Mateo 27:41 - Tosi Tapu

⁴¹ Ti na gologolo foki le kau pule faisakilifisio, mo le kau sekelipa ti mo le kau fakamatuatua, kiate ia, o pati :

Mateo 27:41 Iomraidhean Croise

Sopo 13:9

Kapau e oono e ia koutou, pe fakamaoki loa a ia kia koutou ? Pe kotou kakai loa a ia ofaipe le kakai o se tagata ?

Pesalemo 35:26

Ke lotou luma fuli fakatasi ti ke lotou i, Latou ala e fiafia o tupu ko loku malaia ! Ke lotou kofu ki le luma mo le fakalialia, Latou ala e agatuu mai kiate au !

Esaia 28:22

Koia, i le aso nei, aua na kotou gologolo, Ke aua na toe fakamakeke okoutou sai ; Talie ko le maumaui o le fenua katoa kua oki i le fakapapau ; Na kau iloa le nea lena mei le Aliki, le Eteleno o kau tau.

Esaia 49:7

Koia e pati ai le Eteleno, le fakamauli, le Sagato o Iselaele, Ki leia e vesiainai, leia e fakalialia ki ai le kakai, Ki le tagata popula a le kau makeke : E tio loa ni sau kiate ia, ti e lotou tutuu loa ki aluga ; E tio foki ni aliki kiate ia, ti e lotou punou loa i ona mua, O tupu ko le Eteleno, leia e agatonu, O tupu ko le Sagato o Iselaele, leia na filifili ia a koe.

Sakalia 11:8

Na kau kapu loa a tagata tausi ovi e toka tolu i le masina e tasi. Ti na oki a ia, na oki loa le kataki o loku loto kia latou, ti na toe vesia foki olatou loto kiate au.

Mateo 27:40

o pati : A koe leia e maumaui ia le fale tapu, ti e toe fakatuu ia a ia i ni aso e tolu, saofaki a koe totonu ! Ti kapau ko le Alo a koe o le Atua, ifo mai mei le koluse ki lalo !

Mateo 27:42

Na saofaki e ia ala, kae e leaise mafai e ia ke saofaki a ia totonu ! Kapau ko le sau a ia o Iselaele, ke ifo a ia mei le koluse, ti e motou tui loa kiate ia !

Luka 18:32

E tuku loa a ia ki le kau pagani, ala e gologolo loa kiate ia, mo nukinuki loa kiate ia, ti mo anuanu loa kiate ia.

Luka 22:52

Na pati loa a ia ki le kau pule faisakilifisio mo le kau pule ofisa o le fale tapu, ti mo le kau fakamatuatua, ala na au o too a ia : Na kotou au mo ni seleta ti mo ni laakau, ofaipe ki se tagata kaia.

Luka 23:35

Na tutuu le kakai i ai, o tio. Na gologolo le kau pule kiate ia, o pati : Na saofaki e ia ni kakai kese ; ke saofaki e ia a ia totonu mo kapau ko ia ko le Kilisito, ko le Filifiliia a le Atua.