e ia le kau temonio.

Maleko 3:10

Talie, o tupu ko lana fakamauli ia ni kakai toka api, na feoso ake kiate ia latou fuli ala na maua ia ni masaki, ke fafa kiate ia.

Maleko 6:2

I le soko mai loa o le sapato, na akonaki loa a ia i le sinakoka. Ti na ofolele le kakai toka api leia na fakalogo kiate ia, o pati : E maua e ia meifea a nea fuli ana ? Ko le poto fea lena kua tuku kiate ia, ti ko le pule feaki lena e fai ai e ia a milakulo ana ?

Maleko 6:6

Ti na ofolele a ia ki lolatou tui gataa. Na folii e Sesu a kolo i le takatakai, o akonaki.

Luka 10:9

ti kotou fakamauli le kau masaki ala e nonofo i ai, ti kotou pati kia latou : Kua fakafeofi mai le puleaga o le Atua kia koutou.

Luka 13:10

I se sapato, na akonaki loa Sesu i se sinakoka.

Luka 16:16

Na tuu le lao mo le kau polofeta o kaku mai kia Soane-Patita ; kae talu loa mei ai mo le fakasa o le logo malie o le puleaga o le Atua, ti e ulu loa ki ai i le fakamakeke.

Luka 20:1

I se aso o aso ana, na akonaki Sesu ki le kakai i le fale tapu, o fakasa le logo malie, kae na au loa kiate ia le kau pule faisakilifisio ti mo le kau sekelipa, ti mo le kau fakamatuatua,

Luka 4:14

Na toe liliu loa Sesu ki Kalilea, kua kofu a ia ki le makeke o le Laumalie Maokioki, ti na mafola loa lona logologona i le fenua katoa.

Luka 5:17

I se tasi a aso, leia na akonaki ai Sesu, na nofo i ai ni kau faliseo mo ni kau toketa o le lao, ala na au mei kolo fuli o Kalilea, mo Sutea mo Selusalemi ; ti na sa le mafimafi o le Aliki i le fakamauli o ni kakai mei olotou masaki.

Luka 6:17

Na ifo loa Sesu mo latou, ti na tuu loa a ia i se ganea laumalie, leia na nofo ai ana tisipulo, ti mo se kakai toka api mei Sutea, mo Selusalemi, ti mo le mata tai o Tile mo Sitone. Na lotou au o fakalogologo kiate ia, ti ke fakamauli olatou masaki.

Luka 6:6

I se tasi sapato, na ulu loa Sesu ki le sinakoka, o akonaki i ai. Ti na nofo i ai se tagata leia na mate lona lima atamai.

Luka 7:21

I le ola fai lena, na fakamauli loa e Sesu ni kakai toka api i olatou masaki, mo olatou maimoa, ti na kapu loa e ia ni laumalie veli, ti na fakatio loa e ia ni kivi toka api.

Luka 7:22

Ti na tali loa Sesu kia laua : Kolua ano o fakamatala kia Soane le nea leia kua kolua tio mo logo ki ai : Kua tio a kivi, kua saele a kito, kua mea a kilia, kua logo a tuli, kua toe tuuake a mate, kua fakasa le logo malie ki le kau mativa.

Luka 8:1

Ti na sili a ia, na ano loa Sesu ki kolo lalasi mo kolo liliki, o akonaki le folafola ti mo fakasa le logo malie o le Puleaga o le Atua.

Luka 9:11

Kae na iloa loa a ia e le kakai, ti na lotou muli loa iate ia. Na fakatalitali loa latou e Sesu, ti na folafola loa a ia kia latou ki le Puleaga o le Atua ; na fakamauli foki e ia latou ala na aoga ke fakamauli.

Luka 9:60

Kae na pati loa Sesu kiate ia : Tuku le kau mate ke tanu ia olatou mate ; kae ko koe, ano o fakasa le puleaga o le Atua.

Soane 18:20

Na tali loa Sesu kiate ia : Na kau masau fakalauatea ki le malama nei ; na kau akonaki tuumau i le sinakoka ti mo le fale tapu, leia na fakatasi ai le kau Sutea katoa, ti na leaise kau pati fakafufu ki se nea.

Soane 6:59

Na fakasa e Sesu a nea ana i le sinakoka, i lana akonaki i Kafanaume.

Soane 7:1

Sili aia, na feanoaki Sesu i Kalilea, talie na leaise fia nofo a ia i Sutea, talie na afa a ia e le kau Sutea ke tamate.

Gaoi 10:38

Ti kua kotou iloa le fakanofo e le Atua o Sesu mei Nasaleti i le Laumalie Maokioki mo le makeke. Ti kua kotou iloa foki le ano saele a Sesu i le fenua katoa o fai a nea malilie ti mo fakamauli latou fuli ala na saisai e le pule o le temonio, talie na nofo iate ia le Atua.

Gaoi 18:4

Ti na akonaki loa Paulo i le sinakoka i aso sapato fuli, ti na aumai e ia ki le tui ni Sutea mo ni Keleka.

Gaoi 20:25

Ti ko leinei, e kau iloa e leaise kotou toe tio loa ki oku mata, koutou fuli ala na kau fakasa ki ai le Puleaga o le Atua.

Gaoi 28:31

o fakasa le Puleaga o le Atua, ti mo akonaki ki nea o uiga mo le Aliki ko Sesu-Kilisito, i le lauatea katoa ti mo sala fakavisi.

Loma 10:15

Ti e feaki loa ke maua ni tagata fai akonaki, mo kapau e leaise kakau latou ? Ofaipe lona tuu i le Tosi : E lotou fulumalilie ai Avae o latou ala e fakasa ia le tokamalie Olatou ala e fakasa ia ni logo malilie.