Mateo 4:1 - Tosi Tapu

¹ I le oki o le nea lena, na taki loa Sesu e le Laumalie Maokioki ki le toafa ke fakasalai ai e le Tiapolo.

Mateo 4:1 Iomraidhean Croise

Senesi 3:15

E kau tuku loa le vesia iate koe mo le fafine, i lou sakoga mo lona sakoga : E takafi loa e le sakoga o le fafine lou ulu, kae e ke uuti loa lona mulivae.

Uluaki tosi o Sau 18:12

Ti e soko loa, ka kau mavae loa meiate koe, e ave loa a koe e le Laumalie o le Eteleno ki se ganea leia e leaise kau iloa ; ti e kau ano loa o fakasa le nea lena kia Akapo, leia e leaise maua ia loa a koe, ti e tamate loa e ia au. Kae e i lau tagata fakasausau ki le Eteleno talu mei lona ikiiki.

Lua tosi o Sau 2:16

Ti na lotou pati loa kia Eliseo : Ko leinei, e maua i au tagata fakasausau ni tagata makeke e tino lima, pe ke loto ke lotou ano o afa lou pule ? Na saga na ave a ia e le laumalie o le Aliki o tuku i se mauga pe ko se vaivailiua. Na tali loa Eliseo : Aua na kotou kakau latou.

Esekiele 11:1

Na too loa au e le Laumalie, o ave ki le matapa o le fale o le Eteleno, leia e aga ki le potu esite. Ti ko leinei, i le uluaga o le matapa na i ai ni kau tagata e tino lua tupu lima ; ti na kau tio loa i loto malie o latou kia Saasania, vosa o Asule, mo Pelatia, vosa o Penasa, ko pule laua o le kakai.

Esekiele 11:24

Ti na too loa au e le Laumalie, o ave ki Kaletea ki le kau popula ; ti na puli loa le nea leia na kau tio ki ai i oku aluga.

Esekiele 3:12

Ti na ave loa au e le Laumalie, ti na kau logo loa ki se leo i oku tua ofaipe se gugulu lasi : Ke tapusa le kololia o le Eteleno i lona agaiaga !

Esekiele 3:14

Ti na siki loa au e le Laumalie, o ave. Na kau ano loa i le loto mamae mo le loto itaita, kae na gaoi makeke le lima o le Eteleno kiate au.

Esekiele 40:2

Na ave loa e ia au ki ai i ni tio fakaatua, ti na tuku loa e ia au i le tumutumu o se mauga taualuga lasi ai, leia na tuu ai, i le potu saute, se nea leia na faipe se kolo leia e laga.

Esekiele 43:5

Ti na too loa au e le Laumalie o ave ki le malae loto. Ti ko leinei, kua apele le fale tapu i le kololia o le Eteleno.

Esekiele 8:3

Na falo loa e ia se nea pe se lima, ti na too loa e ia au i loku lau ulu. Na siki loa au e le Laumalie ki le vasa o le malama nei mo le lagi, ti na ave loa e ia au i ni tio ki Selusalemi, ki le fetuu loto o le matapa, leia e aga ki le noleto, leia na tuu ai le taulaatua o le finenonofo, leia e fakatupu ia le finenonofo o le Eteleno.

Soane 14:30

E leaise kau toe masau lasi loa mo koutou ; talie e au le pule o le malama nei. E leaise maua e ia sana nea fua e tasi iate au.

Gaoi 8:39

I lala mavae ake loa i le vai, na too loa Filipo e le Laumalie o le Aliki, ti na leaise toe tio loa le enuke kiate ia : Ti na soko atu loa e ia lona fanoga, i le fiafia.

Loma 8:14

Talie ko latou fuli ala e taki e le Laumalie o le Atua ko vosa o le Atua.

Epelo 2:18

Koia o tupu na asiasii a ia ti na fakasalai a ia, e feala ke tokoi ai a ia kia latou ala e asiasii.

Sakopo 1:14

Kae e fakasalai le tagata mo ka kua taki a ia mo fakasolosolo a ia e lona oli totonu ;