Mateo 3:7 - Tosi Tapu

⁷ Kae, i lana tio ki le au o ni faliseo mo ni Satuseo toka api ki lana papitema, na pati loa a ia kia latou : Lanu o gata velo, ko ai leia na ako atu ia kia koutou ke sola i le sausau leia ka vilo mai ?

Mateo 3:7 Iomraidhean Croise

Senesi 3:15

E kau tuku loa le vesia iate koe mo le fafine, i lou sakoga mo lona sakoga : E takafi loa e le sakoga o le fafine lou ulu, kae e ke uuti loa lona mulivae.

Taagapati 28:4

Ko latou ala e tiaki ia le lao e vikiviki ki le tagata agaveli, Kae ko latou ala e tausi ki le lao e iita kiate ia.

Esaia 59:5

E lotou titi ni fua o le gata uti kona, Ti e lotou lalaga ni pikiaga o kaleveleve. Ko le tagata leia e kai ia alatou fuai manu e mate ; Ti kapau e titi se fa fuai manu e tasi, e ulu mei ai se gata kona.

Selemia 51:6

Kotou sosola i Papilone, ti ke tasi saofaki e le tagata lona mauli, Ke aua na kotou mamate i lona maumau ! Talie ko se temi o le lagavaka ki le Eteleno ; E totogi e ia kiate ia o mulimuli ki ana gaoi.

Selemia 6:10

Ko ai leia e tonu ke kau masau ki ai, ti ko ai leia e tonu ke too ko se tagata fakamaoki ke lotou fakalogo mai ai kiate au ? Ko leinei, kua tulituli lolatou taliga, Ti e leaise mafai fua ke lotou tokaga ; Ko leinei, e fai le folafola a le Eteleno kia latou pe se lumaaga, E leaise lotou maua i ai se fiafia fua e tasi.

Mateo 12:24

I lalatou logo ki le nea lena, na pati loa le kau Faliseo : E kapu e le tagata lena le kau temonio i le makeke o Pelesepu, le pule o le kau temonio.

Mateo 12:34

Lanu o gata velo, e feaki le mafai ke kotou pati ki ni nea malilie, koutou ala ko nea agaveveli ? Talie e masau le gutu mei le mau o le loto.

Mateo 15:12

Na fakafeofi ake loa ana tisipulo, o pati kiate ia : Pe ke iloa na tukia le kau faliseo i lalatou logo ki le folafola lena ?

Mateo 16:1

Na nake loa le kau faliseo mo le kau Satuseo o fakafelavei kia Sesu, ti e o tupu ke lotou asiasii a ia, na lotou kole loa kiate ia ke fakatio latou ki se milakulo leia e au mei le lagi.

Mateo 16:6

Na pati loa Sesu kia latou : Kotou tokaga ki le fakatupu a le kau faliseo mo le kau Satuseo.

Mateo 22:15

Na ano loa le kau faliseo o fonofono ki se puleaki leia ke maua ai se sala ma Sesu i ana masau totonu.

Mateo 22:23

I le aso lena, na au loa kia Sesu le kau Satuseo, ala e pati e leaise toe tuuake, o fai le vesili leinei :

Mateo 22:34

I le logo a le kau faliseo kua tapono e Sesu a gutu o le kau Satuseo, na lotou fakatasi loa,

Mateo 23:33

Kau gata, lanu o gata velo, e feaki loa lakotou sao mei le tua o Ifeli ?

Mateo 5:20

Talie e kau pati atu kia koutou, kapau e leaise fakalaka ake lakoutou faitotonu i le faitotonu a le kau sekelipa mo le kau faliseo, e leaise kotou ulu loa ki le Puleaga o le atu lagi.

Maleko 12:13

Na lotou kakau loa kia Sesu ni iki o le kau faliseo mo le kau Elote, o tupu ke fakamauatoka a ia i ana folafola totonu.

Maleko 12:18

Ko le kau Satuseo, ala na pati e leaise toe tuuake, na au loa kia Sesu o fai kiate ia le vesili leinei :

Maleko 8:15

Na fai loa e Sesu kia latou le fakatotonu leinei : Kotou tokaga ki le fakatupu a le kau faliseo ti mo le fakatupu a Elote.

Luka 16:14

Ko le kau faliseo, ala na fulupipiki ki le paaga, na fakalogo ki nea fuli ana, ti na lotou gologolo kia Sesu.

Luka 18:11

Na tuu le faliseo i aluga, ti na faikole a ia i lona loto, o pati : Ei Atua, e kau fakafetai kiate koe talie e leaise kau faipe tagata fuli : e lotou kaia, mo agaveli, ti mo tono ; ti e leaise kau fai foki pe le popelikano leinei :

Luka 7:30

kae ko le kau faliseo mo le kau sekelipa, na lotou fakanoai le finegalo o le Atua kia latou, i lalatou fakafiti ke papitema latou e Soane.

Soane 1:24

Ko latou ala na kakau ko ni tagata faliseo.

Soane 8:44

E kotou tamana kia Satana, ti e kotou fia fakasoko a oli o lokoutou tamana. Na tukipo a ia talu mei le kamataaga, ti e leaise nofo a ia i le maoki, talie e leaise maoki iate ia. Ka puaki e ia le loi, e masau a ia mei lona takele totonu ; talie e loi a ia ti ko le tamana a ia o le loi.

Soane 9:40

Ko ni iki faliseo ala na nonofo mo ia, i lalatou logo ki folafola ana, na pati loa kiate ia : Pe motou kivi, mo matou foki ?

Gaoi 15:5

Kae na tuu ake loa ki aluga ni iki kua tui i le fetuuga o le kau faliseo, o pati : E tonu ke silikosisio le kau pagani mo fakamaua latou ke mulimuli ki le lao a Moisese.

Gaoi 20:31

Koia, ke kotou leoleo ai, o kotou manatui i fetuu ai e tolu, i le ao mo le pouli, na leaise toe gato laku valoki koutou taki toka tasi mo ni loimata.

Gaoi 26:5

E lotou iloa talu mei fualoa, mo kapau e lotou loto ke fakamaoki ki ai, na kau mauli faliseo o mulimuli ki le maga makeke lasi o latatou lotu.

Gaoi 5:17

Kae na tuu ake loa le pule faisakilifisio, ti mo latou fuli ala na kau mo ia, i le fetuuga o le kau Satuseo, kua lotou apele i le fuaa,

Loma 1:18

E fakasa mei le lagi le sausau o le Atua ki agasala fuli mo veli fuli a tagata ala e taofi ia le gaoi a le maoki,

Loma 5:9

Koia, i le temi leinei kua tou fakamatatonu ai e lona toto, e toe asilisili saofaki loa e ia tatou mei le sausau.

Uluaki tosi ki le kau Tesalonika 1:10

ti ke talitali mei le atu lagi ki lona Alo, leia na toe fakatuuake e ia mei le kau mate, Sesu, leia e fakamauli ia tatou mei le sausau ka au.

Epelo 11:7

Ko le tui leia na fakalogo ai a Noe ki valoki a le Atua o uiga mo nea ala ka soko kae na leaise tio ki ai, ti na i loa a ia ki le Atua, o fau loa se aleka ke fakamauli ai lona famili ; ko le tui lena na fakasa ia loa e ia le veli o le malama nei, ti na liliu loa a ia ko le tagata maua tofiga o le faitotonu leia e maua i le tui.

Epelo 6:18

o tupu, i nea ana e lua ala e leaise toe fetogi ti e leaise feala ke loi ai le Atua, ke tou maua se loto makeke lasi, e tatou ala ko lotatou mumuniaga e tasi ko le kukumi o le amanaki malie leia kua tuku mai kia tatou.

Uluaki tosi a Soane 3:10

Ko leinei le nea leia e mailoga kesekese ai fanau a le Atua mo fanau a le Tiapolo : Ko leia e leaise mauli i le maokioki e leaise au a ia mei le Atua, tatau mo leia e leaise alofa ki lona taina.