Mateo 3:2 - Tosi Tapu

² Na pati a ia : Kotou fakasemala, talie kua ofi mai le Puleaga o le atu lagi.

Mateo 3:2 Iomraidhean Croise

Uluaki tosi o Sau 8:47

kapau e lotou fakakaukau loa i le fenua leia e lotou popula ai loa, kapau e lotou tafoki loa kiate koe, o fai ni tagi kiate koe i le fenua o latou ala na ave ia latou, ti lotou pati loa : Kua motou agasala, kua motou fai ni agaveli, kua motou fai le nea e veli !

Sopo 39:12

Pe fia tausi se pipi vao kiate koe ? Pe fakamoe a ia i le pouli i le fale manu ?

Sopo 42:6

Koia kua kau iloa ai laku sala, ti kua kau fakasemala ai, O tonatona ki le efu mo le mugalafu.

Esekiele 33:11

Pati kia latou : E kau mauli ! e pati le Aliki, le Eteleno, ko le nea leia e kau loto ki ai, e leaise ko le mate o le tagata agasala, kae ke fetogi lona mauli ti ke mauli a ia. Kotou toe liliu mai, kotou toe liliu mai i lokoutou ala veli ; kolea e kotou mamate ai loa, fale o Iselaele ?

Taniela 2:44

I le temi o sau ana, e fakatupu loa e le Atua o le atu lagi se puleaga leia e leaise toe maumaui loa i se aso, ti e leaise toe tuku loa ki le pule a se tasi ake puleaga ; e fatifatii loa e ia, ti e maumaui loa e ia a la ake puleaga fuli, kae e tuu loa a ia totonu, o lee gato.

Mateo 10:7

Kotou ano, kotou fakasa, o kotou pati : Kua ofi le Puleaga o le atu lagi.

Mateo 11:20

Na fai e Sesu ni valoki fakamakeke ki kolo ala na soko ai le lasiga o ana milakulo, talie na leaise lotou fakasemala.

Mateo 12:41

E tutuu ake loa ki aluga a tagata o Ninive, i le aso o le fakamaau, mo le tautupu leinei, ti e fakatua loa e tagata o Ninive le tautupu leinei, talie na lotou fakasemala i le akonaki a Sonasi ; ti ko leinei, e i ai se tasi i leinei e lasi ake ia Sonasi.

Mateo 13:11

Na tali loa Sesu kia latou : Talie kua tuku kia koutou ke kotou iloa a misitelio o le Puleaga o le atu lagi, kae na leaise tuku le nea lena kia latou.

Mateo 13:24

Na toe tuku loa e Sesu kia latou se tasi folafola fakatata, o pati : E fakatatau le Puleaga o le atu lagi ki se tagata leia na muluki ia se fakaili malie i lana faigasaga.

Mateo 13:31

Na tuku loa e Sesu kia latou se tasi folafola fakatata, o pati : E fakatatau le Puleaga o le atu lagi ki se fa fuai sinapi leia e ave e se tagata, o to i lana faigasaga.

Mateo 13:33

Na toe fakasa loa e ia kia latou se tasi folafola fakatata : E fakatatau le Puleaga o le atu lagi ki se fakatupu leia na too e se fafine, o lusi fakatasi mo ni ipu falina e tolu, ti tuku loa e ia ke tupu.

Mateo 13:47

E toe fakatatau foki le Puleaga o le atu lagi ki se kupega leia na ti ki le tai o tae mai ni ika i faasiga kesekese.

Mateo 13:52

Ti na pati loa a ia kia latou : Koia ko sekelipa fuli kua ako o uiga mo le Puleaga o le atu lagi, e tatau mo se pule kaiga leia e too ia mei lona koloa ni nea foou mo ni nea afea.

Mateo 18:23

Koia e fakatatau loa le puleaga o le atu lagi ki se sau leia kua loto ke fakamaui a gaoi o ana tagata fakasausau.

Mateo 20:1

Talie e fakatatau le puleaga o le atu lagi ki se tagata pule kaiga leia na usuusu o afa ni tagata gaoi ki lana vite.

Mateo 22:2

E fakatatau le puleaga o le atu lagi ki se sau leia na fai ia se kaitasi ki le avaga o lona vosa.

Mateo 23:13

Malaia kia koutou, kau sekelipa mo kau faliseo malualoi ! Talie e kotou tapono ki le tagata le puleaga o le atu lagi ; e leaise kotou ulu ki ai koutou totonu, ti e leaise kotou tuku ke ulu ki ai latou ala e fia ulu.

Mateo 25:1

Ti e toe fakatatau loa le puleaga o le atu lagi ki ni taineliki taupoou e tino agafulu, ala na too ia olatou malama, ti na ano loa o fakafetaulaki ki le tagata avaga.

Mateo 25:14

E toe fakatatau loa le puleaga o le atu lagi ki se tagata leia ka folau ki se fenua mamao, ti na kalagai loa e ia ana tagata fakasausau, o tuku kia latou ona koloa ke lotou taupau.

Mateo 4:17

Na kamata loa mei ai le akonaki a Sesu, ti na pati loa a ia : Kotou fakasemala talie kua ofi mai le Puleaga o Selo.

Mateo 4:23

Na feanoaki loa Sesu i Kalilea katoa, o akonaki i sinakoka, mo fakasa ia le logo malie o le Puleaga, ti mo fakamauli a masaki mo maimoa fuli i le kakai.

Mateo 5:10

Manuia latou ala e fakavelivelii o tupu ko le faitotonu, talie e fakalogo loa kia latou le Puleaga o le atu lagi !

Mateo 5:3

Manuia latou ala e mativa i le loto, talie e fakalogo kia latou le Puleaga o le atu lagi.

Mateo 6:10

ke aumai lou pule ; ke fai lou finegalo i le kele ofaipe i Selo.

Mateo 6:33

Kotou afa mua le Puleaga mo le faitotonu a le Atua, ti e fakalasi atu loa a nea fuli ana kia koutou.

Maleko 1:15

Na pati a ia : Kua soko le temi, ti kua ofi mai le puleaga o le Atua. Kotou fakasemala, ti kotou tui ki le logo malie.

Maleko 1:4

Na sa loa Soane, o fai papitema i le toafa, ti mo akonaki ki le papitema o le fakasemala ki le fakamolemole o agasala.

Maleko 6:12

Na lotou ano loa, ti na lotou akonaki loa ki le fakasemala.

Luka 1:16

Ti e toe taki loa e ia se toka api i vosa o Iselaele ki le Aliki, lolatou Atua ;

Luka 11:20

Kae, kapau e kau kapu a temonio i le makeke o le Atua, ti kua au le Puleaga o le Atua kia koutou.

Luka 13:3

E kau pati atu kia koutou, leai. Kae kapau e leaise kotou fakasemala o fetogi akoutou aga, ti e kotou mamate fuli loa.

Luka 13:5

E kau pati atu kia koutou, leai. Kae kapau e leaise kotou fakasemala o fetogi akoutou aga, ti e kotou mamate fuli loa ofaipe latou ana.

Luka 15:10

Koia e kau pati atu ai kia koutou : e i ai se fiafia i mua o le kau aselo o le Atua i se tagata agasala e toka tasi leia e fakasemala.

Luka 15:7

Koia e kau pati atu ai kia koutou, e ia loa se fiafia lasi ake i le lagi i se tagata agasala e toka tasi leia e fakasemala, i ni tagata agatonu e tino iva tupu iva ala e leaise aoga ki ai le fakasemala.

Luka 16:30

Ti na pati loa le tagata mou koloa : Leai, tamana Apalaamo, kae kapau e ano loa se tasi i le kau mate kia latou, e lotou fakasemala loa.

Luka 21:31

Ti e fenaaki foki, peka kotou tio loa ki nea ana kua soko mai, ke kotou iloa ai kua ofi mai le Puleaga o le Atua.

Luka 24:47

ti e fakasa loa le fakasemala mo le fakamolemole o agasala i lona suafa ki puleaga fuli, o kamata mei Selusalemi.

Luka 6:20

Ti na tagaki loa Sesu ki ana tisipulo, o pati : Manuia koutou ala e mativa, talie a koutou le Puleaga o le Atua !

Luka 9:2

Ti na kakau loa e ia latou ke ano o fakamafola le Puleaga o le Atua, ti mo fakamauli a masaki.

Gaoi 11:18

I le oki o lalatou fakalogo ki le nea lena, na lotou fimalie loa ti na lotou fakakololia ki le Atua, o pati : Kua tuku foki e le Atua le fakasemala ki le kau pagani, o tupu ke lotou maua le mauli lee gato.

Gaoi 17:30

Kae na leaise fakaaoga e le Atua a temi ala na nofo ai a tagata i le fakapouli, kae kua fakasa e ia i le temi nei ki tagata fuli i ganea fuli, e tonu ke lotou fakasemala,

Gaoi 2:38

Na pati loa Petelo kia latou : Kotou fakasemala ti ke kotou tasi papitema i le suafa o Sesu-Kilisito, o tupu ko le fakamolemole o akoutou agasala ; ti e kotou tali loa le nea alofa o le Laumalie Maokioki.

Gaoi 20:21

o kau fakasa ki le kau Sutea mo le kau Keleka le fakasemala ki le Atua, ti mo le tui ki lotatou Aliki ko Sesu-Kilisito.

Gaoi 26:20

kae na kau fakasa kia latou ala i Tamaso mua, mo latou ala i Selusalemi, mo latou ala i le fenua katoa o Sutea, ti mo le kau pagani, ke lotou fakasemala ti ke lotou tafoki ki le Atua, o fai a gaoi ala e gali mo le fakasemala.

Gaoi 3:19

Koia kotou fakasemala mo kotou tafoki, ke fakamolemole ai akoutou agasala,

Lua tosi ki le kau Kolinto 7:10

Koia, ko le loto mamae mei le Atua e fakatupu ia se fakasemala ki le mauli, leia e leaise tou toe fakasemala ki ai, kae ko le loto mamae mei le malama nei e fakatupu ia le mate.

Kolose 1:13

leia kua saofaki ia tatou mei le makeke o le fakapouli ti kua siki ia tatou ki le puleaga o lona Alo alofaina,

Lua tosi kia Timoteo 2:25

e tonu ke fakatonutonu e ia i le agamalu latou ala e agatuu, na saga e soli loa e le Atua kia latou le fakasemala ke lotou tui ai ki le maoki,

Epelo 6:1

Koia foki, ke tuku ki muli a uluaki folafola a Kilisito, tou fai atu ki le nea leia e malie tukupau ; kae aua na toe teki le fakatafito o le fakafiti ki gaoi mate,

Lua tosi a Petelo 3:9

E leaise tuvai le Aliki i le fakasoko o lana fakapapau, ofaipe le lau a ni iki ; kae e kataki fualoa a ia kia koutou, talie e leaise loto a ia ke mate se tasi, kae ke kotou kaku fuli ki le fakasemala.

Apokalipisi 2:21

Na kau tuku kiate ia se temi ke fakasemala ai, kae e leaise loto a ia ke fakasemala ki lana fai feauaki.

Apokalipisi 2:5

Koia ke ke manatui loa le ganea leia kua ke vilo mei ai, ti ke ke fakasemala, o fai au uluaki gaoi ; ka leai, ti e kau au loa kiate koe, ti e kau too loa lou tekiaga malama mei lona tekiaga, io, mo kapau e leaise ke fakasemala.