Mateo 3:10 - Tosi Tapu

¹⁰ Kua tuu foki le toki i le aka o laakau : ko laakau fuli e leaise fua ki ni fua malilie e tuuti loa o ti ki le afi.

Mateo 3:10 Iomraidhean Croise

Lua tosi a Samuele 23:7

Ko leia e fafa kia latou e tonu ke too e ia se ukamea pe ko se laakau loa, Ti e tutu e ia latou ki le afi i le ganea lena.

Pesalemo 1:3

E tatau a ia mo se laakau na to i tafa se tafeaga vai, Leia e fua i lona temi, Ti e leaise gini lona lau : Ko nea fuli ala e fai e ia e manuia kiate ia.

Pesalemo 140:10

Ke vilo ki ulu o latou ala e takatakai ia au Le agaveli o olatou laugutu !

Pesalemo 92:12

E fiafia loku mata i le tio ki oku fili, Ti mo loku taliga i le logo ki le kau agaveli e vesia kiate au.

Esaia 27:11

Ka malo a laa o laakau, e fati latou ; E au a fafine o tutu latou. E maoki ko se kakai sala atamai a ia : Koia na leaise alofa ai kiate ia leia na fakatupu ia a ia, Ti na leaise fakamolemole ai kiate ia leia na fau ia a ia.

Esaia 61:3

Ke soli kia latou fuli ala e mamae i Sione, Io, ke soli kia latou se pala fakasau ke fetogi ai le mugalafu, Mo se lolo fakafiafia ke fetogi ai le putu, Mo se kofu fakafetai ke fetogi ai le loto mamae, O tupu ke fakaigoa latou ko ni telepate o le faitotonu, Se faisaga a le Eteleno, ke tausi ki lona kololia.

Selemia 17:8

E fai a ia pe se laakau na to i tafa o se tafeaga vai, Leia e falo ia ona aka ki le tafe ; E leaise iloa e ia le vevela mo ka au a ia, Ti e sesega tuumau lona lau. I le fetuu o le taulaa, e leaise tuania e ia se nea, Ti e leaise toe gato lona fua.

Taniela 4:14

Na kalaga leo lasi loa a ia ti na masau mai loa a ia kiate au, o pati : Kotou sele ki lalo le laakau, ti kotou tutuuti ona laa ; kotou lu ona lau, ti kotou veteki ona fua ; ke sosola a manu mei ona lalo, ti mo manu lele mei ona laa !

Malakia 4:1

Talie ko leinei, e au le aso, Kaka ofaipe se gutuumu. Ko le kau fia nea lasi fuli mo le kau agaveli fuli e fai loa pe le penu ; E tutu loa latou e le aso leia e au, E pati le Eteleno o kau tau. E leaise toe loa ia latou se aka pe ko se taulu.

Mateo 21:19

Ti na tio loa a ia ki se fiki i le ala, ti na fakafeofi loa a ia ki ai ; kae na maua loa e ia ni lau ata, ti na pati loa a ia ki le fiki : Ke aua na toe tupu loa se fua iate koe ! Ti na malo loa le fiki i le temi fai lena.

Mateo 7:19

Ko laakau fuli ala e leaise tupu i ai ni fua malilie e tuuti loa, o ti ki le afi.

Luka 23:31

Talie, kapau e fai le nea leinei ki le laakau mata, ti kolea loa ka soko ki le laakau malo ?

Luka 3:9

Kua tuu foki le toki i aka o laakau : Ko laakau fuli ala e leaise maua ia ni fua malilie, e tuuti loa o ti ki le afi.

Soane 15:2

Ko laa fuli iate au e leaise fua, e tuuti e ia ; ti ko laa fuli e fua, e muto e ia, o tupu ke toe asilisili fua a ia o lasi ake.

Soane 15:6

Kapau e leaise nofo se tasi iate au, e tiaki a ia ki fafo ofaipe le laa vite, ti e malo a ia ; ti e tanaki a ia o ti ki le afi, ke ulaula i ai.

Epelo 12:25

Kotou tokaga ke aua na kotou fakafiti ki leia e masau atu kia koutou ; talie kapau na leaise sao latou ala na fakafiti loa ke logo ki leia na fakasa ia ni folafola i le malama nei, e feaki ake loa ke tou sao mo kapau e tou titua ki leia e masau mei le lagi,

Epelo 6:8

kae kapau e fakatupu e ia ni malualoi mo ni laakau talatala, e leaise aoga a ia, ti e leaise tuvai lona fakamalaia ; ti e fakaoki loa a ia o tutu i le afi.