Mateo 28:2 - Tosi Tapu

² Ti ko leinei, na to loa se mafuike lasi ; talie na ifo mai se aselo o le Aliki mei lagi, o fulusi le fatu, ti na ekeeke loa a ia i ona aluga.

Mateo 28:2 Iomraidhean Croise

Mateo 27:60

ti na tuku loa e ia a ia ki se tanuma foou leia na kenu i le utu. Ti na fuli loa e ia se fa fatu fualasi ki mua o le tanuma, ti na ano loa a ia.

Mateo 27:66

Na lotou ano loa, o leo le tanuma : na lotou fakamaumau loa ki le sima le fatu tapono o le tanuma, ti na lotou fakanofo loa i mua le kau solia ke leo ia a ia.

Soane 20:1

I le uluaki aso o le vasaa, na ano loa Malia mei Maketala ki le tanuma i le pogipogi usu, kae koi fakapouli ; ti na tio loa a ia kua too le fatu mei le tanuma.

Gaoi 16:26

Ti fokifa kua to se mafuike lasi, o galulu ai a fakatafito o le fale pilisoni ; i le temi fai lena, na mavaa loa a matapa fuli, ti na motumotu loa a tini o le kau pilisoni katoa.

Gaoi 5:19

Kae, i le pouli, na fakamavaa loa e se aselo o le Aliki a matapa o le pilisoni, ti na taki loa e ia latou ki fafo, o pati kia latou :

Uluaki tosi kia Timoteo 3:16

Ti e maoki, e lasi le misitelio o le alofa o le Atua : Kua fakasa le Atua i le kanofi, kua fakamaoki a ia i le Laumalie, kua tio kiate ia le kau aselo, kua fakamafola a ia ki puleaga, kua tui kiate ia i le malama nei, ti kua siki ake a ia ki le kololia.

Uluaki tosi a Petelo 1:12

Na fakasa loa kia latou ko nea ala na tuku kia latou ko ni nea, o leai kia latou totonu, kae kia koutou. Ti kua fakasa atu kia koutou a nea ana i le temi nei e latou ala na akonaki ia le Evaselio i le Laumalie Maokioki leia na kakau mei lagi, ti e oli le kau aselo ke tio ki ai.

Apokalipisi 11:19

Ti na fakamavaa loa le fale tapu o le Atua i le lagi, ti na sa loa le aleka o lona sai i lona fale tapu. Ti na i ai loa ni uila, mo ni leo, mo ni mana, mo se mafuike, ti mo se ua fatu makeke.