Mateo 3:11 - Tosi Tapu

¹¹ Ko au, e kau papitema koutou ki le vai o uiga mo le fakasemala, kae ko ia loa leia e olo mai kiate au e makeke ake iate au, ti e leaise kau gali ke kapa ki ona taka. Ko ia leia e papitema ia loa koutou ki le Laumalie Maokioki ti mo le afi.

Mateo 3:11 Iomraidhean Croise

Esaia 4:4

I le oki o le fufulu e le Eteleno o kelekele o taineliki o Sione, Ti mo le fakamea o Selusalemi i le toto leia e maua i loto malie o ona, Ki le matagi o lona faitotonu mo le matagi o le maumau.

Esaia 44:3

Talie e kau liligi loa ni vai ki le fenua kua mate i le fia inu, Ti mo ni liua ki le kele malo ; E kau liligi loa loku Laumalie ki lou sakoga, Ti mo laku tapuakina ki ou uli.

Sakalia 13:9

E kau tuku loa le vaega tolu lena ki le afi, Ti e kau fakamea loa a ia ofaipe le fakamea o le paaga, E kau fakamea loa a ia ofaipe le fakamea o le aulo i le afi. E fetapa loa a ia ki loku suafa, ti e kau tali loa kiate ia, E kau pati loa : Ko loku kakai ! Ti e pati loa a ia : Ko le Eteleno ko loku Atua !

Mateo 3:6

ti na lotou kofesio fakalauatea alatou agasala, ti na papitema latou e Soane i le vai o Solotane.

Maleko 1:4

Na sa loa Soane, o fai papitema i le toafa, ti mo akonaki ki le papitema o le fakasemala ki le fakamolemole o agasala.

Luka 1:17

E saele loa a ia i mua o le Atua mo le laumalie ti mo le makeke o Elia, ke toe taki mai ai a loto o tamana ki fanau, ti mo le kau patigataa ki le poto o le kau agatonu, o tupu ke teuteui se kakai ke malie ki le Aliki.

Luka 3:16

na pati loa Soane kia latou fuli : Ko au, e kau papitema koutou ki le vai ; kae e au loa leia e makeke ake iate au, ti e leaise kau gali ke kau tatala ia a sai o ona taka. Ko ia leia e papitema ia loa koutou ki le Laumalie Maokioki mo le afi.

Luka 3:3

Ti na ano loa a ia i le fenua katoa i le tafatafa o le Solotane, o akonaki ki le papitema o le fakasemala, o tupu ko le fakamolemole o agasala,

Soane 1:15

Na fakamaoki Soane kiate ia, o kalaga : Ko leinei leia na kau pati atu ki ai : Ko leia e muli mai iate au e lasi ake iate au, talie na mua a ia iate au.

Soane 1:30

Ko ia leia na kau pati atu ki ai : E au se tagata i oku muli leia e lasi ake iate au, talie na mua a ia iate au.

Gaoi 1:5

Talie na papitema Soane ki le vai, kae ko koutou, i ni ga aso teiki fua, e kotou papitema loa ki le Laumalie Maokioki.

Gaoi 19:4

Ti na pati loa Paulo : Na fai papitema Soane ki le papitema o le fakasemala, o pati ki le kakai ke tui ki leia e au i ona muli, ko lona uiga, kia Sesu.

Gaoi 8:36

I le soko atu o lola fanoga, na la felavei loa mo se vai. Ti na pati loa le enuke : Ko leinei se vai, kolea ka taofi ia loku papitema ?

Gaoi 8:38

Ti na fakatotonu loa e ia ke fakatuu le saliote ; na la ifo toka lua loa ki le vai, a Filipo mo le enuke, ti na papitema loa e Filipo le Enuke.

Uluaki tosi ki le kau Kolinto 12:13

Talie kua tou papitema fuli i se Laumalie e tasi, ke fau se tino e tasi, pe Sutea, pe Keleka, pe popula, pe lauatea, ti kua fakainu fuli tatou ki se Laumalie e tasi.

Efeso 3:8

Kiate au, leia e ikiiki oki i le kau sagato katoa, kua tuku ki ai le kalasia lena ke kau fakasa ia ki le kau pagani a koloa loloto o Kilisito,

Tito 3:5

kua saofaki e ia tatou, o leaise tupu ko gaoi o le faitotonu ala na tou fai, kae o mulimuli ki lona manavaalofa, ki le maanu o le tupu foou mo le fakafoou a le Laumalie Maokioki.

Uluaki tosi a Petelo 5:5

Ti ko koutou foki, kau tupulaga, ke kotou fakataulalo ki le kau fakamatuatua. Ti ko koutou fuli, ke kotou kofu le fakataulalo i okoutou vasaa ; talie E tau le Atua ki le kau fia nealasi, Kae e soli e ia lona kalasia ki le kau fia taulalo.