Mateo 3:17 - Tosi Tapu

¹⁷ Ti ko leinei, na kalaga loa se leo mei le lagi, o fakasa a masau anei : Ko ia leinei ko loku Alo alofaina, leia kua kau tuku ki ai loku alofa katoa.

Mateo 3:17 Iomraidhean Croise

Pesalemo 2:7

E kau fakasa loa le fono ; Na pati mai le Eteleno kiate au : Ko loku alo a koe ! Na kau fakatupu a koe i le aso nei.

Esaia 42:1

Ko leinei laku tagata fakasausau, leia e kau tokoi loa ki ai, Laku filifilia, leia e fiafia ai loku laumalie. Na kau tuku kiate ia loku Laumalie ; E fakasa loa e ia le faitotonu ki atu puleaga.

Esaia 42:21

Na loto le Eteleno, ki le fiafia o Iselaele, Ke fakasa se lao lasi mo fulumalie.

Levitiko 15:15

E momoli loa e le tagata faisakilifisio se manu lele e tasi ki le sakilifisio o le fakamolemole, ti mo se tasi manu lele ki le failaulau. Ti e fai loa e ia ki le tagata lena i mua o le Eteleno, le tootooga leia e fakamea ia loa a ia i lona masaki fakatagata.

Mateo 12:18

Ko leinei laku tagata fakasausau leia na kau filifili, Loku alofaaga leia e fiafia ai loku loto. E kau tuku loa loku Laumalie kiate ia, Ti e fakasa loa e ia le faitotonu ki atu puleaga.

Mateo 17:5

I le lolotoga o lana masau, na uufi loa latou e se ao gigila. Ti ko leinei, na fakasa loa e se leo mei le ao a folafola anei : Ko ia leinei ko loku Alo alofaina, leia kua kau tuku ki ai loku alofa : Kotou fakalogo kiate ia !

Maleko 1:11

Ti na fakasa loa e se leo mei le lagi a folafola anei : Ko loku Alo alofaina a koe, leia kua kau tuku ki ai loku alofa katoa.

Maleko 9:7

Na au loa se ao o uufi latou, ti na sa loa se leo mei le ao : Ko ia leinei ko loku Alo alofaina : Kotou fakalogo kiate ia !

Luka 3:22

ti na ifo loa le Laumalie Maokioki kiate ia o fakaata ki se lupe. Ti na fakasa loa e se leo mei le lagi, o pati : Ko koe ko loku Alo alofaina, ti ko koe leia kua kau tuku ki ai loku alofa katoa.

Luka 9:35

Ti na logo mai loa se leo mei le ao, o pati : Ko ia leinei ko loku Alo filifiliia, kotou fakalogo kiate ia !

Soane 5:20

Talie e alofa le Tamana ki le Alo, o fakasa e ia kiate ia a nea fuli ala e fai e ia ; ti e fakasa loa e ia kiate ia ni gaoi lalasi ake i gaoi anei, o tupu ke kotou ofolele ai.

Soane 5:37

Ti ko le Tamana leia na kakau ia mai au na fakamaoki totonu kiate au. Na leaise kotou logo fua ki lona leo i se aso, pe tio ki ona mata,

Efeso 1:6

ke fakafetai ki le kololia o lona kalasia leia kua soli fakaalofa e ia kia tatou i lona Alo alofaina.

Kolose 1:13

leia kua saofaki ia tatou mei le makeke o le fakapouli ti kua siki ia tatou ki le puleaga o lona Alo alofaina,

Lua tosi a Petelo 1:17

Talie na maua e ia le fakamauiga mo le kololia mei le Atua ko le Tamana, i le lakaga leia na fakasa ai e lona kololia kiate ia se leo leia na pati : Ko loku Alo alofaina leinei, leia kua kau tuku ki ai loku alofa katoa.

Uluaki tosi a Soane 5:9

Kapau e tou maua le fakamaoki a tagata, e lasi ake le fakamaoki a le Atua, talie na fakasa le fakamaoki a le Atua ki lona Alo.

Apokalipisi 14:2

Ti na kau logo loa ki se leo mei le lagi, ofaipe le gugulu o vaitafe lalasi, ofaipe le gugulu o se mana lasi ; ti ko le leo leia na kau logo ki ai na faipe le leo o ni tagata ta alepe ala e ta ia alatou alepe.