Mateo 4:16 - Tosi Tapu

¹⁶ Ko le kakai lena, na tonatona i le fakapouli, Kua tio ki se malama lasi ; Ti kua sopo le malama Kia latou ala na nonofo i le fenua ti mo le malu o le mate.

Mateo 4:16 Iomraidhean Croise

Sopo 10:22

Le fenua o se fakapouli matotolu, Leia e pule ai le malu o le mate mo le maveuveu, Ti e tatau ai le malama mo le fakapouli.

Sopo 3:5

Ke osoi a ia e le fakapouli matotolu mo le malu o le mate, Ke fakatuu e ao matotolu lolatou nofoaga i ona aluga, Ti ke tapono e le fakapouli matotolu le laa kiate ia !

Sopo 34:22

E leaise mafai ke fufu e le fakapouli pe ko le malu o le mate Latou ala e fai ia le agaveli.

Pesalemo 44:19

Na leaise maliu kese omatou loto, Na leaise fakamamao o matou vae i lou ala,

Esaia 9:1

Ko le kakai leia na saele i le fakapouli Kua tio ki se malama lasi ; Ko latou ala na nonofo i le fenua o le ata o le mate, Kua mu kia latou se malama.

Esaia 9:2

Kua ke fakaliliu le kakai o toka api, Kua ke tuku kiate ia se fiafia lasi ; Kua fiafia a ia i ou mua, ofaipe le fiafia i le tuuti o le fulumeto, Ofaipe le kalaga fakafiafia i le vae o koloa o le tau.

Selemia 13:16

Kotou tuku le kololia ki le Eteleno, lokoutou Atua, I mua o lana kakau mai kia koutou le fakapouli, I mua o le tukia o okoutou vae ki atu mauga o le pouli ; E kotou talitali loa ki le malama, Kae e fetogi loa e ia a ia ki le malu o le mate, E fakaliliu loa e ia a ia ko se fakapouli matotolu.

Amosi 5:8

Ko ia leia na fakatupu ia a fetuu o le Peleiate mo le Olione, Ko ia leia e fetogi ia le fakapouli o mafoata, Ko ia leia e fakaliliu ia le ao o pouli, Ko ia leia e kalagai ia a vai o le tai, Ti e fakamafola ia a ia i aluga o le kele : Ko le Eteleno ko lona igoa.

Mikea 7:8

Aua na ke fakafiafia o tupu ko au, ei loku fili ! Talie kapau na kau siga, e kau toe tuuake loa ki aluga ; Kapau na kau tonatona i le fakapouli, E liliu loa le Eteleno ko loku malama.

Luka 2:32

Malama ke fakamalama ia a atu puleaga, Ti kololia o Iselaele, lou kakai.