Mateo 28:5 - Tosi Tapu

⁵ Kae na masau loa le aselo, o pati ki fafine : Kia koulua, aua na kolua i ; talie e kau iloa e kolua afa Sesu leia na tutuki i le koluse.

Mateo 28:5 Iomraidhean Croise

Esaia 35:4

Kotou pati kia latou ala kua loto gaegae : Kotou loto makeke, aua na kotou i ; Ko leinei lokoutou Atua, e au loa le tautea, Le totogi a le Atua ; E au loa a ia totonu, ti e fakamauli loa e ia koutou.

Esaia 41:10

Aua na ke i ki se nea, talie e kau nofo mo koe ; Aua na ke takamilo ni mata tuania, talie ko au ko lou Atua ; E kau fakamakeke a koe, e kau au o tokoi kiate koe, E kau taofi a koe ki loku lima atamai malo.

Esaia 41:14

Aua na ke i ki se nea, kelemutu o Sakopo, Toetoega gaegae o Iselaele ; E kau au o tokoi kiate koe, e pati le Eteleno, Ti ko le Sagato o Iselaele ko lou fakamauli.

Taniela 10:12

Na pati mai loa a ia kiate au : Taniela, aua na ke i ki se nea ; talie talu mei le uluaki aso leia na ke loto ai ke ke matala, ti na ke fakataulalo ai i mua o lou Atua, na logo a ia ki au masau, ti ko au masau ala kua tupu ai laku au.

Taniela 10:19

Ti na pati mai loa a ia kiate au : Aua na ke i, tagata alofaina, ke iate koe le tokamalie ! Loto makeke ! Loto makeke ! I le lolotoga o lana masau mai kiate au, na kau toe maua loa loku makeke, ti na kau pati loa : Ke masau loku Aliki, talie kua ke fakamakeke au.

Mateo 14:27

Kae na pati loa Sesu kia latou i le temi fai lena : Kotou fimalie, ko au, aua na kotou i !

Mateo 28:10

Ti na pati loa Sesu kia laua : Aua na kolua i ; kolua ano o pati ki oku fetaina ke lotou ano ki Kalilea : I ai e lotou tio loa kiate au.

Mateo 28:4

Na lulu loa le kau tagata leo i le i, ti na lotou liliu loa ofaipe ni mate.

Maleko 16:6

Kae na pati loa a ia kia latou : Aua na kotou i ; e kotou afa Sesu mei Nasaleti, leia na tutuki ki le koluse ; kua toe tuuake a ia, ti e leaise koi nofo a ia i leinei ; kotou tio ki le ganea leia na tuku ai a ia.

Luka 1:30

Kae na pati loa le aselo kiate ia : Aua na ke i, Malia, talie kua ke maua se kalasia i mua o le Atua.

Luka 24:5

I lolatou i, o punou olotou mata ki le kele, na pati loa le sa tagata kia latou : Kolea e kotou afa ai i le kau mate leia e mauli ?

Gaoi 2:24

Kua toe fakatuuake a ia e le Atua, o saofaki a ia mei sai o le mate, talie na leaise mafai ke taofi a ia e le mate.

Epelo 1:14

Pe leaise ko ni laumalie fuli latou, ala e tausi ki le Atua, ti kua kakau ke gaoi kia latou ala e tonu ke maua ia le mauli lee gato ?