Mateo 3:16 - Tosi Tapu

¹⁶ I le oki o lona papitema, na mavae loa Sesu mei le vai. Ti ko leinei, na mavaa loa le atu lagi, ti na tio loa a ia ki le Laumalie o le Atua e ifo mai ofaipe se lupe tea, o au kiate ia.

Mateo 3:16 Iomraidhean Croise

Esaia 11:2

E nofo loa le Laumalie o le Eteleno iate ia : Laumalie o le poto mo le atamai, Laumalie o le tokoi mo le makeke, Laumalie o le iloa mo le i ki le Eteleno.

Esaia 42:1

Ko leinei laku tagata fakasausau, leia e kau tokoi loa ki ai, Laku filifilia, leia e fiafia ai loku laumalie. Na kau tuku kiate ia loku Laumalie ; E fakasa loa e ia le faitotonu ki atu puleaga.

Esaia 59:21

Ko leinei laku sai mo latou, e pati le Eteleno : Ko loku Laumalie, leia e nofo iate koe, Ti mo aku folafola, ala na kau tuku ki lou gutu, E leaise toe mavae loa i lou gutu, Mo le gutu o au fanau, Ti mo le gutu o fanau o au fanau, I le aso nei o lee gato, e pati le Eteleno.

Esaia 61:1

E iate au le Laumalie o le Aliki, le Eteleno, Talie na fakanofo au e le Eteleno ke ave ia ni logo malilie kia latou e mativa ; Na kakau e ia au ke fakamauli latou e loto fatifati, Ke fakasa ki le kau popula le lauatea, Ki le kau pilisoni le saofaki ;

Esekiele 1:1

I le kau tolu fetuu, i le aso lima o le masina fa, i laku nofo mo le kakai popula i le vaitafe o Kepale, na mavaa loa le lagi ti na kau tio loa ki ni nea fakaatua.

Maleko 1:10

I le lakaga leia na mavae ai a ia mei le vai, na tio loa a ia ki le mavaa o le lagi, ti mo le Laumalie Maokioki e ifo kiate ia ofaipe se lupe.

Soane 1:51

Na pati loa Sesu kiate ia : E maoki, e maoki, e kotou tio loa ki le lagi kua mavaa, ti mo le kau aselo a le Atua e pale mo ifo i aluga o le Vosa o le tagata.

Soane 3:34

talie ko leia na kakau mai e le Atua e fakasa ia a folafola a le Atua, talie e leaise tuku e le Atua kiate ia le Laumalie Maokioki, o fakafuafua.

Gaoi 1:22

mei lona papitema e Soane Patita o kaku ki le aso leia na ave ai a ia ki aluga meia matou, e tonu ke i ai se tasi ke kau mo matou ki le fakamaoki o lona toe tuuake.

Gaoi 7:56

Ti na pati loa a ia : Ko leinei, e kau tio ki le lagi kua mavaa ti mo le Vosa o le tagata e tuu i le fetuu atamai o le Atua.

Uluaki tosi a Soane 5:6

Ko ia, Sesu-Kilisito, leia na au mo le vai ti mo le toto ; leai mo le vai fuai, kae mo le vai ti mo le toto ; ti ko le Laumalie leia e fakamaoki, talie ko le Laumalie ko le maoki a ia.